زراعت اور کسانوں کی بہبود کی وزارت نے  78ویں یوم آزادی کے پُرمسرت موقع پرکھیتوں کے ہیروز کے اعزاز میں ایک خصوصی دو روزہ پروگرام کے لیے 1000 سے زیادہ کسانوں اور ان کی شریک حیات کو مدعو کیا ہے۔ ان کسانوں میں مرکزی حکومت کی اسکیموں جیسے پی ایم-کسان سمان ندھی یوجنا، پی ایم فصل بیمہ یوجنا  کے استفادہ کنندگان اور ایف پی او کے نمائندے شامل تھے۔

مورخہ 15 اگست کو، خصوصی مدعوئین سبرامنیم ہال، پی یو ایس ای میں زراعت اور کسانوں کی بہبود اور دیہی ترقی کے وزیر جناب شیوراج سنگھ چوہان کے ساتھ بات چیت کے لیے جمع ہوں گے۔ اس پروگرام میں زراعت اور کسانوں کی بہبود کے وزیر مملکت جناب رام ناتھ ٹھاکر اور جناب بھاگیرتھ چودھری بھی شرکت کریں گے۔

اس اہم موقع پر، جناب  شیوراج سنگھ چوہان نیشنل پیسٹ سرویلنس سسٹم (این پی ایس ایس) کا آغاز کریں گے۔ زراعت  اور کسانوں کی بہبود کے محکمہ کی طرف سے  کی گئی یہ ڈیجیٹل  پہل بروقت اور درست پیسٹ مینجمنٹ ایڈوائزری پیش کرنے کے لیے مصنوعی ذہانت (اے آئی) اور مشین لرننگ (ایم ایل) جیسی جدید ٹیکنالوجیز کا استعمال کرتی ہے۔ اس نظام میں ایک صارف دوست موبائل ایپ اور ایک ویب پورٹل شامل ہے، جو تمام کسانوں کے لیے رسائی کو یقینی بناتا ہے۔ ریئل ٹائم ڈیٹا اور جدید تجزیات کا فائدہ اٹھا کر، این پی ایس ایس پیسٹ کی درست شناخت، نگرانی، انتظام کی صلاحیت پیدا کرتا ہے۔

این پی ایس ایس کا آغاز ہندوستان میں زراعت کو جدید بنانے، خوراک کے تحفظ میں اضافہ کرنے  اور پائیدار کاشتکاری کے طریقوں کی حمایت میں ایک اہم قدم ہے۔ یہ قدم کسانوں کی فلاح و بہبود اور زرعی شعبے کی ترقی کے لیے ٹیکنالوجی سے فائدہ اٹھانے کے واسطے  حکومت کے عزم کو واضح کرتا ہے۔

کسانوں کی مختلف کلسٹرز اور بلاکس کے ذریعے رہنمائی کی گئی، جن میں گرین ہاؤس آرنامینٹل نرسری، ڈرپ اریگیشن کے تحت سبزیوں کی کاشت، مشروم یونٹ آئی ایف ایس-بارش سے  سنچائی والا نظام، غذائیت کے انتظام کا پلاٹ، فارم مشینری ورکشاپ، پرل ملیٹ بلاک، رائس بلاک، آئی اے آر آئی- پوسا کے  کیمپس میں کمپوسٹنگ یونٹ اور بہت کچھ شامل ہے، جس کا مقصد کسانوں کو سائنسدانوں سے جوڑنا ہے۔

اس فیلڈ وزٹ کا مقصد کسانوں کو ان کے زرعی طریقوں کو بہتر بنانے کے لیے جدید ٹیکنالوجیز اور پائیدار کاشتکاری کے طریقوں کے بارے میں سمجھنا تھا، جس سے آمدنی کے بہتر مواقع پیدا ہوتے ہیں۔

۔۔۔۔۔۔۔۔۔۔۔

ش ح۔ا گ ۔ن ا۔

U- 9830