78শুবা নীংতম নুমিৎকী নুংঙাইবা থৌরমদা, লৌউ-শিংউ অমসুং লৌমীশিংগী য়াইফ-থৌরাং মন্ত্রালয় (MoA&FW)না লৌমী 1000 হেনবা অমসুং মখোয়গী লোয়নবীশিংদা লম অসিগী অথৌবশিংবু ইকায় খুম্নবা উৎনবা নুমিৎ নিনিগী ওইবা অখন্নবা থৌরম অমদা শরুক য়ানবা বর্তন তৌখি। লৌমীশিং অসিদা পি.এম.-কিসান সম্মান নিধি য়োজনা, পি.এম. ফাসল বিমা য়োজনা অমসুং FPOগী মীহুৎশিংগুম্বা কেন্দ্র সরকারগী স্কিমশিংগী বেনিফিসরীশিং য়াওরি।

ওগস্ত 15দা, অখন্নবা মীথুংলেনশিং অসি লৌউ-শিংউ অমসুং লৌমীশিংগী য়াইফ-থৌরাং অমসুং রুরেল দিবেলপমেন্ত মন্ত্রী শ্রী শিবরাজ সিংহ চৌহানগা ৱারী শানবগীদমক্তা পুসাগী সুব্রামনিয়ম হোলদা পুনগনি। থৌরম অদুদা লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী রামনাথ থাকুর অমসুং শ্রী ভাগীরাথ চৌধুরীসু শরুক য়াগনি।

থৌরম অসিদা শ্রী শিবরাজ সিংহ চৌহান্না নেস্নেল পেস্ত সর্ভিলেন্স সিস্তেম (NPSS) লোঞ্চ তৌগনি। লৌউ-শিংউ অমসুং লৌমীশিংগী য়াইফ-থৌরাংগী দিপার্তমেন্তনা পায়খৎলিবা দিজিতেল ইনিসিএতিব অসিনা মতম চানা অমসুং চপ চানা পেস্ত মেনেজমেন্ত এদভাইজরীশিং পীনবগীদমক আর্তিফিসিএল ইন্তেলিজেন্স (AI) অমসুং মেছিন লর্নিং (ML) গুম্বা খ্বাইদগী নৌবা তেক্নোলোজীশিং শীজিন্নরি। সিস্তেম অসিদা য়ুজর-ফ্রেন্দলী ওইবা মোবাইল এপ অমসুং ৱেব পোর্তেল অমা য়াওরি, মসিনা লৌমী পুম্নমক্কীদমক এক্সেসিবিলিতী লৈহল্লগনি। রিএল-তাইম দেতা অমসুং এদভান্স তৌরবা এনালাইতিক্স শীজিন্নদুনা, NPSS না পেস্ত মশক খঙদোকপা, য়েংশিনবা, মেনেজমেন্ত তৌবা ঙমহল্লি।

NPSS না লৌমীশিংদা চাউনা কান্নবা ফংহনগনি মরমদি মসিনা পেস্ত অমসুং মহৈ-মরোংগী লায়নাশিং থেংনবদা খুদক্কী ওইবা সোল্যুসন পুরক্কনি, মসিনা মহৈ-মরোং মাং-তাকহনবা হন্থহল্লগনি অমসুং মতৌ অসুম্না পোত্থোক হেনগৎহল্লগনি। সিস্তেম অসিগী মপুং ফাবা পেত্স ইন্সিদেন্স দেতা অমসুং ওতোমেতেদ এদভাইজরীশিংনা লৌমীশিংদা এক্সন পায়খৎপা য়াবা ৱাখল্লোনশিং পীরগনি। মসিনা লৌমীশিংদা ইনফোর্ম দিসিজন লৌবদা অমসুং মখোয়গী মহৈ-মরোংশিং ঙাকথোক্নবা প্রোএক্তিব ওইবা থৌরাংশিং লৌবদা মতেং পাংগনি।

NPSS হৌদোকপা অসিনা ভারত্তা লৌউ-শিংউগী থবকশিং মোদর্নাইজ তৌবদা, ফুদ সেক্যুরিতী হেনগৎহনবদা অমসুং সস্তেনেবল ফার্মিং প্রেক্তিসশিং সপোর্ত তৌবদা মরু ওইবা খোঙথাং অমা ওইরি। মসিগী খোঙথাং অসিনা লৌমীশিংগী য়াইফনবা অমসুং লৌউ-শিংউগী সেক্তরদা খুমাং চাউশিলহন্নবা তেক্নোলোজী শীজিন্ননবা সরকারগী অচেৎপা ফিরেপ অদু উৎলি।

অফবা এক্সপরিয়েন্স অমা ফংনবগীদমক, লৌমীশিংগা সাইন্তিস্তশিংগা হকথেংননা ৱারী শানবগী খুদোংচাবা ফংহন্নবা ওগস্ত 14, 2024দা লৌমীশিংগীদমক মমিং লৈরবা PUSA কেম্পসতা কম্প্রিহেন্সিব ফিল্দ ভিজিৎ অমা পাংথোকখি।

IARI - পুসাগী কেম্পসতা লৌমীশিংগা সাইন্তিস্তশিংগা কন্নেক্ত তৌনবা পান্দম থমদুনা লৌমীশিংবু গ্রীন হাউস ওর্নেমেন্তেল নর্সরী, দ্রিপ ইরিগেসনগী মখাদা মনা-মশিং থাবগী থৌওং, মশ্রুম য়ুনিৎ IFS -রেনফেদ সিস্তেম, ন্যুত্রিএন্ত মেনেজমেন্ত প্লোৎ, ফার্ম মেছিনরী ৱার্কশোপ, পর্ল মিল্লেৎ ব্লোক, রাইস ব্লোক, কম্পোস্তিং য়ুনিৎ অমসুং অতোপ্পা তোঙান-তোঙানবা ক্লস্তর অমসুং ব্লোকশিংগী লমজিং-লমতাক পীখি।

ফিল্দ ভিজিৎ অসিগী পান্দমদি লৌমীশিংদা মখোয়গী লৌউ-শিংউগী থবকশিং ফগৎহন্নবা, হেন্না ফবা শেন্থোক ফংহন্নবা, খ্বাইদগী নৌবা তেক্নোলোজীশিং অমসুং তুং কোইনা চৎনগদবা লৌউ-শিংউগী পাম্বৈশিং অদুগী মতাংদা ফার্স্ত-হেন্দ অন্দরস্তেন্দিং ফংহনবা হায়বসিনি।

*****