প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা রেলৱে মিনিস্ত্রিগী চাউরাক্না লুপা করোর 24,657 গী অনৌবা লাইন প্রোজেক 8 অয়াবা পীরে।

অনৌবা লাইনশিং অসিনা চৎথোক-চৎশিনগী খুদোংচাবশিং ফংহনগনি অমসুং ভারত রেলৱেগী থবকশিং মপুংফানা অমসুং মতিক চানা থবক পাংথোকপা হেনগৎহনগনি। প্রোজেকশিং অসি প্রধান মন্ত্রী শ্রী নরেন্দ্র মোদীগী অনৌবা ভারত অমগী পান্দমগা লোয়ননা পায়খৎকদবনি অমসুং মসিনা মীয়ামদা থবক ফংবা/মশানা মশাবু থবক পীজনবগী খুদোংচাবশিং পীদুনা লমদম অমা অপুনবা ওইনা চাউখৎতুনা লমদম অসিগী মীয়াম “অত্মানির্ভর” ওইহনগনি।

মল্তি-মোদাল কন্নেক্তিবিতিগী পি.এম-গাতি শক্তি নেসনেল মাস্তর প্লানগী ফলশিং ওইনা প্রোজেকশিং অসি পায়খৎলকপনি অমসুং মসিনা মীয়াম, পোৎ-চৈশিং অমসুং খুদোংচাবা কয়া নিংথিনা চৎথোক-চৎশিনগী খুদোংচাবা পীগনি।

প্রোজেক নিপাল অসিনা রাজ্য তরেৎ হায়বদি ওরিসা, মহারাস্ত্রা, অন্ধ্র প্রদেস, ঝারখন্দ, বিহার, তেলঙ্গানা অমসুং নোংচুপ বেঙ্গলগী জিলা 14 কোনশিন্দুনা হৌজিক লৈরিবা ভারত রেলৱেজগী নেতৱার্কতা কিমি 900 হেনগৎহনগনি।

প্রোজেকশিং অসিনা অনৌবা স্তেসন 64 শেমগৎকনি অমসুং এস্পিরেসনেল দিস্ত্রিক তরুক (ইস্ত সিংভুম, ভাদাদ্রিকোথাগুদেম, মালকঙ্গিরি কলাহান্দি, নবারঙ্গপুর রায়াগাদা), খুঙ্গং 510 অমসুং চাউরাক্নবা মীওই লাখ 40 দা চৎথোক-চৎশিনগী খুদোংচাবশিং পীগনি।

য়ুনেস্কো ৱার্ল্দ হেরিতেচ সাইত অমা ওইরিবা অজান্তা কেপশিংগা ভারত  রেলৱেগী নেতৱার্ক্ক শম্নদুনা মশিং য়াম্লবা লমকোয়বা মীওইশিংদা খুদোংচাবশিং পীগনি।

অনৌবা লাইনশিং অসি লৌউ-শিংউগী পোৎথোকশিং, হার, কয়লা, আইরন ওর, স্তিল, সিমেন্ত, বাউসাইদ, শুনু নুঙ, এলুমিনিয়ম পাউদর, গ্রেনাইত, বাল্লাস্ত, কেন্তেন্নরশিং পুনবা তঙাইফদবা লম্বীশিংনি। প্রোজেকশিং অসিনা এম.তি.পি.এ 143 গী অহেনবা ফ্রেদ ত্রাফিক লৈহনগনি। রেলৱে অসি মহৌশাগী অকোয়বগী ফিবম কায়হন্দনবা থবক তৌবা অমসুং ইনর্জি চঙহন্দনা থবক তৌবনা মসিনা ক্লাইমেত গোলশিং ফংনবা হোৎনবদা, পোৎ পুথোক-পুশিনগী চাদিং হন্থনবদা অমসুং মপান লৈবাক্তগী থাও পুশিল্লকপা হন্থনবা (লিতর করোর 32.20) অমসুং কার্বোনদাইওক্সাইদ থাদোকপা হন্থহনবা(মিল্লিয়ন তন 0.87) হায়বদি উ পাম্বী করোর 3.5 থাবগা মান্ননা মতেং পাংগনি।

****