কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি চান্দিগরদা অনৌবা ক্রিমিনেল লো অহুমগী ই-সক্ষ্যা, ন্যায় সেতু, ন্যায় শ্রুতি অমসুং ই-সম্মন এপ লোঞ্চ তৌখ্রে। থৌরম অসিদা পঞ্জাবকী রাজ্যপাল অমসুং চান্দিগরগী এদমিনিস্ত্রেতর, শ্রী গুলাব চান্দ কাতারিয়া অমসুং কেন্দ্রগী হোম সেক্রেতরী অসিদা শরুক য়াখি।

মহাক্কী ৱারোলদা, শ্রী অমিত শাহনা হায়খি মদুদি ঙসি মফম অসিদা লৈরিবা মীপুম খুদিংমক্না 21শুবা চহিচাগী খ্বাইদগী চাউবা রিফোর্ম অমা ইমপ্লিমেন্ত তৌরিবা অসি উবা ফংলি। মহাক্না হায়খি প্রধান মন্ত্রী শ্রী নরেন্দ্র মোদীজীনা পুরকপা অনৌবা আইন অহুম - ভারতীয় ন্যায় সনহিতা (BNS), ভারতীয় ন্যায় সুরক্ষা সনহিতা (BNSS), অমসুং ভারতীয় সক্ষ্যা অধিনিয়ম (BSA) -দা ভারতকী মশক অমসুং ঐখোয়গী অচুম্বা ৱায়েলগী ৱাখল্লোন য়াওরি। মহাক্না হায়খি মদুদি মীওই খুদিংমক্তা অচুম্বা ৱায়েল পীবা অসি সংবিধানগী থৌদাংনি অমসুং ঐখোয়গী ক্রিমিনেল জস্তিস সিস্তেম অসিনা সংবিধানগী ৱাখল্লোন অসি তশেং তশেং ওইহন্নবা পাম্বৈনি।

চহি 150গী মমাংদা শেমখিবা আইনশিং ঙসিসু চৎনবা য়ারোই হায়না কেন্দ্রগী গৃহ মন্ত্রীনা হায়খি। মহাক্না হায়খি মদুদি 1860গী পান্দমশিং অমসুং ঙসিগী ভারত, অমসুং মতম অদুগী লৈঙাকপশিংগী অপাম্বশিং অমসুং ঙসিগী ঐখোয়গী সম্বিধানগী পান্দমশিংগী মরক্তা অচৌবা খেন্নবা অমা লৈরি, অদুবু ইমপ্লিমেন্তেসনগী মেকানিজমদি চপ মান্নরি। মহাক্না হায়খি মদুদি চহি কয়াগী মমাংদগী, মীওইশিংনা অচুম্বা ৱায়েল ফংখিদে, মদুগী মহুত্তা অচুম্বা ৱায়েলগী পথাপ অসি হিয়ারিংগী অনৌবা তাংশিং পীবগীদমক ‌ওইরম্মি। শ্রী শাহনা মখা তাখি মদুদি তপ্না তপ্না ঐখোয়গী সিস্তেমশিংদা মীয়াম্না থাজবা থম্লিবা অসি হন্থরক্লি। মসিনা মরম ওইদুনা মোদী সরকারনা IPCগী মহুত্তা BNS., CrPCগী মহুত্তা BNSS অমসুং ইভিদেন্স এক্তকী মহুত্তা BSA চৎনহন্নবা থবক পায়খৎলি হায়না মহাক্না হায়খি।

শ্রী অমিৎ শাহনা হায়খি মদুদি প্রধান মন্ত্রী শ্রী নরেন্দ্র মোদীনা লাল কিলাগী ফম্পাক্তগী পঞ্চপ্রনগী মতাংদা ৱা ঙাংখি। মসিগী মনুংদা মীখা পোল্লম্বগী খুদম খুদিংমক মুত্থৎপনি। মহাক্না হায়খি মদুদি BNS, BNSS অমসুং BSA অসি ভারতকী পার্লিয়ামেন্তদা মীয়ামগী মীহুৎশিংনা অমসুং ভারতকী মীয়ামগীদমক শেমখিবা আইনশিংনি। শ্রী শাহনা হায়খি মদুদি অনৌবা আইনশিং অসিদা পেনল কোদ নত্তনা 'ন্যায় সনহিতা' ওইদুনা, মীয়ামদা অচুম্বা ৱায়েল পীনবা পান্দম থম্লি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি আইনশিং অসি মপুং ফানা চৎনরবা মতুংদা, ভারতনা মালেম পুম্বদা খ্বাইদগী মোদর্ন অমসুং তেক্নোলোজী-ইনেবল ক্রিমিনেল জস্তিস সিস্তেম অমা লৈগনি। মসিগীদমক, গৃহ মন্ত্রালয়না থাক কয়াদা ত্রেনিং অমসুং স্কিল দিবেলপমেন্তগীদমক থৌরাং তৌরি হায়না মহাক্না হায়খি। মহাক্না হায়খি মদুদি আইনশিং অসি শেমদ্রিঙৈগী মমাংদা ফোরেন্সিক সাইন্স য়ুনিভর্সিতী অমা লিংখৎনবা ৱারেপ লৌখি অমসুং ঙসি লৈবাক অসিগী রাজ্য 8দা ফোরেন্সিক সাইন্স য়ুনিভর্সিতীশিং মথৌ তৌরি অমসুং ফোরেন্সিক এক্সপর্তশিং ফংহনবা হৌরে। মহাক্না হায়খি মদুদি ফোরেন্সিক সাইন্স য়ুনিভর্সিতীশিং অসি অতোপ্পা রাজ্য 8দা হাংদোক্লগনি। মসিনা চহি খুদিংগী ফোরেন্সিক এক্সপর্ত 36,000 পুথোক্লগনি।

