অতল ইন্নোভেসন মিসননা CSIRO, ওস্ত্রেলিয়াগা মপাং ওইমিন্নদুনা ভারত অমসুং ওস্ত্রেলিয়াদগী লৈবাক অনিগী মরক্তা অন্তর্জাতিগী ওইবা মপাং হেনগৎনবগীদমক পান্দম থমদুনা শেম্বা থৌরাং অমা ওইরিবা ইন্দিয়া ওস্ত্রেলিয়া ইন্নোভেসন এন্দ স্তার্ত-অপ (রাইজ) এক্সেলরেতরগী ক্লাইমেত স্মার্ত এগ্রিতেক কোহোর্তকীদমক স্তার্ত অপশিং অমসুং এম.এস.এম.ই.শিংদগী এপ্লিকেসন কৌরি। মসিনা ভারত অমসুং ওস্ত্রেলিয়াগী লৌউশিংউ সেক্তরদা লৈবা খ্বাইদগী পুক্নিং চিংশিন্নিংঙাই ওইবা শিংনবশিং কোকহন্নবা ইনোভেসন শাগৎপদা অচৌবা খোঙথাং অমা ওইরগনি।

ওক্তোবর ২০২৪দগী হৌরদুনা, রাইজগী ক্লাইমেত স্মার্ত এগ্রিতেক কোহোর্ত এক্সেলরেতর অসিনা লৌউশিংউগী পোত্থোক ফগৎহনবা অমসুং অইং অশাগী মান্নদবা, রিসোর্স ৱাৎপা, অমসুং ফুদ ইন্সেক্যুরিতীদা খাঙবা ঙমগদবা তেক্নোলোজী অমসুং সোলুসনশিংগী মতাংদা স্তার্ত-অপ অমসুং এম.এস.এম.ই.শিংদা মীৎয়েং থম্লি।

থৌরাং অসিনা মরুওইনা লৌমীশিংগী তঙাইফদবা, অমসুং ওন-ফার্ম প্রেক্তিসতা মরুওইবা থম্বা স্তার্ত-অপ অমসুং এম.এস.এম.ই.দা মীৎয়েং চঙলি।

২০২৩ দা হৌদোকখিবা রাইজ এক্সেলরেতর প্রোগ্রাম অসিনা স্তার্ত অপ অমসুং এম.এস.এম.ই.শিংদা মখোয়গী তেক্নোলোজীশিগ অনৌবা মার্কেত্তা ভেলিদেত, এদাপ্ত, অমসুং পাইলোতিং তৌবদা মরুওইবা মচাক অমা ওইরি। ক্লাইমেত স্মার্ত এগ্রিতেক কোহোর্ত হৌদোকপগা লোইননা, হৌজিক্তি মীৎয়েং চঙফম অসি লৌউশিংউ অমসুং অকোইবগী ফিভম কায়রকপগা লোইননা খাঙবা ঙম্বা এগ্রিতেক স্তার্ত অপ অমসুং এম.এস.এম.ই.দা পীরি।

অমারা ওগিলভী, প্রোগ্রাম দিরেক্তর, CSIRO না হায়খি, "ভারত অমসুং ওস্ত্রেলিয়ানা লৌউশিংউগী ওইবা মান্নবা খুদোংচাদবা মাইয়োক্নরি, অদবু ঐখোয়গী লৌউ পথাপ চত্থবদা লৈরিবা পাক চাউবগী চাং অমসুং খেন্নবদি চাউনা লৈ। মসিগী কোহোর্ত অসিনা শরুক য়ারিবশিংদা তোঙান-তোঙানবা মার্কেত্তা চুনবা পোত্থোক পুথোকপা অমসুং মালেমগী দিমান্দ পীবা ঙম্নবা মখোয়গী পাম্বৈ পুথোকপদা মতেং ওইগনি।

