শেল-থুম মন্ত্রালয়
কেন্দ্রগী বজেৎ 2024-25: ‘ভিকসিৎ ভারত’কী মাইকৈদা চংশিল্লিবা লম্বেল
এমপ্লোইমেন্ত গ্রোথ লৈনবগীদমক স্কিল দিবেলপমেন্ত মরু ওইনা লৌবা
Posted On:
24 JUL 2024 6:38PM by PIB Imphal
কেন্দ্রগী বজেৎ 2024-25না প্রজা পুম্নমক্তা খুদোংচাবা মরাং কাইনা ফংহন্নবা পান্দম থম্মিবা মরু ওইবা লম মপানদা মীৎয়েং থমদুনা ‘ভিকসিৎ ভারত’ ফংনবা কম্প্রিহেন্সিব স্ত্রেতেজী অমা পীরি। পুন্না থৌশিলশিং অসিনা চাউখৎপা লৈবাক অমগী থাক য়ৌনবা মাইকৈদা ভারতপু শাহৌ পীনবা দিজাইন তৌখি।
- লৌউ-শিংউদা প্রদক্তিবিতী অমসুং রেজিলিয়েন্স লৈহনবা
এমপ্লোইমেন্ত অমসুং স্কিল্লিং
- ইনক্লুসিব হ্যুমেন রিসোর্স দিবেলপমেন্ত অমসুং সোসিএল জস্তিস
- মেন্যুফেকচরিং অমসুং সর্ভিসেস
- অর্বান দিবেলপমেন্ত
- ইনর্জী সেক্যুরিতী
- ইনফ্রাস্ত্রকচর
- ইন্নোভেসন, রিসর্চ অমসুং দিবেলপমেন্ত অমদি
- নেক্স জেনরেসন রিফোর্মশিং
কেন্দ্রগী বজেৎ 2024-25না স্কিল্লিং অমসুং এমপ্লোইমেন্ত মরু ওইনা লৌবা অসিনা লৈবাক শেমগৎপদা মখোয়না লৌরিবা থৌদাং অদু মরু ওই তাক্লি। স্কিল্লিং তৌবনা ৱার্কফোর্সপু ইন্দস্ত্রীগী দিমান্দশিং থুংহন্নবা মথৌ তাবা কম্পিতেন্সীশিং লৈহন্দুনা ইন্নোভেসন অমসুং প্রদক্তিবিতী থৌগৎলি। এমপ্লোইমেন্তনা ইকনোমিক স্তেবিলিতী পুরকপদা নত্তনা মীওইশিংবু শক্তিসু পীদুনা মখোয়গী পুন্সি মহিং ফগৎহল্লি অমসুং অপুনবা খুন্নাইগী চাউখৎপদা শরুক তম্মি।
খ্বাইদগী চহি নৌরিবা পোপুলেসনগা লোয়ননা মেদিয়ন এজ 28না ওইদুনা ভারতনা ইন্দস্ত্রীগী মথৌ তাবশিংগীদমক এমপ্লোয়েবল স্কিলশিং লৈবা অমসুং শেম শাদুনা লৈবা ৱার্কফোর্স অমা য়োকখৎতুনা মাগী দেমোগ্রাফিক দিভিদেন্দ অদু শীজিন্নবা য়াগনি। ভারতকী খ্বাইদগী খোঙজেল য়াংনা হেনগৎলক্লিবা মীশিংগী চাদা 65দি অসি 35গী মখাদা লৈবা ওইরি অমসুং মখোয় কয়াদা মোদর্ন ইকনোমীদা মথৌ তাবা স্কিল কয়া য়াওদে। এস্তিমেৎশিংনা উৎখি মদুদি নহারোলগী চাদা 51.25দি এমপ্লোয়েবল ওই। অদুম ওইনমক খঙজিনবা য়াবদি হৌখিবা দিকেদতা মসিগী পর্সেন্তেজ অসি চাদা 34দগী চাদা 51.3দা হেনগৎকলকখিবনি।
সোর্স: ইন্দিয়া স্কিলস রিপোর্ত, ৱীবোক্স
