ভারত লৈঙাক্কী, পর্সোনেল, পব্লিক গ্রীভান্সেস অমসুং পেন্সন্স মন্ত্রালয়গী দিপার্তমেন্ত ওফ এদমিনিস্ত্রেতিব রিফোর্ম্স এন্দ পব্লিক গ্রীভান্সেস (DARPG) অমসুং মলেসিয়া লৈঙাক্কী প্রধান মন্ত্রীগী দিপার্তমেন্তকী পব্লিক সর্ভিস দিপার্তমেন্ত অনিগী মরক্তা ওগস্ত ২০, ২০২৪দগী হৌরগা চহি মঙা (০৫)গী ওইবা ‘কোওপরেসন ইন দি ফীল্দ ওফ পব্লিক এদমিনিস্ত্রেসন এন্দ গভর্নেন্স রিফোর্ম্স’কী MoU খুৎয়েক পীনখ্রে‍।

MoU খুৎশিন্নবগী থৌরম অদু ওগস্ত ২০, ২০২৪দা নই দিল্লীগী হায়দরবাদ হাউসতা ইকায়খুম্নরবা ভারতকী প্রধান মন্ত্রী শ্রী নরেন্দ্র মোদী অমসুং ইকায়খুম্নরবা মলেসিয়াগী প্রধান মন্ত্রী ঐচ.ই. দেতো’ সেরি অনৱর বিন ইব্রাহিম্না শরুক য়াদুনা পাঙথোকখি‍।

মেমোরেন্দম ওফ অন্দরস্তেন্দিং অসিনা দিজিতেল প্লেতফোর্মশিংগী খুত্থাঙদা সিতিজন সেন্ত্রিক সর্ভিসশিং পীবা; দিজিতেল প্লেতফোর্মশিংগী খুত্থাঙদা পব্লিক সর্ভিসশিং মতিং লৈনা পীননবা গভর্নমেন্ত প্রোসেস সিম্প্লিফিকেসন এন্দ রি-ইঞ্জিনিয়রিং; পব্লিক সর্ভিস দেলিভরীদা ত্রান্সপেরেন্সী অমসুং একাউন্তেবিলিতী লৈহন্বা; হ্যুমেন রিসোর্স মেনেজমেন্ত/লীদরসিপ দিভেলপমেন্ত; পব্লিক সেক্তর মেনেজমেন্ত এন্দ রিফোর্ম্স; পব্লিক গ্রীভান্সেস রিদ্রেস মেকানিজমশিং; অমসুং ই-গভর্নেন্স/ দিজিইতেল গভর্নমেন্ত অসিনচিংবা হীরমশিংদা তেংবাংনবগী থৌওং পুক্নিং থৌগৎনবা অমসুং য়োকখৎনবা মথৌ তাবা খোঙথাংশিং লৈবাক অনিনা পায়খৎনবা পান্দম থম্লি‍।

MoU অসিগী মীৎয়েঙ মখাদা তেংবাংনবগী থবক থৌওংশিং পায়খৎনবা থৌদাং লৌগদবা জোইন্ত ৱর্কিং গ্রুপ অমা শেমগৎকদৌরি‍।

***