কেন্দ্রগী খুঙ্গং চাউখৎ-থৌরাং অমদি লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী শিবরাজ সিংহ চৌহান্না ঙসি নই দিল্লীদা পাংথোকপা প্রেস কনফরেন্স অমদা ওগস্ত 25, 2024দা মহারাস্ত্রগী জলগাওন্দা পাংথোক্কদবা প্রধান মন্ত্রী শ্রী নরেন্দ্র মোদীগী প্রোগ্রামগা মরী লৈননা প্রেস কনফরেন্স অমদা ৱা ঙাংখ্রে। কেন্দ্রগী রাজ্য মন্ত্রী শ্রী চন্দ্র শেখর পেম্মাসানিসু মীদিয়াগা ৱারী শানবদা শরুক য়াখি। শ্রী চৌহান্না হায়খি মদুদি প্রধান মন্ত্রী শ্রী নরেন্দ্র মোদীনা লাখপতি দিদিশিংগা ৱারী শানগনি অমসুং অনৌবা লাখপতি দিদি লাখ 11দা সর্তিফিকেৎশিংসু পীগনি। মসিগী প্রোগ্রাম অসিগী মখাদা প্রধান মন্ত্রীনা লুপা করোর  2500গী রিভোলভিং ফন্দ - কম্ম্যুনিতী ইনভেস্তমেন্ত ফন্দ অমা কাইথগনি। মসিনা সেল্ফ হেল্প গ্রুপ (SHG) লাখ 4.3গী মেম্বর লাখ 48দা কান্নবা ফংহল্লগনি। প্রধান মন্ত্রীনা লুপা করোর 5000গী বেঙ্ক লোন অমসু কাইথগনি। মসিনা সেল্ফ হেল্প গ্রুপ (SHG) 2,35,400গী মেম্বর লাখ 25.8দা কান্নবা ফংহল্লগনি। শ্রী চৌহান্না হায়খি মদুদি রাজ্য অমসুং য়ুনিয়ন তেরিতোরী 34গী মফম 30,000দা, হায়বদি, লৈবাক শিনবা থুংনা লৈরিবা রাজ্যগী কোনুংশিং, দিস্ত্রিক্ত হেদক্বার্তরশিং অমসুং CLF না ভর্চুএল মেদিয়মগী খুত্থাংদা থৌরম অসিদা শরুক য়াগনি।

শ্রী শিবরাজ সিংহ চৌহান্না হায়খি মদুদি লাখপাতি দিদিশিং অসি চহিদা লুপা লাখ অমা নৎত্রগা মসিদগী হেনবা ফংলিবা নুপীশিংনি। হায়রিবা লাখপাতি দিদীশিংনা মখোয়গী ইমুং-মনুংবু লায়রবগী ফীভমদগী ফগৎহনবতা নত্তনা খুন্নাইগী মীয়ামগীদমক রোল মোদেলসু ওইরক্লি। শ্রী চৌহান্না হায়খি মদুদি খুঙ্গং চাউখৎ-থৌরাং মন্ত্রালয়না হৌজিক ফাওবদা লাখপতি দিদি করোর অমা শেমখ্রে। হৌজিক ঐখোয়গী পান্দমদি লাক্কদৌরিবা চহি অহুম অসিদা লাখপতি দিদি করোর অহুম শেমগৎপনি। অসিগুম্বা CRPশিংগী মরক্তগী অমনা লাখপতি দিদি 95 শেমখ্রে হায়বসি খঙবদা নুংঙাইবা ফাওই।

কেন্দ্রগী মন্ত্রীনা মখা তারদুনা হায়খি মদুদি মন্ত্রালয়না SHG ইমুংশিংবু চহিগী ওইনা লুপা লাখ অমা নৎত্রগা মসিদগী হেনবা ইনকম ফংহন্নবা স্ত্রকচর তৌরবা থৌওং অমা পায়খৎলে। মসিগী মনুংদা নেস্নেল রিসোর্স পার্সনশিং কেপাসিতী শেমগৎপা অমসুং রাজ্য খুদিংমক্তা মাস্তর ত্রেনিশিং শেমগৎপা য়াওরি। মসিগী মাস্তর ত্রেনিরশিংনা কম্ম্যুনিতী রিসোর্স পার্সনশিংবু বিজিনেস প্লান্নিং, ফাইনান্সিং অমসুং কনভর্জেন্স প্রোসেসকী মতাংদা ত্রেনিং পী। বিজিনেস প্লান্নিং অমসুং  SHG মেম্বরশিংগী স্কিল্লিংদা অখন্নবা ত্রেনিং পীরবা কম্ম্যুনিতী রিসোর্স পার্সন (CRP) লাখ অহুমগী কেদরনা মসিগী মতাংদা অচৌবা মতেং পাংলি। অসিগুম্বা CRPশিং খরদসু মতেং পাংগনি। হৌজিক ফাওবদা রুরেল দিবেলপমেন্ত মন্ত্রালয়না লাখপতি দিদি লাখ 15 শেম্লে। নুমিৎ 100গীদমক পান্দমদি প্রধান মন্ত্রীনা খুদোংচাবা পীগদবা লাখপতি দিদি লাখ 11 শেমগৎপনি।

অনৌবা লাখপতি দিদি লাখ 15 গী অকুপ্পা ৱারোল (রাজ্যগী ওইবা)

****