সমসিনা স্কিল দিবেলপমেন্ত য়োকখৎলিবা অমসুং ভারতকী হেনগৎলক্লিবা নহা ওইবগী মীশিংদা লৈরিবা এমপ্লোয়েবিলিতী গেপ অসি মেনখৎনবা পান্দম থমখবা সরকারগী তোঙান-তোঙানবা স্কিম অমদি ইনিসিএতিবশিং খন্নহল্লি।
স্কিল দিবেলপমেন্তগী মাইকৈদা সরকারগী মীৎয়েং অমসুং কম্মিতমেন্ত
ভারত সরকারনা এমপ্লোয়েবিলিতী হেনগৎহনবা অমসুং ওন্তপ্রিনোরশিপ য়োকখৎপদা পান্দম থম্বা কম্প্রিহেন্সিব ইনিসিএতিবশিংগী খুত্থাংদা স্কিল দিবেলপমেন্ত তৌনবা মাগী অচেৎপা ফিরেপ উৎখি। কেন্দ্রগী বজেৎ 2024-25গী মখাদা শীংথানীংঙাই ওইবা হায়লাইৎ অসি রাজ্য সরকারশিং অমসুং ইন্দস্ত্রীগী চুংশিন্নবা প্রধান মন্ত্রীগী পেকেজ মখাদা অনৌবা সেন্ত্রেল্লী স্পোন্সর স্কিম অসিনি। স্কিম অসিনা চহি মঙাদা নহারোল লাখ 20 স্কিল লৈহন্নবা অমসুং ইন্দস্ত্রিএল ত্রেনিং ইন্সতিত্যুত (ITI) 1000 অপগ্রেদ তৌনবা পান্দম থমখি।
অহেনবা ওইনা মোদেল স্কিল লোন স্কিম অসি চহি খুদিংগী মহৈরোয় 25,000দা কান্নবা ফংহন্দুনা সরকারনা ঙাকলৌ পীবা গরেন্তীশিংগা লোয়ননা লুপা লাখ 7.5 ফাওবগী লোনশিং পীনবা রিভাইস তৌরগনি। হৌজিক লৈরিবা স্কিমশিংগীদমক ইলিজিবল ওইদবা মীওইশিংদা দোমেস্তিক ইন্সতিত্যুসনশিংদা হায়র এজুকেসন তম্নবগীদমক লুপা লাখ 10 ফাওবগী লোনশিংগী ফাইনান্সিএল সপ্পোর্ত ফংহল্লগনি, লোয়ননা চহি খুদিংগী মহৈরোয় লাখ 1গীদমক 3%গী এন্যুএল ইন্তরেস্ত সবভেন্সন পীরিবা ই-ভৌচরশিংসু পীগনি।
অনৌবা খোঙথাংশিং অসিগী মখাদা সরকারনা এস্তাব্লিশ প্রোগ্রামশিং মখা তানা সপ্পোর্ত তৌরি। নেস্নেল পোলিসী ওন স্কিল দিবেলপমেন্ত এন্দ ওন্তপ্রিনোরশিপ (NPSDE)না মখা তানা অৱাৎপা মেনগনি, ইন্দস্ত্রী এঙ্গেজমেন্ত হেনগৎহনগনি অমসুং এপ্রেন্তিসশিপকী খুদোংচাবশিং হেনগৎহনগনি। প্রধান মন্ত্রী কৌশল বিকাস য়োজনা (PMKVY)না মায়পাক্না 2015দগী মীওই করোর 1.42 হেন্না ত্রেন তৌখ্রে, স্কিল ইন্দিয়া সেন্তরশিং ওইনা এজুকেস্নেল ইন্সতিত্যুসন 1,000 ইন্তিগ্রেৎ তৌখ্রে। ক্রাফমেন ত্রেনিং স্কিম(CTS)না ITI 14,955গা লোয়ননা লোং-তর্ম ভোকেস্নেল ত্রেনিংদা মীৎয়েং থমখি, মসিনা ফিমেল পার্তিসিপেসন গ্রোথ চাউনা লৈ উৎখি। জন শিক্ষন সনস্থান (JSS)না নন/নিও-লিতরেৎশিংদা তার্গেৎ তৌদুনা FY19 দগী FY24 ফাওবদা মীওই লাখ 26.36 ত্রেন তৌখ্রে, লোয়ননা বেনিফিসরীশিং অসিগী 82% নুপীশিংনা ওইখি।
