কেন্দ্রগী কলচর অমসুং তুরিজম মন্ত্রী শ্রী গজেন্দ্র সিংহ শেখাৱতনা ঙসি, হায়বদি ওগস্ত 8, 2024দা "হর ঘর তিরঙ্গা" (HGT) কেম্পেনগী অহুমশুবা ইদিসন অসি ওগস্ত 9দগী 15, 2024 ফাওবা নীংতম নুমিৎকী থৌরমগী শরুক অমা ওইনা পাংথোক্কনি হায়না লাউথোকখ্রে। ঙসি নই দিল্লীদা পাংথোকপা প্রেস কনফরেন্স অমদা ৱা ঙাংলদুনা মন্ত্রীনা হায়খি মদুদি ভারত মচা খুদিংমকপু জাতিগী ফিরাল, তিরঙ্গা চীংখৎনবা পুক্নিং থৌগৎতুনা প্রজাশিংগী মরক্তা লৈবাক নীংবা অমসুং লৈবাক্কী চাউথোকচবগী ৱাখল্লোন পোকহন্নবগী পান্দমদা খোংথাং অসি লৌখৎলি। মন্ত্রীনা প্রজাশিংদা মখোয়গী ময়ুমদা তিরঙ্গা চীংখৎনবা অমসুং তিরঙ্গাগা লোয়ননা সেল্ফি অমা নমদুনা harghartiranga.comদা অপলোদ তৌনবা তকশিনখি।

থৌরম অদুদা ৱা ঙাংলদুনা মন্ত্রীনা হায়খি মদুদি 2022দা আজাদী কা অমৃত মহোৎসবকী মখাদা হৌদোকখিবা "হর ঘর তিরঙ্গা" কেম্পেন অসি লৈবাক শীনবা থুংনা খুন্নাইগী তোঙান তোঙানবা শরুকশিংনা য়ানরবা মীয়ামগী ইহৌ অমা ওইরক্লি। 2022দা, লৈবাক অসিগী ফিরাল অসি য়ুম করোর 23 হেনবদা চীংখৎখি অমসুং মীওই করোর 6না harghartiranga.comদা ফিরালগা লোয়ননা সেল্ফি অপলোদ তৌখি। 2024দা, HGT কেম্পেনগী মখাদা সেলফি করোর 10 হেন্না অপলোদ তৌখি।

মন্ত্রীনা মখা তানা হায়খি মদুদি রাজ্য অমসুং য়ুনিয়ন তেরিতোরী পুম্নমক্না থৌরম অসিদা থৱায় য়াওনা শরুক য়াদুনা কেম্পেন অসি মাই পাকহনগনি। ই-কমর্স প্লেতফোর্মশিং, রেলৱেজশিং, সিভিল এভিএসন সেক্তরশিং, ইন্দিয়ন আর্মদ ফোর্সেস, অমসুং সেন্ত্রেল আর্মদ পুলিস ফোর্সেস (CAPF) নচিংবা মরুওইবা ইন্দস্ত্রী পার্তনরশিংনা ঈ-পাউ শন্দোকপদা অমসুং কেম্পেন অসি প্রমোৎ তৌবদা থৌদাং লৌরি। লৈবাক শীনবা থুংনা সেল্ফ হেল্প গ্রুপশিংনা অচৌবা থাক্তা ফিরাল পুথোকপা অমসুং ফংহনবদা থৌদাং লৌরি। অসিগুম্বা পুন্না হোৎনমিন্নবা অসিনা জাতিগী ফিরালবু ইকায় খুম্নবা উৎপগী মঙলান অসি মঙফাওনহল্লগনি অমসুং ভারতকী মীয়ামগী, ভারতকী মীয়ামনা অতোপ্পা মাইলস্তোন ফংবগী পালন অমা ওইহল্লগনি হায়না মহাক্না মখা তাখি।

অহেনবা অকুপ্পা মরোল পীরদুনা শ্রী শেখাৱতনা হায়খি মদুদি হর ঘর তিরঙ্গাগী থৌরমগী শরুক অমা ওইনা লৈবাক শীনবা থুংনা তোঙান তোঙানবা থবক থৌরম কয়া পাংথোক্লি। মখোয়শিং অদুদি:

• তিরঙ্গা রন্স: লৈবাক নীংবগী ৱাখল্লোন থৌগৎনবা লৈবাক শিনবা থুংবদা লৈরিবা সহর কয়াদা পাংথোক্কনি।
• তিরঙ্গা কন্সর্তশিং: ঐখোয়গী নেস্নেল হেরিতেজ সেলেব্রেৎ তৌনবা লৈবাক নীংবা ঈশৈশিং য়াওবা ঈশৈ নোংমাইগী থৌরমশিং।
• স্ত্রীত প্লে (নুক্কাদ নাতক): অপুনবা অমসুং লৈবাক নীংবগী পাউজেল শন্দোক্নবগীদমক লৈকাইশিংদা পর্ফোমেন্সশিং পাংথোকপা।
• পেন্তিং কম্পিতিসন: নহাশিং অমসুং অঙাংশিংবু মখোয়গী লৈবাক অদুগীদমক মখোয়গী নুংশিবা অদু আর্তিস্তিক ওইবা মওংদা ফোঙদোকপদা শরুক য়াহনবা।
• তিরঙ্গাগী ইভোলুসনগী মতাংদা উৎলিবা একজিবিসনশিং: নেস্নেল ফ্লেগকী পুৱারী অমসুং মরুওইবা উৎলি।
•  ফ্লাশ মোব: মীয়াম তিনবা মফমশিংদা লৈবাক্কী চাউথোকচবা উৎলি।

তিরঙ্গা বাইক রেল্লী

কেম্পেন অসিগী মরুওইবা শরুক অমা হায়রগদি ওগস্ত 13গী অয়ুক্কী পুং 8 তাবদা দিল্লীদা পাংথোক্কদৌরিবা পার্লিয়ামেন্তকী মেম্বরশিং য়াওবা অখন্নবা তিরঙ্গা বাইক রেল্লী অসিনি। রেল্লী অসি ভারত মন্দপম, প্রগতি মৈদান, ন্যু দিল্লীদগী হৌরগনি অমসুং ইন্দিয়া গেত ফাওদুনা মেজর ধ্যান চান্দ স্তেদিয়মদা লোইশিনগনি।

https://video.twimg.com/ext_tw_video/1821513378604384256/pu/vid/avc1/522x270/-df8ehypglCqKs3Z.mp4?tag=12

2024গী জুলাই 28দা মহাক্কী খ্বাইদগী নৌবা মন কী বাতকী তাঙ্কক্তা প্রধান মন্ত্রীনা প্রজাশিংদা নীংতম্বা নুমিৎ পালন তৌবা ওইনা মখোয়গী য়ুমদা তিরঙ্গা চীংখৎনবা অমসুং হৌখিবা চহি অনি অসিদা মীয়াম্না শরুক য়াখিবা 'হর ঘর তিরঙ্গা'গী চৎনবী অসি মখা চত্থনবা হায়খি।

https://drive.google.com/file/d/10hbJ-LDm0ZQ0D9G0AWv1LTj1mDTqO-O9/view?usp=sharing

তিরঙ্গাগী ইভোলুসন:

https://drive.google.com/file/d/1UrDUw_KuHZ7NoLRVhtaRLSBtukE6M3SM/view?usp=drive_link

অহেনবা ৱারোলগীদমক মসিদা চংবীয়ু harghartiranga.com

***