ভারতকী মেন্যুফেকচরিং সেক্তরদা অচৌবা অওনবা অমা পুরক্লিবা আশা লৈবা বাইওE3 (বাইওতেক্নোলোজী ফোর ইকনোমী, এমপ্লোইমেন্ত এন্দ এনভাইর্নমেন্ত) পোলিসীগী মতাংদা অনৌবা কেন্দ্রগী মন্ত্রী-মন্দলগী ৱারেপকী মতাংদা মেদিয়া ব্রিফিং তৌবদা কেন্দ্রগী মন্ত্রী, দা. জিতেন্দ্র সিংহনা হায়খি, “মোদী সরকারনা রোল আউৎ তৌখিবা অনৌবা বাইওইকনোমী পোলিসী অসিনা ভারতপু লাক্কদৌরিবা চহিশিংদা মালেমগী লুচিংবা অমা ওইহল্লগনি”।

দা. জিতেন্দ্র সিংহনা হায়খি মদুদি ভারতনা গ্লোবেল বাইওতেক পাৱরহাউস অমা ওইরকপগা ইরোয়ননা প্রধান মন্ত্রী নরেন্দ্র মোদীবু মালেম শিনবা থুংবদা অনৌবা বাইওতেক খুমাং চাউশিল্লকপগী চেম্পিয়ম অমা ওইনা থাগৎনরগনি, মসিনা ইকনোমী, ইন্নোভেসন, থবকশিং অমসুং এনভাইর্নমেন্তেল কম্মিৎমেন্তশিংদা শাহৌ পীরগনি।

সাইন্স অমসুং তেক্নোলোজী মন্ত্রী, দা. জিতেন্দ্র সিংহনা প্রধান মন্ত্রী নরেন্দ্র মোদীগী মিৎয়েং শানবা লুচিংবগী মতৌগীদমক থাগৎপা ফোংদোকখি। মহাক্না ত্রেদিস্নেল কঞ্জ্যুম্পতিব প্রেক্তিসতগী হায়-পর্ফোমেন্স, রিজেনরেতিব বাইও মেনুফেকচরিংদা অহোংবা পুরক্নবা পান্দম থম্লিবা তুংলমচৎতা খুমাং চাউশিনবা পোলিসী অমা লমজিংবগীদমক থাগৎপা ফোংদোকখি। মসিনা ক্লিনর, গ্রীনর অমসুং হেন্না চাউখৎপা ভারত অমগী মায়কৈদা মরুওইবা খোঙথাং অমনি।

বাইও ইকনোমীদা খুমাং চাউশিল্লকপগী মতাংদা, কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ চার্জ), আর্থ সাইন্সকী রাজ্য মন্ত্রী (ইন্দিপেন্দেন্ চার্জ), PMO, এতোমিক ইনর্জীগী বিভাগ, স্পেস, পর্সোনেল, পব্লিক গ্রিভান্স অমসুং পেন্সনগী বিভাগকী MoS, দা. জিতেন্দ্র সিংহনা হায়খি, " ভারতকী বাইও ইকনোমীনা 2014দা দোল্লর বিলিয়ন 10 ওইরম্বদগী 2024দা দোল্লর বিলিয়ন 130 হেন্না হেনগৎলক্তুনা 2030 ফাওবদা দোল্লর বিলিয়ন 300 য়ৌগনি হায়না পানবগা লোয়ননা শীংথানীংঙাই ওইনা গ্রোথ লৈরকখি। অসিগুম্বা খুমাং চাউশিল্লকপা অসিনা ভারতকী অচৌবা ইকনোমিক গ্রোথ অদু উৎলি। হন্দক্কী পোলিসী অসিনা গ্রোথ স্পিরিৎ অমুক হন্না পুক্নিং থৌগৎকনি অমসুং ভারতপু মরিশুবা ইন্দস্ত্রীএল রিভোলুসনগী ওইথোকপা য়াবা লুচিংবা অমা ওইহল্লগনি হায়না মহাক্না হায়খি।

দোক্তর. জিতেন্দ্র সিংহনা হায়খি, "বাইও E3 পোলিসী অসিনা মসিগী গ্রোথ ত্রেজেক্তরী অসি খুমাং চাউশিলহন্নবা শেম-শারি। মসিনা কার্বন ফুতপ্রিন্স হন্থহন্দুনা বাইও-বেজ প্রদক্তশিং পুথোকপদা মতেং পাংদুনা 'মেক ইন ইন্দিয়া' ইনিসিএতিবতা অচৌবা মতেং পাংগনি।"

দোক্তর জিতেন্দ্র সিংহ বাইও E3 পোলিসী অসি ক্লাইমেৎ চেঞ্জ অমসুং নন-রিন্যুএবল রিসোর্সশিং মাংহন্দুনা মালেমগী ওইবা অরুবা শীংনবশিং কোকহন্নবা দিজাইন তৌবনি। মসিগীদমক: 1) কেমিকেল বেজ ইন্দস্ত্রীদগী সস্তেনেবল বাইও-বেজ মোদেলদা অহোংবা পুরকপা, 2) সর্ক্যুলর বাইও ইকনোমী প্রমোৎ তৌবা, 3) বাইওমাস, লেন্দফিল অমসুং গ্রীনহাউস গ্যাসশিংদগী ইন্নোভেতিব ৱেস্ত য়ুতিলাইজেসনগী খুত্থাংদা নেৎ জিরো কার্বন ইমিসন ফংহনবা অমসুং 4) বাইও-বেজ প্রদক্তশিং শেমগৎপা অমসুং থবক ফংহনবদা মতেং পাংবা।

