ভারত লৈঙাক্কী ত্রাইবেল এফ্যার্স মন্ত্রালয়না, ‘সেমিকন্দক্তর ফেব্রিকেসন এন্দ কেরেক্তরাইজেসন ত্রেনিং ফোর স্তুদেন্তস ফ্রোম ত্রাইবেল কম্ম্যুনিতী’ হায়রিবা প্রোজেক্ত অসি পায়খৎনবগীদমক শেন্বা চহি ২০২৩-২৪ মনুংদা ত্রাইবেল রীছর্চ ইনফোর্মেসন, এজুকেসন, কম্ম্যুনিকেসন এন্দ ইভেন্তস (তি.আর.আই.-ই.সি.ই.) হায়রিবা সেন্ত্রেল সেক্তর স্কীমগী মখাদা সেন্তর ফোর নেনো সাইন্স এন্দ ইঞ্জিনিয়রিং, ইন্দিয়ন ইন্সতিত্যুৎ ওফ সাইন্স (আই.আই.এস.সি.) বেঙ্গলুরুদা শিন্নখ্রে‍। প্রোজেক্ত অসিনা চহি অহুমগী মনুংদা সেমিকন্দক্তর তেক্নোলোজীগী লমদা এন.এস.ক্যু.এফ.-সর্তিফাইদ লেভেল ৬.০ অমদি ৬.৫গী ত্রেনিং ২১০০ পীননবা পান্দম থম্লি‍।

ত্রাইবেল এফ্যার্স মন্ত্রালয়না আই.আই.এস.সি. বেঙ্গলোরগা খুৎশম্নদুনা মথঙগী চহি অহুমগী মনুংদা সেমিকন্দক্তর তেক্নোলোজীগী লমদা ত্রাইবেল মহৈরোয় ১৫০০দা বেসিক ত্রেনিং অমসুং ৬০০তা এদভান্স ত্রেনিং পীগনি‍। ইঞ্জিনিয়রিং সবজেক্ত অমদা দিগ্রী পায়বা ত্রাইবেল মহৈরোয় পুম্নমক প্রোগ্রাম অসিগীদমক থারকপা য়াই‍।

আই.আই.এস.সি. বেঙ্গলুরুনা পাউদম্লকপগী মতুং ইন্না, ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয় (মৈতী)না সেমিকন্দক্তর তেক্নোলোজীদা ত্রেনিং পীনবগীদমক অচৌবা নেও সেন্তর (আই.আই.এস.সি. য়াওরগা) শেমগৎলে‍। নেনো সেন্তরশিং অসিদা পীগদৌরিবা দিগ্রী প্রোগ্রামশিং অসিদা রিজর্বেসন পোলিসীগী মতুং ইন্না ত্রাইবেল কম্ম্যুনিতীগী মীওইশিং য়াওরি‍। দিগ্রী প্রোগ্রামশিং অসিগী মথক্তা নেনো সেন্তরশিং অসিনা আই.এন.য়ু.পি. প্রোগ্রামগী https://inup-i2i.in/inup_wrapper/home.php মখাদা সোর্ত তর্ম ত্রেনিং প্রোগ্রামশিংসু পাঙথোকই‍। অদুম ওইনমক, মোতাগী প্রোগ্রামশিং অসিনা ত্রাইবেল ফুরুপশিংদা অখন্ননা পাঙথোকপা অহান্বা ত্রেনিং প্রোগ্রাম্নি‍।

ৱাফম অসি ঙসি লোক সভাদা ত্রাইবেল এফ্যার্সকী কেন্দ্রগী রাজ্য মন্ত্রী, শ্রী দুর্গাদাস উইকেনা অইবা পাউখুম ওইনা পীদুনা ফোঙদোকখিবনি‍।

*****