থবক শুবা, মীয়ামগী ৱাকৎ অমসুং পেন্সন মন্ত্রালয়
দাঃ জিতেন্দ্রে সিংহনা পি.এম. মোদীবু জম্মু কশ্মিরদা শান্তি অমুক হন্না পুরকপা, ওপোজিসনগী সেনিয়র লুচিংবশিংবু লাল চোক্তা লৈবা অহদুস রেস্তোরাদা অকীবা লৈতনা চাক্লেন চাবা চৎপা য়াহনবগীদমক্তা থাগৎখ্রে
“আর্তিকল 370 লৌথোকপগী পুৱারী ওইরবা ৱারেপ্না জম্মু কশ্মিরগী য়াম্লবা মীয়ামগী দিকেদ তরেত্তগী মৎপীদুনা লাক্লবা নাগ্রিক অমা ওইবগী হক অমুক হন্না ফংহনখি”
“জম্মু অমসুং কশ্মিরগী আর্তিকল 370গী ভোতরীশিংনা মখোয়গী ওইজবগীদমক্তা সংবিধানগী কাঙলোনশিং লান্না শিজিন্নদুনা লাকখি”: দাঃ সিংহ
দাঃ জিতেন্দ্র সিংহনা স্পেসতা মশক থোকপা মায় পাকখিবগী দিকেদ তরুক, ক্বান্তম জম্প তৌখিবা অমসুং মথংগী চহি 10দা শরুক মঙা হেন্না শাহৌ লৌগদবগী ৱাফম থমখি
দাঃ জিতেন্দ্র সিংহনা চন্দ্রয়ান-3না থাগী সাউথ পোলদা মায় পাক্না তাখিবগী পুৱারী ওইরবা থৌওং পাউদমখি, মসিদি মালেম্না শিংথানরিবনি অমসুং ভারতপু স্পেস এক্সপ্লোরেসনগী লুচিংবা ওইহল্লিবনি
Posted On:
24 AUG 2024 4:05PM by PIB Imphal
কেন্দ্রগী মন্ত্রী দাঃ জিতেন্দ্র সিংহনা প্রধান মন্ত্রী শ্রী নরেন্দ্র মোদীবু জম্মু অমসুং কশ্মিরদা শান্তি অমুক হন্না পুরক্তুনা তংদু লৈতাবা পুন্সি মহিং পুরকপা ঙমবগীদমক্তা মহাক্কী অচেৎপা লুচিং থৌদাংবু থাগৎপা ফোংদোক্লদুনা থৌওং অসিনা লমদমসিগী ওপোজিসনগী সেনিয়র লুচিংবা ফাওবনা অকী অখঙ লৈতনা চত্থোক চৎশিন তৌবা ঙমহল্লি অমসুং ৱাফম অসিমক মহাক্কী খ্বাইদগী কোনবা খোঙচত্তা লাল চোক্কী ‘অহদুস’ রেস্তোরাদা উখিবা ফিভম্না খুদম ওইরি হায়না ফোংদোকখ্রে।
“মসিদি লমদমসিদা শান্তি অমুক লৈরে অমসুং তংদু লৈতাবা মফম ওইরে হায়বগী খুদম্নি”, দাঃ সিংহনা হায়খি। ৱাফম অসি ভারত 24 ন্যুজনা চহি অনি মায় পাক্না মপুং ফারকপগীদমক্তা পাংথোকপা থৌরম অমদা হায়খিবনি।
“আর্তিকল 370 লৌথোকপগী পুৱারী ওইরবা ৱারেপ্না জম্মু কশ্মিরগী য়াম্লবা মীয়ামগী দিকেদ তরেত্তগী মৎপীদুনা লাক্লবা নাগ্রিক অমা ওইবগী হক অমুক হন্না ফংহনখি”, কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., এতোমিক ইনর্জী বিভাগ, স্পেস বিভাগ, পর্সোন্নেল, পব্লিক গ্রাইবেন্স অমসুং পেন্সনগী রাজ্য মন্ত্রীনা হায়খি।
জম্মু অমসুং কশ্মিরগী আর্তিকল 370গী ভোতরীশিংনা মখোয়গী ওইজবগীদমক্তা সংবিধানগী কাঙলোনশিং লান্না শিজিন্নদুনা লাকখি হায়না দাঃ জিতেন্দ্র সিংহনা অমদা হায়খি। রাজ্যসিগী মমাংগী লৈঙাক্না মসিগুম্বা থৌওং অসি পাম্লম্মি, মসিগী মরমদি, মখোয়না মীখল লায়না মায় পাকপা ঙম্লম্মি, মখোয়গী শাগৈগী লৈঙাক মখা চত্থবা ঙমহল্লম্মি হায়না মহাক্না মখা তাখি।