এক্সেলরেতর প্রোগ্রামগী থা মাপনলোম অসিদা, খনগৎলবা স্তার্ত অপ অমসুং এম.এস.এম.ই.না শেল্ফ পেস ওনলাইন লর্নিং অমসুং ইন পার্সন সেসনশিংদগী কান্নবা ফংগনি, মসিদা ভারত অমসুং ওস্ত্রেলিয়াদগী ইমর্সন ৱীকসু য়াওরি। হায়রিবা সেসনশিং অসিনা দীপ মার্কেত ইন্সাইতশিং, ৱান-ওন-ৱান কোচিং, সবজেক্ত মেত্তর এক্সপর্তশিং অমসুং ইন্দস্ত্রী এক্সপর্তশিংদগী মেন্তরশিপ পীগনি। থৌরাং অসি শক্তি লৈবা পার্তনর অমসুং কস্তমরশিংগা মরী শেমগৎনবা অমসুং অনৌবা কৈথেলদা মায় পাকপগী চাং হেনগৎনবা শেম্বনি।

প্রোগ্রাম অসিদা ফীল্দ ত্রাইএলশিং য়াওগনি অমসুং অকোনবদা তেক্নোলোজী পাইলত পায়ঙথোক্কনি।

প্রোগ্রামগী মরুইওবশিং তম্লদুনা প্রমিত দাশ, প্রোগ্রাম লিদ, এ.আই.এম.না হায়খি, "ইন্নোভেসন শেমগৎতুনা অমসুং স্তার্ত অপশিংদা মখোয়গী পাম্বৈশিং চাউখৎহন্নবা প্লেৎফোর্ম অমা পীদুনা রাইজ এক্সেলরেতর প্রোগ্রামনা লৌউশিংউ সেক্তরদা লৈবা খুদক্কী ওইবা খুদোংচাদবশিং থেংনবদা নত্তনা, লৌমীশিংদা মখোয়গী অখন্নবা তঙাইফদবশিং ফংহন্নবা শেম্লবা প্রেক্তিসশিং পীগনি।"

প্রোগ্রাম অসিগী খ্বাইদগী নৌবা অনৌবা পাম্বৈশিংনা লৌউশিংউগী ওইবা খুদোংচাদবশিং কোকহনগনি, মসিদা পোত্থোক পুথোকপা হেনগৎহনবা, ইমিসন হন্থহনবা অমসুং মহৌশাগী রিসোর্স শীজিন্নবগী চাং হন্থহনবা য়াওরি।

রাইজ এক্সেলরেতরগী এপ্লিকেসন অসি সেপ্তেম্বর ১৫, ২০২৪ দা লোইগনি।

মসিদা স্তার্ত অপ/এস.এম.ই.শিংনা প্রোগ্রাম অসিদা শরুক য়াবগী, ওস্ত্রেলিয়া অমসুং ভারত্তা চত্থোক চৎশিন তৌবগী খুদোংচাবা কয়াগা লোইননা চার্জ অমত্তা লৈরোই। খনগৎলবা স্তার্ত অপ/এস.এম.ই.শিংদা লুপা লাখ ৪৫ ফাওবগী নোন ইক্বিতী গ্রান্ত পীগনি।

অহেনবা ঈ পাউগীদমক, অমসুং এপ্লাই তৌনবা চানবীদুনা https://riseaccelerator.org/  দা চঙবীয়ু।

হেন্না খঙবীনবা ওগস্ত ২৮, ২০২৪ দা Info and Q&A session দা শরুক য়াবীয়ু।

রাইজ এক্সেলরেতরগী মরমদাঃ

ইন্দিয়া ওস্ত্রেলিয়া ইন্নোভেসন এন্দ স্তার্ত-অপ (রাইজ) এক্সেলরেতর অসি CSIRO অমসুং অতল ইন্নোভেসন মিসন (এ.আই.এম.), নিতি আয়োগনা শিনবা লৈবাক অনিগী ওইবা থৌরম অমনি।

রিয়াজ এক্সেলরেতরনা ভারত অমসুং ওস্ত্রেলিয়াগী মরক্তা লৈরিবা লৌউশিংউগী খুদোংচাদবশিং ঙমখৈ লান্না পাক চাউরবা অনৌবা এগ্রিতেক্কা লোইননা কোকহন্নবা হোৎনরি।

***