শ্রী অমিৎ শাহনা হায়খি মদুদি আইনশিং অসিনা চহি তরেৎ নৎত্রগা মসিগী মথক্তা চৈরাক পীবা ওফেন্সশিংদা ফোরেন্সিক তীম অমনা তঙাইফদনা চৎকদবনি অমসুং তেক্নিকেল ইভিদেন্সনা কনভিক্সনগী প্রুফ হেনগৎহনবদা মতেং পাংগনি। মহাক্না হায়খি মদুদি হায়রিবা কেসশিং অসিদা দিরেক্তর ওফ প্রোসিক্যুসন অমা শেমখ্রে। মহাক্না প্রোসিক্যুসনগী থৌওং পুম্নমক লেপ্তনা য়েংশিনগনি। মহাক্না হায়খি মদুদি দিস্ত্রিক্ত অমসুং তেহসিলগী থাক ফাওবদা দাইরেক্তর ওফ প্রোসিক্যুসনগী অপুনবা চেন শেমখ্রে অমসুং মখোয়গী শক্তিশিংসু লেপখ্রে।

কেন্দ্রগী গৃহ মন্ত্রীনা হায়খি মদুদি মসিগী মপুং ফানা ইমপ্লিমেন্ত তৌনবগীদমক ঐখোয়গী সিস্তেম পুম্নমক্কী তেক্নিকেল কেপাসিতী হেনগৎহনগদবনি। মহাক্না হায়খি মদুদি ঙসি ই-সাক্ষ্যা, ন্যায় সেতু, ন্যায় শ্রুতি অমসুং ই-সম্মন এপশিং হৌদোক্লে। মহাক্না হায়খি মদুদি ই-সাক্ষ্যগী মখাদা, ভিদিওগ্রাফী, ফোতোগ্রাফী অমসুং তেস্তিমোনী পুম্নমক ই-ইভিদেন্স সর্ভরদা সেভ তৌরগনি। মসি কোর্ৎশিংদা খুদক্তা ফংহনগনি। ই-সমনগী মখাদা, মসি কোর্ত্তগী পুলিস স্তেসনদা অমসুং সম্মন অসি পীনগদৌরিবা মীওই অদুদা ইলেক্ত্রোনিক ওইনা থাগনি। পুলিস, মেদিকেল, ফোরেন্সিক, প্রোসিক্যুসন অমসুং জেলশিং অসি ন্যায় সেতু দেশবোর্দতা অমগা অমগা শম্নহল্লি। মসিনা পুলিসতা থিজিন-হুমজিনগা মরী লৈনবা ঈ-পাউ পুম্নমক ক্লিক অমখক্তদা পীগনি। নিয়া শ্রুতীগী খুত্থাংদা, কোর্তনা ভিদিও কনফরেন্সিংগী খুত্থাংদা ৱাকৎশিং ঙাংবা ঙমগনি। মসিনা মতম অমসুং শেল কনবা ঙমগনি অমসুং কেসশিং অসি হেন্না থুনা লোইশিন্নবা ঙমগনি।