নেস্নেল এপ্রেন্তিসশিপ প্রমোসন স্কিম (NAPS)না এপ্রেন্তিস লাখ 32.39 এঙ্গেজ তৌখি অমসুং ইন্দস্ত্রী পার্তিসিপেসন হেনগৎহনখি, মসিনা ফিমেল এপ্রেন্তিসতা চাউনা গ্রোথ লৈ উৎখি। ওন্তপ্রিনোরশিপ ত্রেনিং অসি নেস্নেল ইন্সতিত্যুত ফোর ওন্তপ্রিনোরশিপ এন্দ স্মোল বিজিনেস দিবেলপমেন্ত (NIESBUD) অমসুং ইন্দিয়ন ইন্সতিত্যুত ওফ ওন্তপ্রিনোরশিপ (IIE)গুম্বা ইন্সতিত্যুসনশিংনা শাহৌ পীখি, মসিনা FY19 দগী FY24 ফাওবদা মীওই লাখ 4.64 পুন্না ত্রেন তৌখি। ওগস্ত 2023দা হৌদোকখিবা স্কিল ইন্দিয়া দিজিতেল হবনা স্কিল লৈবা রিসোর্সশিং এক্সেস তৌবা হেনগৎহনখি অমসুং সরকারগী ইনিসিএতিব কয়ামরুম ইন্তিগ্রেৎ তৌদুনা লর্নর লাখ 60 হেন্না এঙ্গেজ তৌখি।
তার্গেতেদ স্কিল্লিংগী খোঙথাংশিং অসি গ্রীন হাইদ্রোজেন অমসুং পি.এম. বিশ্বকর্মা ইনিসিএতিবগুম্বা হৌগৎলক্লিবা সেক্তরশিংদা কোনশিনখি। মালেমগী থাক্তা ভারতপু স্কিল্লিং তৌবা অসি স্কিল ইন্দিয়া ইন্তর্নেস্নেল সেন্তরশিং অমসুং ওস্ত্রেলিয়া, জর্মনীনচিংবা লৈবাকশিংগা লোয়ননা ইন্তর্নেস্নেল পার্তনরশিপশিংগী খুত্থাংদা হেনগৎহন্দুনা ক্বালিফিকেসনশিংগী ম্যুচুএল রিকগনিসন অমসুং ইন্তর্নেস্নেল মোবিলিতী প্রমোৎ তৌরি। নেস্নেল স্কিল দিবেলপমেন্ত কোর্পোরেসন (NSDC)না নুপীশিংগী য়াম্লবা শরুক য়াওনা নহারোল লিশিং কয়া ত্রেন তৌখিবা অমসুং থবক ফংহনখিবা স্কিল ইম্পেক্ত বোন্দ গুম্বা ইন্নোভেতিব ফাইনান্স মেকানিজমশিংগী খুত্থাংদা ইন্দস্ত্রী কোল্লাবোরেসন্দা শাহৌ পীরি। দিরেক্তোরেৎ জেনরেল ওফ ত্রেনিং (DGT)না অচৌবা কোর্পোরেসনশিংগী মপাং ওইদুনা ইন্দস্ত্রীগা মরী লৈনবা স্কিলশিংগী ত্রেনিং পীরি, ইন্দস্ত্রী 4.0 অমসুং মসিদগী হেনবগীদমক ত্রেনিশিং শেম-শারি।
ৱারোইশিনদা ভারতনা মাগী স্কিল গেপকী অচৌবা শীংনবশিং মায়োক্নরবসি সরকারগী প্রোএক্তিব ওইবা ইনিসিএতিবশিংনা খেন্নবা অসি মেনখৎপদা খুমাং চাউশিল্লি উৎখি। খোঙথাংশিং অসিনা তেলেন্তগী অৱাৎপা লৈবা অদু কোকহনখি অমসুং ভারতকী নহারোলবু গ্লোবেল ইকনোমী অমগীদমক শেম শারি, তুং কোইবা ইনভেস্তমেন্ত অমসুং কোল্লাবোরেসনগী মথৌ তাবদা মীৎয়েং থম্মি।
থবক ফংবা হেনগৎহন্নবা খোঙথাংশিং
