ঙাকশেল মন্ত্রী শ্রী রাজনাথ সিংহনা মহাক্কী US খোঙচৎকী অরোইবা নুমিৎ, ওগস্ত 25, 2024দা তেনেসীগী মেম্ফিসা লৈবা নেস্নেল সিভিল রাইৎস ম্যুজিয়মদা চৎখ্রে অমসুং ভারত মচাশিংগা লোয়ননা ৱারী শাখ্রে। নেস্নেল সিভিল রাইৎস ম্যুজিয়মনা 17শুবা চহিচাদগী হৌরগা হৌজিক ফাওবগী USতা চত্থখিবা সিভিল রাইৎস ইহৌগী পুৱারী তাক্লি অমসুং মসি 1968তা মার্তিন লুথর কিং জুনিয়র হাৎখিবা মফমদা শাখি। অহিংসা চত্থদুনা অৱাবা মায়োক্নখিবা অদুনা ইথিল পীখিবা অদুবু শকখঙবা ওইনা মফম অসিদা মহাত্মা গান্ধীগী মীতম অমসু লৈ।

মেম্ফিস, এতলান্তা, নাশভিল অমসুং অতৈ মনাক নকপা মফমশিংদগী ইন্দিয়া দাইস্পোরাগা ৱারী শারদুনা শ্রী রাজনাথ সিংহনা কম্ম্যুনিতী মেম্বরশিংগী মায়পাকপশিং অমসুং মখোয়না খুন্নাই, বিজ্ঞান, অমসুং শেন্মিৎলোনদা শরুক তমখিববু শীংথাখি। মহাক্না মখোয়  অসি ভারত অমসুং USকী অনকপা মরীশিং অমসুং মতেং পাংনবগী মতৌবু য়োকখৎলিবা “থৱায় পানবা থোং” অমনি হায়খ্রে।

ঙাকশেল মন্ত্রীনা 2019দা মহাত্মা গান্ধীগী 150শুবা মপোক কুমওনদা নেস্নেল সিভিল রাইৎস ম্যুজিয়ম মনাক্তা মহাত্মা গান্ধীগী একজিবিৎ অমা থমখিবা অমসুং ইকাই খুম্নবা উৎপা ওইনা ‘গান্ধী ৱে’ স্ত্রীত সিগনেল অনি থমখিবগী খোঙথাংশিংবু থাগৎখি। মহাক্কী US খোঙচৎকী অরোইবা থৌরমদা শ্রী রাজনাথ সিংহনা হৌখিবা দিকেদতা ওইরক্লিবা ভারতকী গ্রোথ স্তোরী অমসুং অফবা তুংলমচৎকা লোয়ননা লৈরিবা অচৌবা পোতেন্সিএল অদু থমখি।

***