শ্রী অমিৎ শাহনা হায়খি মদুদি মোদী সরকারনা অনৌবা আইন অহুম অসি নীংথিনা চৎনহন্নবা থৌরাং কয়া লৌখৎলে। CCTNSদগী হৌরগা SHOশিং ত্রেনিং পীনবা অমসুং FSL ইন্তিগ্রেসন তৌবা অসিগুম্বা থবক কয়া তৌখি হায়না মহাক্না হায়খি। তেক্নোলোজী অসি সিস্তেম অসিগী মরুওইবা য়ুম্বী ওইরে হায়না মহাক্না হায়খি। মহাক্না হায়খি মদুদি চান্দিগর খক্তদা ITx স্পিসিয়েলিস্ত 22 অমসুং দেতা এনালাইসিস্ত 125 থম্লে। পুলিস স্তেসন খুদিংমক্তা অনৌবা কম্প্যুতর 107, স্পিকর অমসুং ৱেব কেমেরা অনি থম্লে, তেবলেৎ 170, মোবাইল ফোন 25 অমসুং অনৌবা IT কনস্তেবল রিক্রুৎ তৌখি। শ্রী শাহনা হায়খি মদুদি অনৌবা ক্রিমিনেল লোশিং 100% চৎনহনগদবা লৈবাক অসিগী অহানবা এদমিনিস্ত্রেতিব য়ুনিৎ চান্দিগর ওইগনি। শ্রী শাহনা হায়খি মদুদি 'সেল্ফ'তগী 'সেল্ফলেসনেস' ফাওবা স্বামী বিবেকানন্দগী তম্বীরমশিং অসি তুং কোইনা চৎপা মীওইশিং অদুদি অশেংবা লৌশিং লৈবা মীওশিংনি অমসুং ঐখোয়গী সাইবর-লান্মীশিংনা মসি মঙফাওনবা ঙম্নবা হোৎনরি।

কেন্দ্রগী গৃহ মন্ত্রীনা হায়খি মদুদি দ্রগ এদিক্সনগী মায়োক্তা ঐখোয়গী কেম্পেন অসি সরকারগী কেম্পেন অমা খক্তা নত্তে অদুবু মসি ঐখোয়গী অনৌবা জেনরেসন অসিবু দ্রগ এদিক্সনদগী লৌথোক্নবা কেম্পেন অমনি। মহাক্না হায়খি মদুদি দ্রগকী খুদোংথীবা মায়োক্নরিবা মীওইশিং অমসুং মখোয়গী ইমুং-মনুংগী মীওইশিংগী অৱাবা অদু কোকহন্দুনা ঐখোয়না লাইচৎ অসি লায়েংগদবনি অমসুং মসিগী মতাংদা এৱেরনেস শন্দোক্কদবনি।

শ্রী অমিত শাহনা হায়খি মদুদি অনৌবা আইন অহুম অসিগী খুত্থাংদা, ভারতকী ক্রিমিনেল জস্তিস সিস্তেম অসি 21শুবা চহিচাগী খ্বাইদগী চাউবা রিফোর্ম অমা উবা ফংলি। তেক্নোলোজী অসি লাক্কদৌরিবা চহি 50গী দরকার ওইবশিং অদু ফংহন্নবগীদমক্তা হায়রিবা আইনশিং অসিদা য়াওহনখ্রে হায়না মহাক্না হায়খি। শ্রী শাহনা হায়খি মদুদি নাগরিক-সেন্ত্রিক ওইবা আইনশিং অসি ঐখোয়গী সংবিধানগী ৱাখল্লোনগী মতুং ইন্না শেম্লে অমসুং মখোয় অসি মপুং ফানা চৎনরবা মতুংদা চহি অহুমগী মনুংদা সুপ্রিম কোর্ত ফাওবা ৱায়েল পীবা ঙমগনি।

কেন্দ্রগী গৃহ মন্ত্রীনা হায়খি মদুদি নাগরিকশিংনা হোম এফিয়র্স মন্ত্রালয়, রাজ্য সরকারশিং নৎত্রগা জজশিংগুম্না হায়রিবা আইনশিং অসিগী মরমদা খঙহনবা হায়বসি মখোয়গী থৌদাংনি। গৃহ মন্ত্রালয়না চন্দীগরগী মীয়ামদা হায়খি মদুদি আইনশিং অসিগী মতাংদা শন্দোক্লিবা অরানবা ৱাখল্লোনশিং অসিগী মতাংদা ভারত সরকারগী হোম এফিয়র্স মন্ত্রালয় নত্ত্রগা চন্দীগর এদমিনিস্ত্রেসনদগী ওফিসিএলগী ওইবা ক্লিয়ারেন্স লৌনবা হায়খি। মহাক্না মীপুম খুদিংমক্তা হায়জখি মদুদি অরানবা ৱাফমশিংদগী লাপ্না লৈবীয়ু অমসুং আইনশিং অসি চৎনহন্নবগী মায়কৈদা থৌনা লৈনা অমসুং কন্সত্রক্তিব ওইবা থৌদাং লৌবীয়ু হায়না ফোঙদোকখি।

*****