সরকারনা এমপ্লোইমেন্ত অমসুং স্কিল দিবেলপমেন্ত শাহৌ পীনবা অচৌবা পেকেজ অমা থমখ্রে, মসিনা মথংগী চহি মঙাদা নহারোল করোর 4.1দা তার্গেৎ থম্মি। মসিদা থবক শেমগৎপা অমসুং এমপ্লোয়ীশিং অমসুং এমপ্লোয়রশিংদা মতেং পীবা হেনগৎহন্নবা এমপ্লোইমেন্ত-লিঙ্ক ইন্সেন্তিব স্কিম অহুম য়াওরি। স্কিম A – ফার্স্ত তাইমরনা EPFOদা রেজিস্তর তৌবা ফার্স্ত-তাইম এমপ্লোয়ীশিংদা ইনস্তোলমেন্ত অহুমদা লুপা 15,000 ফাওবা পীদুনা অনৌবা ৱার্কফোর্সতা চংলকপগী থৌগৎলি। স্কিম B – মেন্যুফেকচরিংদা থবক শেমগৎপা অসিনা এমপ্লোইমেন্তগী অহানবা চহি মরিদা এমপ্লোয়ী অমসুং এমপ্লোয়র অনিমক্কীদমক EPFO কন্ত্রিব্যুসনশিংগীদমক ইন্সেন্তিবশিং পীদুনা মেন্যুফেকরিং সেক্তরদা থবক শেমগৎপদা হেনগৎহল্লি। স্কিম C – এমপ্লোয়রদা পীবা তেংবাং অসি অহেনবা এমপ্লোয়ী অমমমগীদমক EPFOদা তৌবা কন্ত্রিব্যুসনশিংগীদমক চহি অনিগী মতমগী ওইনা থা অমদা লুপা 3,000 রিইমবর্স তৌদুনা এমপ্লোয়রশিংদা পীরিবা ফাইনান্সিএল বর্দন কোকহল্লি অমসুং ৱার্কফোর্স হেনগৎহন্নবা প্রমোৎ তৌরি। মখা তানা ইন্তর্নশিপকীদমক অনৌবা স্কিম অসিন মমিং লৈবা কম্পনী 500দা নহারোল করোর 1গীদমক খুদোংচাবশিং পীদুনা কান্নরবা ইন্দস্ত্রী এক্সপোজর অমসুং এক্সপরিয়েন্স ফংহল্লি।
সরকারনা ৱার্কফোর্সতা নুপীশিংনা চাউনা শরুক য়াবা হেনগৎহন্নবা মরু ওইবা খোঙথাংশিংসু লৌখৎলি। মসিদা ৱার্কিং ৱিমেন হোস্তেলশিং অমসুং ক্রেচশিং ইন্দস্ত্রী পার্তনরশিংগী চুংশিন্নদুনা লিংখৎপা, ৱিমেন স্পেসিফিক স্কিল্লিং প্রোগ্রামশিং ওর্গনাইজ তৌদুনা মখোয়গী এমপ্লোয়েবিলিতী হেনগৎণবা অমসুং নুপীনা লমজিংবা সেল্ফ-হেল্প গ্রুপ (SHG) এন্তর্প্রাইজশিংগীদমক মার্কেৎ এক্সেস হেনগৎহনবা, নুপীশিংবু শেন্মীৎলোন অমসুং খুন্নাইদা শক্তি পীবা য়াওরি।
ইনিসিএতিবশিং অসিগী খুত্থাংদা সরকারনা খুদক্কী থবক্কী মথৌ তাবশিং কোকহনবা খক্তা নত্তনা লোং-তর্ম স্কিল দিবেলপমেন্ত অমসুং থবক শেমগৎনবগীদমক তুং কোইবা ফ্রেমৱার্ক অমসু পীরি। কম্প্রিহেন্সিব এপ্রোচ অসিনা ভারতকী নহারোলশিংবু খোঙজেল য়াংনা চাউখৎলক্লিবা মালেমগী ইকনোমীদা খুমাং চাউশিনবা ঙম্নবা মথৌ তাবা স্কিলশিং অমসুং খুদোংচাবশিং পীনবা পান্দম থম্মি, মসিনা লৈবাক্কী দেমোগ্রাফিক দিভিদেন্দ হেনগৎহনগনি।
রিফরেন্স:
********
(Release ID: 2036964)
Visitor Counter : 61