প্রধান মন্ত্রী, শ্রী নরেন্দ্র মোদীনা  ৱয়ানাদকী চীং কিন্থবদা শোক্লবশিংগীদমক ঐখোয়না থৌনিজরি, কেন্দ্র সরকারনা খুদক্কী ওইবা থৌরাংশিংদা মতেং পাংবা য়াবা খুদিংমক পাংনবা হোৎনগনি হায়খি। মহাক্না হায়খি কেন্দ্র সরকারনা রাজ্য সরকারগা লোইননা পাংবা য়াবা মতেং অমসুং খুদক্কী অৱাবা কোক্নবা থবক খুদিংমক লৌখৎনবা লেপ্লি। প্রধান মন্ত্রীনা ঙসি কেরলাগী ৱয়ানাদকী চীং কিন্থবনা শোকহল্লবা মফমশিংদা চৎতুনা য়েংশিনখ্রে।

প্রধান মন্ত্রীনা মহৌশাগী ওইবা অৱা অনা অসিদা অশোকপশিং উনখি অমসুং রিলিফ কেম্পশিংদা লৈরিবা মীওইশিংগা ৱারী শানখি। য়েংশিন মীফম অমদা শ্রী মোদীনা কেন্দ্র সরকার অমসুং লৈবাক অসিনা খুদোংথীবা থৌদোক অসিনা শোকহল্লবশিংগী অৱাবদা পুন্না শরুক য়ামিন্নরি। মহানা হায়খি মদুদি শুগাইনা পল্লবা মেমোরেন্দম অমা মুখ্য মন্ত্রীনা পীখৎলক্লগনি।

Our prayers are with those affected by the landslide in Wayanad. The Centre assures every possible support to aid in relief efforts.https://t.co/3fS83dFmrp

— Narendra Modi (@narendramodi) August 10, 2024

প্রধান মন্ত্রীনা হায়খি মদুদি ৱয়ানাদতা পায়খৎলিবা মী কনবগী থবশিং কুপ্না য়েংশিল্লি অমসুং লেপ্পা লৈতনা ওথোরিতীশিংগা পাউ ফাওনরি। মহাক্না হায়খি দিজাস্তর মেনেজমেন্ত ফন্দশিং কাইথখ্রে অমসুং লেমহৌরিবা শরুকশিংসু খুদক্তা কাইথরগনি।

শ্রী মোদীনা হায়খি মদুদি হৌজিক্কী ওইরিবা ফিভম অসিদা য়েংশিনবা ঙম্বা কেন্দ্রগী এজেন্সী খুদিংমক থাদুনা অশোকপা নংলবশিং মতেং পাংলি। প্রধান মন্ত্রীনা খুদোংথিবা অসিনা শোকহল্লবা মফমশিংদা খুদক্তা য়ৌশিনখিবা অমসুং থি-হুম্ব অমসুং কনবগী থবক পায়খৎখিবা এন.দি.আর.এফ., এস.দি.আর.এফ., আর্মী, রাজ্যগী পুলিস, লোকেল মেদিকেল ফোর্স, এন.জি.ও. অমসুং অতৈ সর্ভিস ওরিএন্তেদ ইন্সতিত্যুসনশিংবু শিংথাখি।

শ্রী মোদীনা অৱাবা তারবা মরুওইনা ইমুং মনুং কাইনরবা অঙাংশিংবু শৌগৎপীনবা তুং কোইনা চৎকদবা অনৌবা থৌশিল য়াৎপগী তঙাইফদবা ফোঙদোকখি। মহাক্না থাজবা ফোংদোকখি মদুদি রাজ্য সরকারনা কেন্দ্র সরকারদগী তঙাইফদবা মতেংগা লোইননা মসিদা মরুওইবা থৌদাং লৌগনি।

প্রধান মন্ত্রীনা ৱয়ানাদকী মীয়ামদা থাজবা পীখি মদুদি লৈবাক অসিনা অমসুং কেন্দ্র সরকারনা লমদম অসিগী মহৌশাগী পুন্সি মহিং হায়বদি, য়ুম, স্কুল, লম্বী থোং নৎত্রগা অঙাংশিংগী তুংগী পুন্সিবু ওইরো শোইদনা হঞ্জিন্নবা হোৎনগনি।  

***