হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল অমসুং য়াইফ-য়ুম্বাল মন্ত্রী শ্রী জে পি নদ্দানা মঙ্কীপোক্সকী ফীভম অমসুং শেম শারিবা য়েংশিনখ্রে
লাইনা অসি শন্দোকপদগী ঙাকথোক্নবা অমসুং লাকশিন্নবা চেকশিল-থৌরাং লৌখৎলি
হৌজিক ফাওবদা ভারত্তা মঙ্কীপোক্সকী কেস অমত্তা রোপোর্ত তৌরকপা লৈতে
Posted On:
17 AUG 2024 4:29PM by PIB Imphal
ৱর্ল্দ হেল্থ ওর্গনাইজেসন (WHO) না ওগস্ত 14, 2024দা মঙ্কীপোক্সপু পব্লিক হেল্থ ইমর্জেন্সী ওফ ইন্তর্নেস্নেল কন্সর্ন (PHEIC) ওইনা লাউথোকখিবগা মরী লৈননা, কেন্দ্রগী হকশেল অমসুং য়াইফ য়ুম্বাল মন্ত্রী, শ্রী জগৎ প্রকাস নদ্দানা ঙসি মফম অসিদা মন্ত্রালয় অসিগী মকোক থোংবা ওফিসিএলশিংগা লোয়ননা মীফম অমদা মঙ্কীপোক্সকী ফীভম অমসুং শেম-শাবাগী মতাংদা কুপ্না খন্নখ্রে।
ঙসি ফাওবদা ভারত্তা মঙ্কীপোক্সকী কেস অমত্তা রিপোর্ত তৌরকপা লৈত্রি।
![](https://static.pib.gov.in/WriteReadData/userfiles/image/image001TYCE.jpg)
কেন্দ্রগী হকশেল মন্ত্রীনা ময়াই তাংবল লৌদুনা ফমখিবা মীফম অদুদা, চেকশিন থৌরাং লৌখৎনবগীদমক, অকক্নবা থৌরাং খরা পায়খৎনবা ৱারেপ লৌখি (এয়রপোর্ত, সমুদ্রগী পোর্ত, অমসুং কংফালগী ক্রোসিং পুম্নমক্তা লৈরিবা হেল্থ য়ুনিৎশিংবু সেন্সিতাইজ তৌবা; তেস্তিং লেবোরেতরীশিং (মশিং 32দা) শেম-শাবা; কেস খুদিংমক থিদোক্নবা, তোখাইনা থম্নবা অমসুং মেনেজ তৌনবা হেল্থ ফেসিলিতীশিং শেম-শাবা অসিনচিংবা) ।
মীফম অদুদা, মঙ্কীপোক্স ইনফেক্সনশিং অসি মহৌশানা চয়োল 2-4 ফাওবা ইথান্তা লৈদুনা অমসুং পেসেন্তশিং অসি সপোর্তিব মেনেজমেন্তগা লোয়ননা মহৌশানা ফগৎলকই। শন্দোক্নবগীদমক নারবা কেস অমগা মতম শাংনা নক্ননা শম্নবা মথৌ তাই অমসুং মসি মহৌশানা সেক্সুএল রুতকী খুত্থাংদা, হকচাং/অশোকপগী মহি-মনাই নত্ত্রগা নারবা মীওই অমগী কন্তামিনেদ তৌরবা ফিরোলগা হকথেংননা শোক্নবদগী শন্দোকই।
WHO না মমাংদা জুলাই 2022দা মঙ্কীপোক্সপু পব্লিক হেল্থ ইমর্জেন্সী ওফ ইন্তর্নেস্নেল কন্সর্ন (PHEIC) ওইনা লাউথোকখি অমসুং মতুং তারকপদা মে 2023দা মসি লৌথোকখি। মালেম শীনবা থুংনা, 2022দগী হৌনা, লৈবাক 116তগী WHOনা মঙ্কীপোক্সনা মরম ওইদুনা কেস 99,176 অমসুং শীখিবা 208গী রিপোর্ত তৌখ্রে। WHOনা 2022গী দিক্লারেসন থাগৎলকপদগী হৌরগা, ভারত্তা অপুনবা কেস 30 থেংনখি অমসুং অরোইবা কেস অসি মার্চ 2024দা থেংনখি।
ফীভম অসি য়েংশিন্নবা দিরেক্তর জেনরেল ওফ হেল্থ সর্বিসেসকী মীৎয়েং মখাদা মরী লৈনবা লমশিংগী এক্সপর্তশিং য়াওনা জোইন্ত মোনিতরিং গ্রুপকী মীফম অমা ওগস্ত 16, 2024তা পাংথোকখি। মীফম অদুদা নেস্নেল সেন্তর ফোর দিজিজ কন্ত্রোল (NCDC), ৱর্ল্দ হেল্থ ওর্গনাইজেসন (WHO), ইন্দিয়ন কাউন্সিল ওফ মেদিকেল রিসর্স (ICMR), নেস্নেল সেন্তর ফোর ভেক্তর বোর্ন দিজিজ কন্ত্রোল প্রোগ্রাম (NVBDCP), দাইরেক্তোরেত জেনরেল ওফ হেল্থ সর্বিসেস (Dte.GHS), সেন্ত্রেল গবর্নমেন্ত হোস্পিতালশিং, ওল ইন্দিয়া ইন্সতিত্যুৎ ওফ মেদিকেল সাইন্স AIIMS অসিনচিংবগী এক্সপর্তশিংনা শরুক য়াখি। লাক্কদৌরিবা চয়োলশিংদা ইম্পোর্ত তৌরবা কেস খরা থেংনবগী ওইথোকপা অসি মপুং ফানা রুল আউৎ তৌদ্রবসু, হৌজিক ভারত্তা তুংকোইনা শন্দোকপা য়াবা অচৌবা লাইনা-লাইচৎ অমা শন্দোকপগী রিস্ক অসি নেম্না লৈ হায়না খন্নখি।
ফীভম অসি মন্ত্রালয়না কুপ্না য়েংশিল্লি।
*****
(Release ID: 2046327)
Visitor Counter : 25