नवी दिल्ली, 14 ऑगस्ट 2024

भारताच्या राष्ट्रपती द्रौपदी मुर्मू यांनी  पारशी नववर्षाच्या पूर्वसंध्येला शुभेच्छा दिल्या आहेत.आपल्या संदेशामध्‍ये राष्‍ट्रपतींनी  म्हटले आहे :-

“पारशी नववर्ष -नवरोजच्या शुभप्रसंगी, मी सर्व देशवासियांना, विशेषत: पारशी बंधू-भगिनींना माझ्या हार्दिक शुभेच्छा देते.

पारशी नववर्ष -नवरोज हे आनंद, उत्साह आणि विश्वासाचे प्रतीक आहे. हा सण आपल्याला क्षमा, दया आणि परस्पर सौहार्दाचा संदेश देतो.आपल्या संस्कृतीतील समृद्ध विविधता आणि समावेशाची भावना देखील हा सण प्रतिबिंबित करतो. गरीब आणि निराधारांना मदत करण्याचा आणि त्यांच्यामध्ये आनंद पसरवण्याचा हा एक प्रसंग आहे. कष्टाळू आणि उत्साही पारशी समुदायाने आपल्या देशाच्या विकासात महत्त्वपूर्ण योगदान दिले आहे.

हा विशेष सण आपल्या जीवनात आनंद आणि समृद्धी घेऊन येवो  आणि नागरिकांमध्ये परस्पर सौहार्द आणि बंधुभाव वृद्धिंगत होऊ दे.”

राष्ट्रपतींचा संदेश पाहण्यासाठी कृपया येथे क्लिक करा

S.Patil/S.Bedekar/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai