পঞ্চায়তী রাজগী মন্ত্রালয়
ওগস্ত 15, 2024দা দিল্লীগী লাল কিলাদা পাংথোক্কদৌরিবা 78শুবা নীংতম নুমিৎকী পালন থৌরমদা পঞ্চায়তি রাজ ইন্সতিত্যুসনশিংগী ইলেক্তেদ ৱুমেন রিপ্রজেন্তেতিব/ইলেক্তেদ রিপ্রজেন্তেতিব চাউরাক্না 400রোমনা অখন্নবা মীথুংলেনশিং ওইনা শরুক য়াগনি
Posted On:
13 AUG 2024 2:13PM by PIB Imphal
গ্রাসরুৎ দেমোক্রেসী মপাঙ্গল কনখৎহন্নবা অমসুং পঞ্চায়ৎ রিপ্রজেন্তেতিবশিংবু পুক্নিং থৌগৎনবা মরু ওইবা থৌশিল অমদা ভারত সরকারনা মশক থোকপা খোঙথাং অমা লৌখৎতুনা ওগস্ত 15, 2024দা দিল্লীগী লাল কিলাদা পাংথোক্কদৌরিবা 78শুবা নীংতম্বা নুমিৎকী থৌরমদা ভারত সরকারনা পঞ্চায়তী রাজ ইন্সতিত্যুসনশিংগী ইলেক্তেদ ৱুমেন রিপ্রজেন্তেতিবশিং (EWRশিং) / ইলেক্তেদ রিপ্রজেন্তেতিবশিং (ERশিং) অসি অখন্নবা মীথুংলেন ওইনা শরুক য়াবীনবা বর্তন তৌখ্রে। কেন্দ্রগী পঞ্চায়তি রাজ অমসুং ফিসরীজ, এনিমেল হজবেন্দ্রী অমসুং দাইরিয়িং মন্ত্রী শ্রী রাজীব রঞ্জন সিংহ এলাই ললন সিংহ অমসুং কেন্দ্রগী পঞ্চায়তি রাজ অমসুং ফিসরীজক, এনিমেল হজবেন্দ্রী অমসুং দাইরিয়িংগী রাজ্য মন্ত্রী প্রোফেসর এস. পি. সিংহ বাঘেলনা EWR/ ER ইনভাইতীশিংবু অখন্নবা মীথুংলেনশিং ওইনা হয়েং নই দিল্লীগী জনপথতা লৈবা দা. অম্বেদকর ইন্তর্নেস্নেল সেন্তরদা পঞ্চায়তী রাজ মন্ত্রালয়গী সেক্রেতরী শ্রী বিবেক ভারদ্বাজ, পঞ্চায়তী রাজ মন্ত্রালয়গী স্পেসিএল সেক্রেতরী দা চন্দ্র শেখর কুমার অমসুং মন্ত্রালয় অসিগী অতৈ মকোক থোংবা ওফিসরশিংনা শরুক য়াবা থৌরম অমদা ওক্কনি। ওকপগী থৌরম অসি হয়েং নুমিদাং পুং 7 তাবা মতমদা নই দিল্লীগী জনপথতা লৈবা দা. অম্বেদকর ইন্তর্নেস্নেল সেন্তরদা পাংথোক্কনি। চাউরাক্না অখন্নবা মীথুংলেন 400, মরুওইনা পঞ্চায়তী রাজ ইন্সতিত্যুসন (PRI)শিংগী ইলেক্তেদ ৱুমেন রিপ্রজেন্তেতিবশিং (EWRশিং) মখোয়গী স্পোসশিংগা লোয়ননা দিল্লীদা পাংথোক্কদৌরিবা নীংতম্বগী নুমিৎকী থৌরম অসিদা শরুক য়াগনি।
বর্তন তৌখিবা পঞ্চায়তি রিপ্রজেন্তিতিব পুম্নমক্না শরুক য়াবগা লোয়ননা পঞ্চায়তি রাজ মন্ত্রালয়না হয়েং অয়ুক পুং 10:30 তাবা মতমদা নই দিল্লীগী জনপথতা লৈবা দা. অম্বেদকর ইন্তর্নেস্নেল সেন্তরদা নেস্নেল ৱার্কশোপ ওন ৱুমেন্স লীদরশিপ ইন পঞ্চায়ৎস অমা পাংথোক্লগনি। নেস্নেল ৱার্কশোপ অসিদা দা. কিরন বেদী, হান্নগী পুদুচেরীগী লেফতনেন্ত গভর্নর অমসুং নবজ্যোতি ইন্দিয়া ফাউন্দেসনগী ফাউন্দরনা ৱা ঙাংগনি। শ্রী বিবেক ভারতৱাজ, দা. চন্দ্র শেখর কুমার অমসুং অতৈ সেনিয়র ওফিসরশিংসু ৱার্কশোপ অসিদা শরুক য়াগনি। ৱার্কশোপ অসিদা মরুওইবা হিরমশিংগী মরক্তা মখাদা পীরিবশিং অসি নৈনগনি। চহী তরাগী খুজিং অহুম অসিদা পঞ্চায়ৎ গবর্নান্সতা EWRশিংগী থৌদাং, গ্রাসরুৎ লেবেলশিংদা গবর্নান্স অমসুং পব্লিক সর্ভিস দেলিভরীদা নুপীশিংগী লুচিংবা, জেন্দর ইক্বেলিতী অমসুং সোসিএল ইনক্লুজনগী ইস্যুশিংদা EWRশিংগী থৌদাং, নুপীশিং অমসুং শোৎথরবা কাংলুপশিংগীদমক চপ মান্নবা খুদোংচাবশিং ফংহনবদা EWRশিংগী থৌদাং অমসুং লৈঙাক্কী থাক্তা "সরপঞ্চ পতি"গী চৎনবীগী মতাংদা নৈনগনি। ৱার্কশোপ অসিদা মরু ওইবা ৱারোল থম্লিবা মীওইশিং, মকোক থোংবা ওফিসিএলশিং, EWRশিং অমসুং হীরম অসিগী এক্সপর্তশিং য়াওনা শক্নাইরবা মীথুংলেনশিং শরুক য়াগনি। ৱার্কশোপ অসিনা পঞ্চায়ৎশিংদা লৈরিবা নুপী লুচিংবশিংগী শীংনবশিং অমসুং খুদোংচাবশিং নৈনগনি, মায় পাকপগী ৱারীশিং উৎকনি অমসুং লোকেল গবর্নান্সতা নুপীশিংগী শরুক য়াবা হেনগৎহন্নবা থৌরাংশিংগী মতাংদা খন্নগনি।
থৌরম অদুগী শরুক অমা ওইনা, ভাসিনিগা খুৎশম্নদুনা মল্তিলিংগ্বেল ই-গ্রাম স্বরাজ প্লেতফোর্ম লোঞ্চ তৌগনি। অনৌবা খোঙথাং অসিনা ই-গ্রাম স্বরাজ পোর্তেল অসি ভারতকী সেদ্যুল্দ লোল 22দা ফংহনগনি। মসিনা লোলগী তোঙান-তোঙানবা কাংলুপশিংদা য়ৌহন্নবা অমসুং শীজিন্নবা য়াবা হেনগৎহনগনি। থৌরম অসিদা, পঞ্চায়তী রাজ ইন্সতিত্যুসনশিংগী বেসিক স্তেতিস্তিক্স য়াওবা স্তেত/য়ু.তি.গী ওইবা পঞ্চায়ৎ প্রোফাইলসু রিলিজ তৌগনি।
পঞ্চায়ৎ রিপ্রজেন্তেতিবশিংনা নেস্নেল কেপিতেলদা চৎপা অসি তোঙান তোঙানবা থৌরমশিং অমসুং থবক থৌরমশিং য়াওনা মপুং ফাবা অমসুং নুংঙাইবা এক্সপরিয়েন্স অমা ওইনবা থৌরাং তৌরি। ভারতকী লুচিংবগী লিগেসীগী মতাংদা হেন্না পাক চাউনা য়েংনবা, অখন্নবা মীথুংলেনশিং অসিগীদমক ওগস্ত 14, 2024গী নুমিদাংৱাইরমদা প্রধান মন্ত্রী সংগ্রাহলয়া (পি.এম. ম্যুজিয়ম) য়েংবগী থৌরাং তৌখ্রে। খোঙচৎ অসিনা ভারতকী দিমোক্রেসিগী খোঙচৎ অমসুং হৌজিক পাল্লিবা অমসুং হান্নগী প্রধান মন্ত্রীশিংগী থৌদাংশিংগী মতাংদা লৌশিং পীগনি।
খোঙচৎ অসিগী মপুং ওইবা তাঙ্কক অসি ওগস্ত 15, 2024দা দিল্লীগী রেদ ফোর্ৎতা পাংথোক্কদৌরিবা মরুওইবা নীংতম্বা নুমিৎকী থৌরমদা ই.দবল্যু.আর.শিং/ই.আর.শিংনা শরুক য়াগনি। অসিগুম্বা পুন্সিদা অমুত্তা থোকপা এক্সপরিয়েন্স অসিনা গ্রাসরুৎকী লুচিংবশিংবু পুৱারী ওইরবা নেস্নেল সেলেব্রেসন অমগী শরুক ওইহনগনি, মসিনা চাউথোকচবা অমসুং পেত্রিওতিজমগী ইথিল পোকহনগনি। লাল কিলাগী থৌরমগী মতুংদা, অখন্নবা মীথুংলেনশিংগীদমক লুচিংবা মীফম অমা ওগস্ত 15, 2024দা ন্যু দিল্লীগী DAICদা পাংথোক্কনি। শ্রী বিবেক ভারদ্বাজ অমসুং মন্ত্রালয় অসিগী অতোপ্পা মকোক থোংবা ওফিসিএলশিংনা শরুক য়াগদবা থৌরম অসিনা হৌখিবা নুমিৎ অনি অসিগী এক্সপরিয়েন্সশিংদা রিফ্লেক্সন অমসুং ইনফোর্মেল দিস্কোসকী খুদোংচাবা পীগনি।
নীংতম নুমিৎকী থৌরমগী পাক-চাউবা প্রোগ্রাম অসি পঞ্চায়ত লুচিংবশিংবু ইকায় খুম্নবা উৎনবা, মখোয়বু লৌশিং পীবা অমসুং হেন্না পাক-চাউবা জাতিগী ওইবা ৱাখল্লোন অমা পীনবগীদমক্তা শেমগৎপনি। গ্রামীন ভারত - রুরেল ইন্দিয়াদা ইনক্লুসিব গ্রোথ অমসুং ৱুমেন এম্পাৱরমেন্তকীদমক সরকারনা লৌরিবা থৌদাং অসি গ্রাসরুৎকী লুচিংবশিংবু নেস্নেল সেলেব্রেসনশিংগী মরুওইবা মফমদা পুশিল্লক্তুনা ইনিসিএতিব অসিনা মপাঙ্গল কনখৎহল্লি। মীৎয়েং শানবা খোঙথাং অসিনা প্রধান মন্ত্রীগী ভিকসিৎ ভারত - চাউখৎলবা ভারতকী মঙলান অদুগা চুনৈ অমসুং গ্রাসরুৎ গবর্নান্স অমসুং লোকেলাইজ সস্তেনেবল দিবেলপমেন্ত গোলশিং (LSDGশিং) মাংলোমদা পুখৎপদা পঞ্চায়ত লুচিংবশিংগী মরুওইবা থৌদাং অদু মশক খঙই। পঞ্চায়তী রাজ মন্ত্রালয়না ঙাকশেল মন্ত্রালয়গা খুৎশম্নদুনা রাজ্য অমসুং য়ুনিয়ন তেরিতোরী পঞ্চায়তী রাজ দিপার্তমেন্তশিংগী খুত্থাংদা নোমিনেৎ তৌরবা EWRশিং অমসুং মখোয়গী স্পোসশিং য়াওনা অখন্নবা মীথুংলেন 300দা মসিগী অখন্নবা খুদোংচাবা অসি পীনবা হোৎনরি। মসিগী মথক্তা, ভারত সরকারগী প্রাইওরিতি সেক্তর স্কিম/ প্রোগ্রাম অহুম নৎত্রগা মসিদগী হেনবদা মপুং ফাহনবা ঙম্লবা অন্ধ্র প্রদেশ, গুজরাত, মেঘালয় অমসুং উত্তর প্রদেশকী গ্রাম পঞ্চায়ৎকী মকোকশিংসু 202গী নীংতম নুমিৎকী থৌরমদা সরকারগী অখন্নবা মীথুংলেন ওইগনি।
EWRশিং/ERশিংনা নেস্নেল কেপিতেলদা 2024গী নীংতম নুমিৎকীদমক অখন্নবা মীথুংলেনশিং ওইনা চৎকদৌরিবা মসিগী মপুং ফাবা প্রোগ্রাম অসি থৌরম মরাং কায়না, পান্দম লৈনা অমসুং মল্তিফেসেতেদ ওইনবা দিজাইন তৌরি। মসিগী খোঙথাং অসিনা গ্রামীন ভারতকী গ্রাসরুৎ গবর্নান্স, নুপীগী লুচিংবা অমসুং নুপীনা লুচিংবা চাউখৎ থৌরাং প্রমোৎ তৌবগী মায়কৈদা মরুওইবা খোংথাং অমনি। মসিনা হায়রিবা পঞ্চায়ত লুচিংবশিং অসিবু ইকায় খুম্নবা উৎপতা নত্তনা মখোয়বু লৌশিং, ইথিল অমসুং হেন্না চাউবা লৈবাক অসিগী মীৎয়েংগা লোয়ননা শেমগৎলি। নেস্নেল সেলেব্রেসনশিংদা পঞ্চায়তী রাজ ইন্সতিত্যুসনশিং য়াওহন্দুনা, ভারত সরকারনা লৈবাক অসিগী চাউখৎ থৌরাংগী খোঙচৎতা লোকেল গবর্নান্স বোদীশিং (পঞ্চায়তী রাজ ইন্সতিত্যুসনশিং/ রুরেল লোকেল বোদীশিং) গী মরক্তা মপু ওইবা অমসুং থৌদাং লৌবগী ৱাখল্লোন অমা পুক্নিং থৌগৎলি। মসিগী ইনক্লুসিব এপ্রোচ অসিনা ভারত শীনবা থুংনা লৈরিবা পঞ্চায়ৎশিংদা ইনর্জী পীরি। মসিনা মখোয়বু LSDGশিং ফংবদা হেন্না থৌনা লৈনা থৌদাং লৌনবা পুক্নিং থৌগৎলি।
চহি অসিগী নীংতম্বগী নুমিৎকী থৌরমদা হায়রিবা গ্রাসরুৎকী লুচিংবশিং অসি মরুওইবা মফমদা পুরকপগা লোয়ননা, খোঙথাং অসিনা রুরেল ইন্দিয়াদা ইনক্লুসিব গ্রোথ অমসুং নুপীশিংগী শক্তি লৈহন্নবা সরকারগী ফিরেপ অদু মপাঙ্গল কনখৎহল্লি। মসিগী এক্সপিরিয়েন্স অসিনা পঞ্চায়ত লেবেলদা ত্রান্সফোর্মেতিব ওইবা অহোংবা পুরক্কনি হায়না পানরি। মসিনা চাউখৎলবা ভারত -ভিকসিৎ ভারতকী ভিজন্দা চাউনা মতেং পাংগনি।
হয়েং অয়ুক্কী পুং 10:30 তাবা মতমদা নেস্নেল ৱার্কশোপ ওন ৱুমেন্স লীদরশিপ ইন পঞ্চায়ৎসকী লাইব ৱেবকাস্ত অমসুং নুমিদাং পুং 7 তাবা মতমদা দিল্লীদা পাংথোক্কদৌরিবা নীংতম্বগী নুমিৎকী থৌরমদা অখন্নবা মীথুংলেন ওইনা কৌখিবা পঞ্চায়ৎ রিপ্রজেন্তেতিবশিংগী ফেলিসিতেসন ফঙ্কসন ৱেবকাস্ত লিঙ্ক অসিদা ফংগনি: https://webcast.gov.in/mopr। লাইব ৱেব-স্ত্রীমিং অসি পঞ্চায়তী রাজ মন্ত্রালয়গী সোসিএল মীদিয়া পেজশিংদা ফংহনগনি: X (ত্বিত্তর): https://x.com/MoPR_GoI; ফেসবুক: https://www.facebook.com/MinistryOfPanchayatiRaj; ইস্তাগ্রাম: https://www.instagram.com/MinistryOfPanchayatiRaj; অমসুং য়ুত্যুব: https://www.youtube.com/@MinistryOfPanchayatiRaj।
***
(Release ID: 2044862)
Visitor Counter : 8