“ঐখোয়না 5শুবা কুমওন পাংথোকপা অসিদা মশক থোকপা চাউখৎ থৌরাংগী মমি উবা ঙম্লে। মমাংগী চহি 5তা থাক মরিদা অওনবা লাকপগী মতৌ উখি, মখোয়শিং অদুদি – গনতন্ত্র, লৈঙাক, চাউখৎ থৌরাং অমসুং সেক্যুরিতীগী ফিভম্নি”, মন্ত্রীনা হায়খি।
পঞ্চায়তকী 73 অমসুং 74শুবা এমেন্দমেন্ত অসি কংগ্রেস সরকারনা কেন্দ্রদা পুথোকখি, অদুবু চপ মান্নবা চুংশিন্নবা সরকার অসিনা মসিবু জম্মু অমসুং কশ্মিরদদি চৎনহনখিদে হায়না দাঃ জিতেন্দ্র সিংহনা হায়খি। রাজ্যসিদা ইং 2019গী মমাংদা কেন্দ্রগী ফন্দ থাদদবনা মরম ওইরগা দেমোক্রেতিক দিসেন্ত্রেলাইজেসন তৌবা ঙম্লমদে।
দাঃ জিতেন্দ্র সিংহনা হায়খি, “শান্তি পুরকপা অমসুং চাউখৎ থৌরাং লৈহল্লিবসিদি পি.এম. মোদীনি, মহাক্না লমদমসিগী মীয়ামদা থাজবা পীদুনা মখোয়না লৈবাক্কী চাউখৎ থৌরাংদা মরু ওইবা থৌদাং য়াহনগনি অমসুং সনাগী অরংবা লুহুপকুম্না ঙালহনগনি হায়বগী থাজবা পীখি”।
ভারতকী অহানবা লৈবাক্কী স্পেস নুমিৎ পাংথোকপগী মতাংদা দাঃ জিতেন্দ্র সিংহনা পাউদম্লদুনা ভারতকী স্পেস খোঙচৎ অসি অমেরিকাগী এস্ত্রোনাউত নীল আর্মস্ত্রোংনা থা লৈমায়দা খোঙদাখিবা ইং 1969দা চহি 55গী মমাংদগী হৌখ্রবনি হায়খি। মহাক্না সাইন্তিফিক কম্ম্যুনিতীবু ৱাখল চেৎপগীদমক্তা থাগৎপা ফোংদোকখি, মখোয়গী হোৎনজমন্না মরম ওইরগা, ভারতপু থাগী সাউথ পোলদা খোঙদাবা ঙম্বা খ্বাইদগী অহানবা লৈবাক ওইহনখিবনি।
রাজ্য মন্ত্রীনা মায় পাকপা অসিবু সাইন্তিফিক মিসন্দা খুমাং চাউশিলহন্নবা অমসুং ভারতকী সাইন্তিফিক কম্ম্যুনিতীগী মতিক উত্থোক্নবগীদমক্তা ইং 2014দগী হৌদুনা প্রধান মন্ত্রী মোদীনা লুচিংদুনা পুরকখিবা পোলিসী সপ্পোর্তনা ওইহনবনি হায়না ফোংদোকখি। স্পেস স্তার্তঅপ মশিং হেনগৎলক্লিবা, হৌজিক্না 300 ওইরবা, স্পেস সেক্তরদা প্রাইভেত সেক্তরবু শরুক য়াবা ফংহনখিবগী ৱাফম কয়াশু মহাক্না ফোংদোকখি। ভারতকী স্পেস ইকোনোমীনা মথংগী দিকেদতা বিলিয়ন দোল্লর 8তগী বিলিয়ন দোল্লর 44 য়ৌরগনি হায়না শেল থুম মন্ত্রীনা হায়খিবা ৱাফম্বুশু মহাক্না অমুক্কা হন্না পাউদমখি।
ভারতকী স্পেস সেক্তরগী মতিক ফুদোকপা ঙম্নবা ফাউন্দিং ফাদর বিক্রম সরাভাইনা মঙলম্বা মঙলান মঙফাওনবা ঙমহনবদা ভারতকী স্পেস সাইন্তিস্তশিংদা প্রধান মন্ত্রীনা তেংবাংখি অমসুং মসিনা মরম ওইরগা ভারতকী হৈ-শিংবগী মতিক ফোংদোকপা ঙমখি অমসুং মালেমগী মাঙদা মসিমক উৎপশু ঙমখিবনি হায়না দাঃ জিতেন্দ্র সিংহনা হায়খি।
***
(Release ID: 2048512)
Visitor Counter : 14