مرکزی وزیر ڈاکٹر جتیندر سنگھ نے جموں و کشمیر میں امن اور معمولات کو بحال کرنے میں وزیر اعظم نریندر مودی کی فیصلہ کن قیادت کے لیے ان کی تعریف کی۔ انہوں نے کہا کہ اس نے اپوزیشن  کے سینئر رہنماؤں کو آزادانہ طور پر علاقے کے نئے استحکام سے لطف اندوز ہونے کی اجازت بھی دی ہے، جس کا ثبوت لال چوک میں 'احدوس' ریستوران کے حالیہ دورے سے ملتا ہے۔

ڈاکٹر سنگھ نے بھارت 24 نیوز کے قیام کے دو سال مکمل ہونے پر منعقدہ ایک تقریب کے دوران کہا،’’یہ خطے میں امن اور معمول کی بحالی کا ثبوت ہے۔‘‘

 سائنس اور ٹیکنالوجی کے مرکزی وزیر مملکت)آزادانہ چارج( ارضیاتی سائنس   )آزادانہ چارج(، پی ایم او، محکمہ جوہری توانائی، محکمہ خلاء، عملہ، عوامی شکایات اور پنشن کے وزیر مملکت  ڈاکٹر جتیندر سنگھ نےکہا،’’ آرٹیکل 370 کو منسوخ کرنے کے تاریخی فیصلے نے جموں و کشمیر کی ایک بڑی آبادی کو شہریت کا حق دیا جو گزشتہ سات دہائیوں سے اس سے محروم تھے۔‘‘

ڈاکٹر جتیندر سنگھ نے کہا، ’’جموں و کشمیر میں دفعہ 370 کے حامیوں نے اپنے سیاسی مفادات کی تکمیل کے لیے آئینی شق کا فائدہ اٹھایا‘‘۔ انہوں نے یہ بھی کہا کہ یہ سابقہریاست جموں و کشمیر میں حکمرانی کے لیے ایک ذاتی مفاد تھا کیونکہ اس نے انہیں صرف 10 فیصد یا اس سے کم ووٹنگ کے ساتھ حکومت بنانے میں مدد کی اور اس طرح نسل در نسل ان کی خاندانی حکمرانی کو برقرار رکھا گیا۔

مرکزی وزیر نے کہا،’’جیسا کہ  ہم 5ویں سالگرہ منا رہے ہیں، کچھ اہم پیش رفت انتہائی قابل ذکر ہیں۔ پچھلے 5 سالوں میں چار سطحوں  یعنی جمہوری، گورننس، ترقی اور سلامتی  کے شعبوں میں وسیع پیمانے پر تبدیلی آئی ہے۔

ڈاکٹر جتیندر سنگھ نے یاد دلایا کہ پنچایت ایکٹ میں 73 ویں اور 74 ویں ترمیم مرکز کی کانگریس حکومت نے متعارف کروائی تھی، لیکن ریاست کی اسی مخلوط حکومت نے جموں و کشمیر میں لاگو نہیں کیا تھا۔ ڈیموکریٹک ڈی سینٹرلائزیشن نہیں ہو سکی کیونکہ سنٹرل فنڈز ان کے لیے 2019 سے پہلے دستیاب نہیں تھے۔

ڈاکٹر جتیندر سنگھ نے کہا کہ خطہ میں امن اور ترقی لانے کا سہرا پی ایم مودی کو جاتا ہے جنہوں نے خطے کے لوگوں کو یہ یقین دلایا کہ جموں و کشمیر ملک کی ترقی میں اہم کردار ادا کرے گا۔

ہندوستان کے پہلے قومی خلائی دن کے جشن پر تبصرہ کرتے ہوئے ڈاکٹر جتیندر سنگھ نے کہا کہ ہندوستان نے خلائی سفر صرف 55 سال قبل 1969 میں شروع کیا تھا، جب امریکی خلا باز نیل آرمسٹرانگ چاند پر قدم رکھ چکے تھے۔ انہوں نے سائنسی برادری کی ان کی غیر متزلزل لگن کی تعریف کی جس کے نتیجے میں ہندوستان چاند کے قطب جنوبی پر اترنے والا پہلا ملک بن گیا۔

وزیر مملکت برائے خلاء ڈاکٹر جتیندر سنگھ نے 2014 سے سائنسی مشنوں کو تیز کرنے اور ہندوستان کی سائنسی برادری کی صلاحیتوں کو اجاگر کرنے کے لیے وزیر اعظم مودی کی پالیسی حمایت اور قیادت کا سہرا دیا۔ انہوں نے خلائی شعبے کو نجی شراکت کے لیے کھولنے کے بعد خلائی آغاز میں نمایاں نمو کو بھی نوٹ کیا، جس کی تعداد اب 300 کے قریب ہے۔ انہوں نے وزیر خزانہ کے تخمینہ کو دہرایا کہ ہندوستان کی خلائی معیشت اگلی دہائی میں 8 بلینڈالر سے بڑھ کر44 بلین ڈالر ہوجائے گی۔

ڈاکٹر جتیندر سنگھ نے کہا کہ وزیر اعظم مودی نے ہندوستان کے خلائی شعبے کو کھول کر اور ہندوستان کے خلائی سائنس دانوں کو ایک قابل ماحول فراہم کرکے ان کے بانی  وکرم سارا بھائی کے خواب کو پورا کرنے کے قابل بنایا۔

***********

ش ح ۔ ا  م    ۔  م  ص

 (U: 10186)