প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি হেন্না পুক্নিং চীংশিন্নবা, কান্নবা পীনবা অমসুং ইনক্লুসিব ওইনবা ‘এগ্রিকলচর ইনফ্রাস্ত্রকচর ফন্দ’গী মখাদা ফাইনান্সিং ফেসিলিতীগী সেন্ত্রেল সেক্তর স্কিমগী প্রোগ্রেসিব এক্সপান্সন অয়াবা পীখ্রে।

লৈবাক অসিদা এগ্রিকলচরেল ইনফ্রাস্ত্রকচর হেনগৎহন্নবা অমসুং মপাঙ্গল কনখৎহন্নবা অমসুং লৌমী কাংলুপশিংদা মতেং পাংনবা, সরকারনা এগ্রিকলচরেল ইনফ্রাস্ত্রকচর ফন্দ (AIF) স্কিমগী স্কোপ পাকথোক-চাউথোকহন্নবা খোঙথাং কয়া অমা লাউথোকখ্রে। ইনিসিএতিবশিং অসিনা ইলিজিবল ওইবা প্রোজেক্তশিংগী স্কোপ পাকথোক চাউথোকহন্নবা অমসুং মপাঙ্গল লৈবা লৌউ-শিংউগী ইনফ্রাস্ত্রকচর ইকোসিস্তেম অমা শেমগৎনবা অহেনবা তেংবাং পীবগী খোঙথাংশিং য়াওহন্নবা পান্দম থম্লি।

ভাইএবল ফার্মিং এসেৎ: স্কিম অসিগী ইলিজিবল ওইবা বেনিফিসরী পুম্নমকপু "কম্ম্যুনিতী ফার্মিং এসেৎশিং শেমগৎনবা ভাইএবল প্রোজেক্তশিং"গী মখাদা ইনফ্রাস্ত্রকচর শেমগৎপা য়াহন্নবা। খোঙথাং অসিনা সেক্তর অসিদা প্রদক্তিবিতী অমসুং সস্তেনেবিলিতী হেনগৎহন্দুনা কম্ম্যুনিতী ফার্মিংগী মতিক-ময়াইশিং হেনগৎহল্লগদবা ভাইএবল প্রোজেক্তশিং শেমগৎপদা মতেং পাংগনি হায়না পানরি।

ইন্তিগ্রেতেদ প্রোসেসিং প্রোজেক্তশিং: ইন্তিগ্রেতেদ প্রাইমারী সেকেন্দরী প্রোসেসিং প্রোজেক্তশিং AIF কী মখাদা ইলিজিবল ওইরবা থবকশিংগী লিস্ততা য়াওহনবা। অদুম ওইনমক, স্তেন্দএলোন সেকন্দরী প্রোজেক্তশিং অসি ইলিজিবল ওইরোই অমসুং মখোয় অসি MoFPI স্কিমশিংগী মখাদা কোনশিনগনি।

PM KUSUM কম্পোনেন্ত-A: PM-KUSUMগী কম্পোনেন্ত- Aবু AIFগা লোয়ননা লৌমী/ লৌমীশিংগী কাংলুপ/ লৌমীগী পোত্থোক পুথোকপা ওর্গনাইজেসনশিং/ কোওপরেতিবশিং/ পঞ্চায়ৎশিংগীদমক পুনশিনবা য়াহনবা। ইনিসিএতিবশিং অসিবু মান্নহনবনা লৌউ-শিংউগী ইনফ্রাস্ত্রকচর চাউখৎহনবগা লোয়ননা তুং কোইনা চৎনবা য়াবা ক্লিন ইনর্জী সোলুসনশিং প্রমোৎ তৌনবা পান্দম থম্লি।

NABসনরক্ষন: CGTMSE গী মথক্তা, AIF ক্রেদিৎ গেরেন্তী কভরেজ অসি FPOশিংদা NABসনরক্ষন ত্রস্তী কম্পনী প্রাইভেৎ লিমিতেকী খুত্থাংদা পাকথোক চাউথোকহন্নবা ৱাফম থম্লি। ক্রেদিৎ গরেন্তীগী ওপ্সনশিং অসি পাকথোক চাউথোকহনবনা FPOশিংগী ফাইনান্সিএল সেক্যুরিতী অমসুং ক্রেদিৎকী মতিক হেনগৎহন্নবা পান্দম থম্লি, মসিনা এগ্রিকলচর ইনফ্রাস্ত্রকচর প্রোজেক্তশিংদা অহেনবা ইনভেস্তমেন্ত পুক্নিং থৌগৎলি।

2020দা প্রধান মন্ত্রীনা হৌদোকখিবা মতমদগী AIF না গুদাম 6623, কোল্দ স্তোর 688 অমসুং সিলোস প্রোজেক্ত 21 শেমগৎপদা মতেং পাংদুনা লৈবাক অসিদা চাউরাক্না 500 LMTগী অহেনবা স্তোরেজ কেপাসিতী ফংহনখ্রে। মসিদা দ্রাই স্তোরেজ কেপাসিতীগী 465 LMT অমসুং কোল্দ স্তোরেজ কেপাসিতীগী 35 LMT য়াওরি। অহেনবা স্তোরেজ কেপাসিতী অসিনা চহিগী ওইনা চেং হৱাই 18.6 LMT অমসুং হোর্তিকলচরগী পোত্থোক 3.44 LMT কনবা ঙমগনি। AIF কী মখাদা হৌজিক ফাওবদা প্রোজেক্ত 74,508 গীদমক লুপা করোর 47,575গী অয়াবা পীখ্রে। অয়াবা পীরবা প্রোজেক্তশিং অসিনা এগ্রিকলচর সেক্তরদা লুপা করোর 78,596গী ইনভেস্তমেন্ত পুথোক্লে। মসিগী মনুংদা লুপা করোর 78,433অসি প্রাইভেৎ এন্তিতীশিংদগী পুথোক্লে। মসিগী মথক্তা, AIFগী মখাদা অয়াবা পীরবা ইনফ্রাস্ত্রকচর প্রোজেক্তশিংনা লৌউ-শিংউগী সেক্তরদা খুঙ্গংগী লমদা থবক ফংহনবগী খুদোংচাবা লাখ 8.19 হেন্না পুথোকপদা মতেং পাংলি।

AIF স্কিমগী স্কোপ পাকথোক চাউথোকহনবনা মখা তানা গ্রোথ, প্রদক্তিবিতী ফগৎহনবা, ফার্মগী ইনকম হেনগৎহনবা অমসুং লৈবাক অসিদা লৌউ-শিংউগী অপুনবা সস্তেনেবিলিতীদা মতেং পাংগনি। মসিগী খোঙথাংশিং অসিনা লৈবাক অসিদা ফার্ম ইনফ্রাস্ত্রকচর চাউখৎহন্দুনা লৌউ-শিংউগী সেক্তর মপাঙ্গল কনখৎহন্নবা সরকারগী অচেৎপা ফিরেপ অদু উৎলি।

*****