নহারোল অমসুং শান্ন-খোৎনবগী মন্ত্রালয়
থৌগলনা ঐখোয়গী নাৎকী শরুক্নি অমসুং অমনা অমবু তেংবাংনবা হায়বসি ঐখোয়বু য়োক্লকপদা লোয়নদুনা লাকখ্রবনি: দোক্তর মন্দাবিয়া
লৈঙাক্না তোঙান তোঙানবা লমশিংদা নহাশিংনা মায় মীথোয় মীহেন্নবা মশিং য়াম্লবা খুদোংচাবশিং শেমগৎলে: কেন্দ্র মন্ত্রী
দোক্তর মনসুখ মন্দাবিয়ানা নীংতম নুমিৎ থৌরমদা শরুক য়ানবা পাউজেল পীখিবা নহা ভোলুন্তিয়রশিংগা ৱারী ৱাতায় শানখ্রে
এন.এস.,স. ভোলিন্তিয়র ৪০০ অমসুং মাই ভারত ভোলুন্তিয়র ১০০ অখন্নবা মীথুং ওইনা পাউজেল পীখি
Posted On:
14 AUG 2024 3:11PM by PIB Imphal
য়ুথ এফ্যার্স এন্দ স্পোর্তস অমসুং লেবর এন্দ এমপ্লোইমেন্তকী কেন্দ্র মন্ত্রী দোক্তর মনসুখ মন্দাবিয়া অমসুং য়ুথ এফ্যার্স এন্দ স্পোর্তসকী কেন্দ্রগী রাজ্য মন্ত্রী, শ্রীমতি রক্সা খারসেনা ঙসি নই দিল্লীদা পাঙথোকপা অখন্নবা ৱারী ৱাতায় শান্নবগী থৌরম অমদা নহা ভোলুন্তিয়র ৫০০গী ইচঙ থৌরবা কাঙলুপ অমগা উনখি। লৈবাক শিন্বা থুংবদগী নহা ভোলুন্তিয়রশিং অদু, নেস্নেল সর্ভিস স্কীম (এন.এস.এস.) ৪০০ অমসুং মাই ভারত ভোলুন্তিয়র ১০০, নীংতম নুমিৎ থৌরম ২০২৪দা অখন্নবা মীথুং ওইনা পাউজেল পীখি।
![](https://static.pib.gov.in/WriteReadData/userfiles/image/image0012KU3.jpg)
ভোলুন্তিয়রশিংগী নহা ওইবগী মতিং অমসুং লেপ্লিবা খোঙফম্না মহাকপু পুক্নিং থৌগৎলি হায়না ফোঙদোক্লদুনা, দোক্তর মন্দাবিয়ানা হায়খি, “ঐখোয়গী ভোলুন্তিয়রশিং অসি অওনবা পুরকপা অমসুং খুমাঙ চাওশিনবগী মৈরা পায়দুনা চৎলিবা অশেঙবা মীওইশিংনি। লৈবাক শেমগৎপদা উৎলিবা মখোয়গী পুক্নিং খোয়রাংবা অমসুং পুক্নিং লুপ্পা মতৌ পুক্নিং থৌগৎনিংঙাইনি।”
অতোপ্পা মীওইশিংগী থৌগলগী মরুওইবা ৱাফমশিংগী মরমদা ৱা ঙাংলদুনা, মহাক্না হায়খি, “থৌগল হায়বসি ঐখোয়গী নাৎকী শরুক অমনি। অমগা অমগা তেংবাংনবা হায়বসি ঐখোয়বু য়োক্লকপদা য়াওদুনা লাকখ্রবনি। হায়রিবা ইহুলশিং অসিনা নখোয়বু শিংনবশিং থেংনবদা অমদি চাওখৎপা ভারত অমা শেমগৎপদা মতেং পাংগনি।”
![](https://static.pib.gov.in/WriteReadData/userfiles/image/image0026PAD.jpg)
