ইলেক্ত্রোনিক্স অমসুং আই.তি. মন্ত্রালয়
প্রধান মন্ত্রীনা সেমিকন্দক্তর পুথোকপদা মালেমগী লুচিংবা অমা ওইনবগী মাইকৈদা ভারতকী ফিরেপ অদু ফোংদোকখ্রে
এক্সপোর্তশিংনা মালেমগী কৈথেলশিংদা য়ৌবগা লোয়ননা ভারতনা মোবাইল ফোন মেন্যুফেকচর তৌবদা মরু ওইবা হব অমা ওইরক্লে: শ্রী নরেন্দ্র মোদী
ইক্বিপমেন্ত খুদিংমক্কীদমক মেদ ইন ইন্দিয়া চিপ শানবগী মঙলান থুংহন্নবা পোতেন্সিএল ভারত্তা লৈ: প্রধান মন্ত্রী
Posted On:
15 AUG 2024 12:32PM by PIB Imphal
ভারতকী প্রধান মন্ত্রী, শ্রী নরেন্দ্র মোদীনা ঙসি 78শুবা নীংতম নুমিৎকী থৌরমদা লাল কিলাগী লানবনদগী পীখিবা মহাক্কী ৱারোলদা শ্রী নরেন্দ্র মোদীনা ভারতকী গ্রোথ অমসুং 2047 ফাওবদা ভিকসিৎ ভারতকী পান্দম ফংনবা পান্দম থম্লিবা তুংলমচৎকী ওইবা পান্দম কয়া অমা থমখি।
![](https://static.pib.gov.in/WriteReadData/userfiles/image/image001AW15.jpg)
সেমিকন্দক্তর পুথোকপদা মালেমগী লুচিংবা অমা ওইনবা ভারতনা হোৎনরিবশিং অদু পল্লদুনা মহাক্না হায়খি, "ঐখোয়না মোবাইল ফোনশিং মপান্দগী পুশিল্লকপগী তানফম অমা লৈরম্মি অদুবু ঙসিদি ঐখোয়না লৈবাক অসিদা মেনুফেকচরিং ইকোসিস্তেম অমা শেম্লে অমসুং ভারত অসি অচৌবা মেনুফেকচরিং হব অমা ওইরে।" ঐখোয়না হৌজিক মোবাইল ফোনশিং এক্সপোর্ত তৌবা হৌরে, হায়না মহাক্না মখা তাখি।
![](https://static.pib.gov.in/WriteReadData/userfiles/image/image002X5AY.jpg)
মেদ ইন ইন্দিয়া চিপ-সেমিকন্দক্তর পুথোকপা
সেমিকন্দক্তর, মোদর্ন তেক্নোলোজীশিং অমসুং আর্তিফিসিএল ইন্তেলিজেন্স অসি ঐখোয়গী তুংলমচৎকা মরী লৈনৈ অমসুং ঐখোয়না ইন্দিয়ন সেমিকন্দক্তর মিসনগী থবক হৌরে হায়না প্রধান মন্ত্রীনা হায়খি। হীরম অসিদা, শ্রী মোদীনা হায়খি মদুদি করিগীদমক্তা ইক্বিপমেন্ত খুদিংমক্তা 'মেদ ইন ইন্দিয়া' চিপ অমা য়াওবা ঙম্লোইদৌরিবনো? মহাক্না মখা তারদুনা হায়খি মদুদি ঐখোয়গী লৈবাক অসিদা মসিগী মঙলান অসি মপুং ফাহন্নবগী পোতেন্সিএল লৈ অমসুং মরম অদুনা পোত্থোক পুথোকপা অমসুং সেমিকন্দক্তরগা মরী লৈনবা থবকশিং অসি ভারত্তা পাংথোক্কনি। ভারত্তা মালেমদা এন্দ-তু-এন্দ সোলুসনশিং ফংহন্নবা তেলেন্ত অমসুং পাম্বৈ লৈ।
*****
(Release ID: 2045782)
Visitor Counter : 11