মরুওইবা ফিচরশিং অদু পল্লদুনা, দা. জিতেন্দ্র সিংহনা হায়খি মদুদি পোলিসী অসিনা বাইও-বেজ কেমিকেলশিং, স্মার্ত প্রোতীনশিং, প্রেসিজন বাইও থেরাপ্যুতিক্স, ক্লাইমেৎ রেসিলিয়েন্ত এগ্রিকলচর অমসুং কার্বন কেপচর য়াওনা তোঙান তোঙানবা সেক্তরশিংদা ওন্তপ্রিনোরশিপ পুক্নিং থৌগৎলি।

মসিনা অৱাংবা থাক্কী বাইও মেন্যুফেকচরিং ফেসিলিতীশিং, বাইও ফাউন্দরী ক্লস্তরশিং অমসুং বাইও- AI হবশিং লিংখৎহনগনি হায়না মহাক্না মখা তাখি।

মন্ত্রীনা হায়খি, ইথিকল বাইওসেফতীগী মতাংদা খন্ন-নৈনবা অমসুং মালেমগী স্তেন্দর্দশিংগী পরিং মখাদা মালেমগী রেগ্যুলেতরী হরমোনাইজেসন তৌবদা নৌনা মীৎয়েং থম্লি।

বাইওমেনুফেকচরিং হবশিংগী মরুওইবা খঙলদুনা মহাক্না হায়খি মদুদি মসিনা বাইও-বেজ প্রদক্তশিং পুথোক্নবা, দিবেলপ তৌনবা অমসুং কম্মর্সিএলাইজ তৌনবা মরুওইবা সেন্ত্রেলাইজ তৌরবা ফেসিলিতীশিং ওইনা মথৌ তৌগনি। মহাক্না হায়খি, "হবশিং অসিনা লেবোরেতরী স্কেল অমসুং কম্মর্সিএল স্কেলগী মেনুফেকচরিংগী মরক্তা লৈরিবা খেন্নবা অদু কোকহল্লগনি। মসিনা স্তার্তঅপশিং, SMEশিং অমসুং মেনুফেকচররশিংগী মরক্তা তেংবাং পীনবা হেনগৎহল্লগনি।"

দা. জিতেন্দ্র সিংহনা mRNAদা য়ুম্ফম ওইবা ভেক্সিনশিং অমসুং প্রোতীনশিংগুম্বা পোত্থোকশিং অসি পাক-শন্না পুথোকপদা মসিনা মরু ওইবা থৌদাং অমা লৌগনি হায়না অকনবা ৱাফম থমখি। মহাক্না থাজবা ফোংদোকখি মদুদি বাইও-AI হবশিংনা AIবু ইন্তিগ্রেৎ তৌদুনা ইন্নোভেসনদা ইন্নোভেসন পুক্নিং থৌগৎকনি। মসিনা অচৌবা বাইওলোজিকেল দেতা নৈনবদা মতেং ওইরগনি। মসিনা অনৌবা জীন থেরাপী অমসুং ফুদ প্রোসেসিং সোলুসনশিংগী লম্বী য়াৎকনি।

পোলিসী অসিগী থবক ফংহনবগী পোতেন্সিএলদা অখন্নবা মীৎয়েং থম্লদুনা, দা. জিতেন্দ্রনা হায়খি, "মসিনা মরুওইনা বাইও মেন্যুফেকচরিং হবশিং লিংখৎকদবা তায়র-II অমসুং তায়র-III সহরশিংদা থবক ফংহন্নবা অচৌবা খুদোংচাবা কয়া ফংহল্লগনি। হায়রিবা হবশিং অসিনা লোকেল বাইওমাস সোর্সশিং শীজিন্নগনি, মসিনা লমদমশিং অসিগী শেন্মিৎলোন চাউখৎহনগনি”।

ইন্তর্ভিয়ু লোইশিল্লকপদা দা. জিতেন্দ্র সিংহনা অমুক হন্না ফোংদোকখি মদুদি লৈবাক অসিগী শেন্মিৎলোন, অকোয়বগী ফিভম অমসুং থবক পীবদা ইনভেস্ত তৌদুনা, বাইও-E3 পোলিসী অসিনা 'ভিকসিৎ ভারত' (দিবেলপ ইন্দিয়া) গী ভারতকী ভিজনবু শৌগৎলি, মসিনা মতৌ করম্না ইফেক্তিব সাইন্স পোলিসীশিংনা নেস্নেল দিবেলপমেন্ত অমসুং সস্তেনেবিলিতীদা মতেং পাংগদগে হায়বগী বেঞ্চমার্ক অমা শেম্লি।

****