প্রধান মন্ত্রীদা প্রিন্সিপাল সেক্রেতরী ওইনা লৈরিবা হিস এক্সিলেন্সী পি.কে. মিশ্রা অমসুং সৌদি এনর্জী মন্ত্রী হিস রোয়েল হায়নেস প্রিন্স অবদুলঅজিজ বিন সলমান বিন অবদুলঅজিজ অল সৌদনা সভাপতি ওইমিন্নদুনা ঙসি ভর্চুএল মোদতা ইনভেস্তমেন্তকী মতাংদা ভারত সৌদি অরাবিয়া হায় লেভেল তাস্ক ফোর্সকী অহানবা মীফম অমা পাঙথোকখি।

নাকল অনিনা তাস্ক ফোর্স অসিগী তেক্নিকেল তার্মশিংগী মতাংদা খন্নখিবশিং নৌনা য়েংশিনখি।

নাকল অনিমক্তগী রিফাইনিং অসুং পেত্রোলিয়ম প্লান্ত, ন্যু অমসুং রিন্যুএবল এনর্জী, পাৱর, তেলিকোম, ইন্নোভেসন অমসুং অতৈ হীরম কয়া য়াওনা পব্লিক অমসুং প্রাইবেত সেক্তরগী হীরমদা লৈবা লৈবাক অনিগী ইনভেস্তমেন্তকী মতাংদা লৈবা খুদোংচাবশিং থিদোক্নবা খন্নখি।

নাকন অনিমক্না কান্নবা ফংমিন্নবা য়াবা ইনভেস্তমেন্ত চাউখৎহন্নবা খোংথাংশিং কুপ্না য়েংশিনখি।

ক্রাউন প্রিন্স অমসুং সৌদি অরাবিয়াগী প্রধান মন্ত্রীনা লাকপা মতমদা লেপ্নখিবা ভারত সরকারনা য়ু.এস. $ ১০০ বিলিয়নগী ওর্দরগী সৌদি ইনভেস্তমেন্ততা চাউনা শৌগৎকনি হায়বগী থাজবা প্রধান মন্ত্রীদা লৈবা প্রিন্সিপাল সেক্রেতরীনা হন্না ফোংদোকখি।

নাকল অনিমক্কনা নাকল অনিমক্কী লৈরিবা তেক্নিকেল তীমশিংগী মরক্তা চাং নাইনা তান্নদুনা অখন্নবা ইনভেস্তমেন্তকী মতাংদা য়ানবা অমা পুরক্নবা অমসুং মাংজিল থানা পুখৎতুনা খন্ননৈননবা য়ানখি। সেক্রেতরী পেত্রোলিয়মনা লুচিংবা শক্তি লৈরবা দেলিগেসন অমনা থাউ অমসুং গ্যাসকী সেক্তরদা নাকল অনিমক্না কান্নবা য়াবা মওংদা খন্ননৈনবগী মখা চত্থবা ওইনা সৌদি অরাবিয়াদা চৎকনি। সৌদি নাকলদসু ভারত্তা সোভরিন ৱেল্থ ফন্দ পি.আই.এফ.কী লোইশঙ অমা লিংখৎনবী চেবাউ পীখি।

প্রিন্সিপাল সেক্রেতরীনা সৌদি অরাবিয়াগী এনর্জী মন্ত্রীবু ভারত্তা অৱাংবা থাক্কী তাস্ক ফোর্সকী মথংগী মীফমগীদমক লাকপীনবা হায়জখি।

অৱাংবা থাক্কী তাস্ক ফোর্স অসি প্রধান মন্ত্রী শ্রী নরেন্দ্র মোদী অমসুং ক্রাউন প্রিন্স অমসুং প্রধান মন্ত্রী হিস রোয়েল হায়নেস প্রিন্স মোহম্মেদ বিন সলমান বিন অবদুলঅজিজ অল সৌদনা ভারত্তা সেপ্তেম্বর ২০২৩দা লেঙলক্লম্বদা খন্নখিবগী মতুং ইন্না শেম্বা অখন্নবা লৈবাক অনিগী ইনভেস্তমেন্তকী মতাংদা চংশিন্নবা শেম্বা অখন্নবা বোদী অমনি। মসিদা ভারত্তগী সি.ই.ও. নিতি আয়োগ, একনোমিক এফিয়র্সকী সেক্রেতরী, কম্মর্স, এম.ই.এ., দি.পি.আই.আই.তি., পেত্রোলিয়ম অমসুং নেচরেল গ্যাস, পাৱর য়াওনা নাকল অনিমক্তগী মকোক থোংবা ওফিসিএলশিং য়াওরি।

***