ঙাকশেল মন্ত্রী শ্রী রাজনাথ সিংহনা ওগস্ত 23. 2024দা ৱাশিংতন DCদা US - ইন্দিয়া স্ত্রেতেজিক পার্তনরশিপ ফোরমনা শীনবা ইন্দস্ত্রীগী রাউন্দ তেবল অমদা US দিফেন্স কম্পনীশিংগী মকোক থোংবা লুচিংবশিংগা ৱারী শানখি। মহাক্না ভারত্তা দিফেন্স সেক্তরদা থোরক্লিবা পুন্না দিবেলপ তৌনবা অমসুং পুন্না পুথোকমিন্ননবা খুদোংচাবা কয়ামরুম অদু শন্দোক্না তাকখি। ভারত সরকারনা পায়খৎলিবা প্রোগ্রেসিভ রিফোর্মশিংনা Uতগী য়াওনা মপান লৈবাক্কী ওরিজিনেল ইক্বিপমেন্ত মেনুফেকচর্র কয়াবু ভারত্তা মেনুফেকচরিং য়ুনিৎশিং লিংখৎনবা, জোইন্ত ভেঞ্চরশিং শেমগৎনবা অমসুং ভারতপু মখোয়গী অতোপ্পা এক্সপোর্ত বেজ ওইনবা পুক্নিং থৌগৎলি। ভারত্তা GE 414 এরো-ইঞ্জিনশিং পুথোক্নবা থৌরাং তৌরিবা অসি ভারত-USকী নাকল অনিগী মরীদা মরুওইবা মাইলস্তোন অমা ওইগনি।

শ্রী রাজনাথ সিংহনা হায়খি মদুদি ‘পার্তনরশিপ’ অমসুং ‘অপুনবা খোঙথাংশিং’ অসি ভারতকী দিফেন্স ইন্দস্ত্রী পার্তনরশিপপু অতোপ্পা লৈবাকশিংগা খেন্নহল্লিবা মরুওইবা ৱাহৈ অনিনি।

থৌরম অদুদা বোয়িং, GE, জেনরেল এতোমিক্স, জেনরেল দাইনামিক্স লেন্দ সিস্তেম্স, L3 হেরীস, লোকহীদ মার্তিন, রেথিয়ন তেক্নোলোজীজ, রোল্স রোইস অমসুং থায়রমাহানগুম্বা মকোক থোংবা US দিফেন্স অমসুং তেক্নোলোজী কম্পনীশিংগী মকোক থোংবা লুচিংবশিং শরুক য়াখি। মসিগীসু মথক্তা, কোহেন গ্রুপকী মকোক থোংবা লুচিংবশিংগা লোয়ননা আইদিয়াফোর্জ, তাতা সন্স অমসুং তিসেকন্দগুম্বা ভারতকী কম্পনী খরনা ঙাকশেল মন্ত্রীগা ৱারী শানবদা শরুক য়াখি। ৱারী শানবগী মনুংদা, বিজিনেস লিদরশিংনা মখোয়গী হৌজিক চত্থরিবা প্রোজেক্তশিং অমসুং ভারতকীদমক তুংগী থৌরাংশিংগী মতাংদা অকুপ্পা মরোল পীখি অমসুং মমল য়াম্লবা ফীদবেকশিং পীখি।

*****