মহাক্না মীয়ামগী থৌগল অমদি লৈবাক চাওখৎহন্বদা নহাশিংনা শরুক য়াশিনবগী মরুওইবা ৱাফমশিং থমখি। ভারতপু ২০৪৭ ফাওবদা চাওখৎপা লৈবাক অমা ওইহন্নবা প্রধান মন্ত্রীনা মঙলিবা মঙলান মঙফাওনহন্বদা মখোয়গী থৌদাং মরুওই হায়রদুনা, মহাক্না ভোলুন্তিয়রশিংবু খুন্নাইগী থৌগলগী ৱাখল্লোন্দা তোঙান তোঙানবা লমদা লেপ্পা লৈতনা হোৎননবা ৱাফম থমখি।
নহাশিংগী মতিংবু শকখঙলদুনা, দোক্তর মন্দাবিয়ানা হায়খি, “ঐনা নখোয় খুদিংদা চাউরবা মতিং কয়া উই। হৌখিবা দেকেদ অসিদা, লৈঙাক অসিনা, মুদ্রা য়োজনা অমদি স্তার্ত-অপ ইন্দিয়াগুম্বা থৌরাংশিংগা লোয়ননা ওন্ত্রপ্রিন্যুরসিপ অমসুং ইনোভেসন পুরকপদা ওইরবসু নৎত্রগা খেলো ইন্দিয়া প্রোগ্রামগী খুত্থাঙদা শান্ন-খোৎনবগী লমদা মখোঙ শোম্বিবা ওইরবসু, তোঙান তোঙানবা লমদা নহাশিংনা মীথোয় মীহেন্বা ওইরক্নবা মশিং য়াম্লবা খুদোংচাবা কয়া শেমখ্রে।”
মহাক্না মখা তানা নহাশিংগী মফমদা নই দিল্লীদা লৈরিবা নেস্নেল ৱার মেমোরিএল, প্রধান মন্ত্রী সঙ্গ্রহলয়, কর্তব্য পথ, অমসুং অতৈ মরুওইবা মফম কয়া য়াওনা মরুওইবা লমথুংফমশিংদা চৎনবা ৱাফম থমখি।
য়ুথ এফ্যার্স অমসুং স্পোর্তসকী কেন্দ্রগী রাজ্য মন্ত্রী, শ্রীমতী রক্সা খারসেনা অখন্নবা মীথুংশিংবু, মেরি মাতী, মেরা দেশ কেম্পেন্দা শরুক য়াবা, অমৃৎ ভাতিকা শেম্বা, অমসুং উ থাবগী থৌরম, ঈ কত্থোকপগী কেম্প, অমসুং লম্বীগী শাফনবগী এৱ্যারনেসনচিংবা মীয়ামদা মীৎয়েঙ থম্বা থৌরম কয়াদা শরুক য়াদুনা মখোয়না তৌখিবা মতিং লৈবা থবক থৌরমশিংগীদমক থাগৎখি।
![](https://static.pib.gov.in/WriteReadData/userfiles/image/image003X917.jpg)
থৌরম অদুদা কেন্দ্র মন্ত্রীগা ভোলুন্তিয়রশিংগা ৱারী ৱাতায় শান্নবনা মপুং ওইবা মশক ওইবগা লোয়ননা, থৌরমদুদা কন্ত্রীনা নহাশিং মপাঙ্গল কলহনবা অমসুং ভোলুন্তিয়রিজমগী চৎনবী য়োকখৎপদা পান্দম থম্বা লৈঙাক্কী থৌরাংশিংগী মরমদা পাউদমখি। ভোলুন্তিয়রশিংনা মখোয়না থেংনরকপা অমদি তম্লকপশিং পাউদম্লদুনা, নহাশিংনা লমজিংবা থৌরমশিংগী মতিং হেনগৎহন্নবা অমদি মাই ভারত পোর্তেলবু হেন্না চাউথোকহন্নবা মমল নাইরবা ৱাফম কয়া থমখি।
*****
(Release ID: 2045349)
Visitor Counter : 18