’کارگل وجے دیوس‘ کی سلور جوبلی کے موقع پر، ’کارگل وجے دیوس: رجت جینتی،‘ کے عنوان سے ایک نمائش کا آج سری فورٹ آڈیٹوریم، نئی دہلی میں افتتاح کیا گیا۔ سنٹرل بیورو آف کمیونی کیشن، وزارت اطلاعات و نشریات کے زیر اہتمام یہ نمائش 26 جولائی 2024 سے 31 جولائی 2024 تک صبح 10.00 بجے سے شام 6.00 بجے تک سری فورٹ آڈیٹوریم (مین فوئر)، اگست کرانتی مارگ، نئی دہلی میں منعقد کی جا رہی ہے۔ افتتاحی تقریب میں دیگر زائرین کے ساتھ اسکول کے طلباء کی بڑی تعداد نے شرکت کی۔

اس نمائش کا مقصد ان بہادر سپاہیوں کو خراج تحسین پیش کرنا ہے جنہوں نے کارگل جنگ کے دوران غیر معمولی بہادری اور لگن کا مظاہرہ کیا اور اس طرح ہمارے ملک کی خودمختاری کا دفاع کیا۔ یہ نمائش تاریخی تصاویر، ویڈیوز، انٹرایکٹو ڈسپلے، اسکول کے بچوں کے لیے کوئز مقابلہ اور مختلف اسکولوں میں مضمون نویسی کے مقابلوں کی نمائش کو دکھاتی ہے، جس سے ہماری مسلح افواج کی قربانیوں کے بارے میں بصیرت حاصل ہوتی ہے۔

یہ نمائش حب الوطنی کے جذبے کو پروان چڑھائے گی اور ہماری مسلح افواج کی خدمات کے بارے میں گہرا ادراک پیدا کرے گی۔ یہ اسکول کے نصاب اور اقدار کے ساتھ منسلک ایک قابل قدر تعلیمی تجربہ پیش کرتی ہے۔ یہ اہم موقع نہ صرف زائرین کے علم میں اضافہ کرے گا بلکہ انہیں بہادری اور لچک (ریزیلینس) کی کہانیوں سے بھی متاثر کرے گا۔

***

ش ح۔م م۔ م  ر

 (U: 8802)