పారిస్ ఒలింపిక్స్‌లో భారత షూటింగ్ జట్టు అద్భుతమైన ప్రదర్శనకు గుర్తింపుగా, దేశానికి తిరిగి వచ్చిన ఆరుగురు అత్యుత్తమ షూటర్లను కేంద్ర యువజన వ్యవహారాలు, క్రీడలు, కార్మిక, ఉపాధి శాఖ మంత్రి డాక్టర్ మన్సుఖ్ మాండవీయ తో పాటు కేంద్ర యువజన వ్యవహారాలు, క్రీడల శాఖ సహాయ మంత్రి శ్రీమతి రక్షా ఖడ్సే  సత్కరించారు. మను భాకర్‌తో కలిసి 10 మీటర్ల ఎయిర్ పిస్టల్ మిక్స్‌డ్ టీమ్ ఈవెంట్‌లో సరబ్జోత్ సింగ్ కాంస్య పతకాన్ని సాధించడం ఈ ఈవెంట్‌లోని హైలైట్.

యువజన వ్యవహారాలు, క్రీడల మంత్రిత్వ శాఖ నగదు అవార్డు పథకంలో భాగంగా డాక్టర్ మాండవియా ద్వారా సరబ్జోత్ సింగ్‌కు రూ. 22.5 లక్షల చెక్కును అందించారు. ఈ కార్యక్రమంలో అర్జున్ బాబుటా, రమితా జిందాల్, రిథమ్ సాంగ్వాన్, సందీప్ సింగ్, అర్జున్ సింగ్ చీమా, అలాగే వారి కోచ్‌లు సుమా షిరూర్, సమేష్ జంగ్, సరబ్జోత్ వ్యక్తిగత కోచ్ అభిషేక్ రాణా సహకారాన్ని కూడా ప్రభుత్వం గుర్తించింది. ముఖ్యంగా, పురుషుల 10 మీటర్ల ఎయిర్ రైఫిల్ ఈవెంట్‌లో అర్జున్ బాబుటా తృటిలో పోడియం ముగింపును కోల్పోయి 4వ స్థానంలో నిలిచాడు. 

సన్మాన కార్యక్రమంలో డాక్టర్ మాండవీయ మాట్లాడుతూ క్రీడాకారులను ప్రశంసించారు. “మీలో ప్రతి ఒక్కరూ ఛాంపియన్‌లే. మీలో కొందరికి తృటిలో పతకాన్ని కోల్పోయారనే వాస్తవాన్ని అర్థం చేసుకోవడం చాలా కష్టమని నాకు తెలుసు, కానీ ఆ నష్టం ఆట పట్ల మీ అభిరుచిని తగ్గించుకోవద్దు. బదులుగా, భవిష్యత్తులో జరిగే పోటీల్లో రాణించడానికి మీ ప్రేరణను అందించనివ్వండి." అని అన్నారు. 

డాక్టర్ మాండవీయ ఖేలో ఇండియా కార్యక్రమం ప్రభావాన్ని ప్రస్తావిస్తూ, “ఈసారి, 117 మంది అథ్లెట్లలో, 70 మంది మొదటిసారి ఒలింపిక్స్‌లో పాల్గొంటున్నారు, ఇది మన దేశంలో కొత్త ప్రతిభను ప్రదర్శిస్తోంది. ఈ 117 మంది అథ్లెట్లలో, 28 మంది ఖేలో ఇండియా నుండి వచ్చారు. ఇప్పుడు టార్గెట్ ఒలింపిక్ పోడియం పథకంలో భాగమయ్యారు. దీనర్థం అట్టడుగు స్థాయి నుండి ఉన్నత స్థాయి వరకు, వారు స్థిరంగా పనిచేశారు, రెండు పథకాల నుండి మద్దతు పొందారు" అని కేంద్ర మంత్రి స్పష్టం చేసారు. 

అథ్లెట్ల కృషి, అంకితభావాన్ని డాక్టర్ మాండవ్య ప్రస్తావిస్తూ, “ సరబ్‌జోత్ ఈ పిరమిడ్ నిర్మాణానికి ప్రతిరూపం - ఖేలో ఇండియా టు టార్గెట్ ఒలింపిక్ పోడియం స్కీమ్ టు ఒలింపిక్ పోడియం ఫినిష్. కానీ మద్దతు మాత్రమే ఫలితాలకు హామీ ఇవ్వదు - ఇది అథ్లెట్ల కృషి, వారి తల్లిదండ్రులు, కోచ్‌లు, వారి చుట్టూ ఉన్నవారి ప్రేరణ, వారి తుది విజయాన్ని నిర్ధారిస్తుంది" అని చెప్పారు.

కాంస్య పతక విజేత  సరబ్‌జోత్  2019 నుండి ఖేలో ఇండియా స్కాలర్‌షిప్ అథ్లెట్‌గా ఉన్నారు. అర్జున్ చీమా, రిథమ్ సాంగ్వాన్, అర్జున్ బాబుటా, రమిత కూడా ఈ పథకం నుండి లబ్ది పొందారు, టార్గెట్ ఒలింపిక్ పోడియం స్కీమ్‌కి మారారు. 

భారతీయ క్రీడా పర్యావరణ వ్యవస్థలో నిరంతరం పురోగమిస్తున్న అభివృద్ధిని డాక్టర్ మాండవ్య వివరిస్తూ, “గౌరవనీయ ప్రధాన మంత్రి శ్రీ నరేంద్ర మోదీ 2047 నాటికి భారతదేశాన్ని అభివృద్ధి చెందిన దేశంగా తీర్చిదిద్దాలని భావించారు, క్రీడలు ఇందులో పెద్ద పాత్ర పోషిస్తాయి. 2047 నాటికి, స్పోర్ట్స్ ఎకోసిస్టమ్స్ పరంగా ప్రపంచంలోని టాప్ 5లో భారతదేశం కూడా ఉంటుంది" అని తెలిపారు.  

"దేశవ్యాప్త స్పోర్ట్స్ టాలెంట్ డ్రైవ్ అయిన కీర్తి (ఖేలో ఇండియా రైజింగ్ టాలెంట్ ఇనిషియేటివ్) వంటి కార్యక్రమాలు అట్టడుగు స్థాయి నుండి భవిష్యత్ ఒలింపియన్‌లను గుర్తించడంలో గేమ్ ఛేంజర్‌గా ఉంటాయి" అని ఆయన చెప్పారు.

ఇంటరాక్షన్ సందర్భంగా, షూటర్లు పారిస్ ఒలింపిక్స్‌లో తమ అనుభవాలను పంచుకున్నారు. ప్రస్తుతం భారతదేశంలో అందుబాటులో ఉన్న మౌలిక సదుపాయాలు, స్పోర్ట్స్ సైన్స్, కోచింగ్‌తో సహా ప్రపంచ స్థాయి సౌకర్యాలను ప్రశంసించారు. పారిస్ ఒలింపిక్స్‌కు తమ ప్రయాణంలో ప్రభుత్వం నుండి వస్తున్న గొప్ప సహకారాన్ని కూడా వారు వివరించారు.

***