‘কার্গিল ৱিজয় দিৱস’কী সিলভর জুবিলীগী থৌরমদা, “কার্গিল ৱিজয় দিৱস: রজত জয়ন্তি,” হায়না মিংথোনবা একজিবিশন অমা ঙসি নই দিল্লীগী সিরি ফোর্ত ওদিতোরিয়মদা হৌদোকখ্রে। ইনফোর্মেশন অমসুং ব্রোদকাস্তিং মন্ত্রালয়গী সেন্ত্রেল ব্যুরো ওফ কম্যুনিকেশননা শিনখি, একজিবিশন অসি 2024গী জুলাই 26তগী 2024গী জুলাই 31 ফাওবা অয়ুক্কী পুং 10.00 দগী নুমিদাংৱাইরমগী পুং 6.00  ফাওবা নই দিল্লীগী ওগস্ত ক্রান্তি মার্গতা সিরি ফোর্ত ওদিতোরিয়মদা পাংথোক্লগনি। অহৌবগী থৌরম অদু অতোপ্পা ভিজিতর কয়া অমগা লোইন-লোইননা মশিং য়াম্লবা স্কুলগী মহৈরোইশিংনা মিৎয়েং তাখি।

একজিবিশন অসিগী পান্দমদি লৈবাক অসিগী সোভরেন্তীবু ঙাক-শেন্দুনা কার্গিল লান্দা উৎখিবা থোইদোক-হেন্দোকপা মথৌনা অমসুং কত্থোকপা অদুবু উৎলদুনা মথৌনা-মরিংজেল লৈরবা লান্মীশিংদা হৈকৎ-লৈকৎ তম্বনি। মসিনা পুৱারিগী ফোতোগ্রাপশিং, ভীদিওশিং, ইন্তরেক্তিব দিসপ্লেশিং উৎলি, স্কুলগী মহৈরোইশিংগীদমক্তা ক্বিজ কমপিতিশন অমা অমসুং স্কুল কয়া অমদা এসে কম্পিতিশনশিং পাথোকই, মসিনা এখোয়গী আর্মদ ফোর্সশিংনা কত্থোকখিবশিং অদুগী মতাংদা লৌশিং কয়া অমা পী।

একজিবিশন অসিনা পেত্রোতিজম ৱাখল্লোন শাগৎলগনি অমসুং এখোয়গী আর্মদ ফোর্সশিংনা লৌখিবা থৌদাংশিং অদুবু হেন্না মমুৎ তানা খঙহল্লগনি। মসিনা স্কুল করিক্যুলা অমসুং ভেল্যুশিং অদুগা মরি লৈনবা য়াম্না মমল য়াম্লবা এজুকেস্নেল এক্সপেরিয়েন্স পীরি। মসিগী খুদোংচাবা অসিনা ভিজিতরশিংগী ৱাখল-লৌশিং হেনগৎপদা নত্তনা থৌনাফবা অমসুং অখাং কনবগী ৱারিশিং অদুনা পুক্নিং থৌগৎলি।

***