ব্যুরো ওব স্তেন্দার্দস (বি.আই.এস.)না আই.আই.তি., এন.আই.তি., অমসুং অতৈ এক্সপর্তশিং য়াওনা তোঙান-তোঙানবা মশক নাইরবা তেক্নিকেল ইন্সতিত্যুসনশিংগী ফেকলতী মেম্বরশিংদা রিসর্চ অমসুং দিবেলপমেন্তকী থবক থৌরমশিং পাকথোক চাউথোক্নবা, মখল য়ামহন্নবা অমসুং খোঙজেল য়াঙহন্নবা রিসর্চ অমসুং দিবেলপমেন্ত (আর&দি) প্রোজেক্ত ৮২ সেঙ্কসন তৌখ্রে।

লুপা লাখ তরাগী বজেত অমসুং থা তরুক্কী লোইশিন্নবগী মতম পীরিবা প্রোজেক্তশিং অসি থিওরিতিকেল রিভ্যুশিংদতা নত্তনা ফীল্দ লেভেল স্তদী কয়া অমসু য়াওরি। হায়রিবা প্রোজেক্তশিং অসিগী মীৎয়েং থম্লিবা মফমশিংদা খ্বাইদগী নৌবা দোমেনশিং হায়বদিঃ আর্তিফিসিএল ইন্তেলিজেন্স, ব্লোকচেন তেক্নোলোজী, মেদিকেল দিভাইস, রিন্যুএবল এনর্জী, সস্তেনেবিলিতী, স্মার্ত সিতী, অমসুং দিজিতেল ত্রান্সফোর্মেসন য়াওরি।

হায়রিবা অনৌবা মফমশিং অসিগা লোইননা, বি.আই.এস.না ইন্নোবেতিব ওইবা পোত্থোকশিং অমসুং সর্ভিসশিং অসিগী থাজনিংঙাই ওইবা অমসুং মগুনশিং চপ চানা ফংহন্নবা অমসুং কঞ্জুমরশিংবু ঙাক শেন্নবা থাক অমা লেপ্নবা পান্দম থম্লি।

সেঙ্কসন তৌরিবা প্রোজেক্ত ৮২ অসিগী মথক্তা, এপ্লিকেসনগীদমক প্রোজেক্ত ৬৬ লৈবগা লোইননা ৯৯ অমসু এলোতমেন্ত প্রোসেস্তা লৈরি। হায়রিবা খুদোংচাবশিং অসি বি.আই.এস.কী ৱেবসাইত বি.আই.এস. আর&দি প্রোজেক্ত অসিদা য়েংবা ফংগনি। হায়রিবা থৌরাং অসিনা থাক লেপ্পগী থৌওংশিং ফগৎহল্লি অমসুং রিসর্চ কম্ম্যুনিতীদা মতেং পাংই, ভারত্তা লৈরিবা একাদেমিক ইন্সতিত্যুসনশিংদা ইন্নোভেসন অমসুং এক্সিলেন্স শাগৎলি।

শ্রী প্রমোদ কুমার তিৱারী, দিরেক্তর জেনরেল, বি.আই.এস.না হায়রিবা থৌরাংশিং অসিগী মরুওইবশিং পুখৎলদুনা হায়খি, "ঐখোয়না মগুন লৈবা এজুকেসনেল ইন্সতিত্যুসনশিংগা পুন্দুনা অমসুং তোঙান-তোঙানবা আর&দি প্রোজেক্তশিং সেঙ্কসন তৌবনা ঐখোয়না তেক্নোলোজী অমসুং ইন্দস্ত্রীগী তঙাইফদবশিং থাক লেপনবা হোৎনরিবসিবু ময়েক শেংনা তাক্লে। ঐখোয়গী ফোর্মুলেসন প্রোসেসতা লৈরিবা রিসর্চ অমসুং দিবেলপমেন্ততা মীৎয়েং থম্লদুনা ঐখোয়না ঐখোয়গী থাকশিং অসি মপাঙ্গল লৈনবা, চুনহন্নবা, অমসুং অনৌবা মতমগী তেক্নোলোজী অমসুং ইন্দস্ত্রী প্রেক্তিসশিংদা থেংনরিবা খুদোংচাদবশিং অসিবু কোকহনবা ঙম্বগী শক্তি লৈহন্নবা পান্দম থম্লি।

বি.আই.এস.না কম্প্রিহেন্সিব ওইবা, মতমগা চুনবা থাকশিং শেমগৎতুনা খ্বাইদগী নৌবা তেক্নোলোজীগী ত্রেন্দ অমসুং ইন্দস্ত্রী প্রেক্তিস উৎনবা হোৎনদুনা লাক্লি। হেন্না ফগৎলবা আর&দি থৌরাংশিং অসিগা লোইননা, বি.আই.এস.না কঞ্জুমরশিংবু হেন্না ঙাক শেন্নবা অমসুং ভারত্তা হেন্না ফবা অমসুং থাজনিংঙাই ওইবা মার্কেতপ্লেস অমা শেমগৎনবা হোৎনবদা মতেং পাংলি।

ব্যুরো ওব ইন্দিয়ন স্তেন্দার্দস (বি.আই.এস.)না ভারতকী নেসনেল স্তেন্দার্দ বোদী অমা ওইনা পোত্থোকশিং, থৌওংশিং অমসুং সর্ভিসশিংগী ভারতকী ওইবা থাক অমা শেমগৎনবা হোৎনদুনা লাক্লি। ঙসি ফাওবদা, বি.আই.এস.না ইন্দিয়ন স্তেন্দার্দ ২২,০০০ হেন্না শেমখ্রে, লৈবাক অসিদা তোঙান-তোঙানবা পোত্থোকশিং অমসুং সর্ভিসশিংদা মগুন ঙাক্নবা অমসুং অশোই অঙাম য়াওদনবা হোৎনবদা অচৌবা থৌদাং লৌদুনা লাক্লি। স্তেন্দার্দাইজ প্রোসেসদা লৈরিবা রিসর্চ অমসুং দিবেলপমেন্ত (আর&দি)গী মরুওইবা লৈরিবসি য়েংলদুনা বি.আই.এস.না লল্লোন ইতীক অমসুং খুন্নাইগী থবক কয়াআ লৈরিবা তেক্নোলোজীগী খুমাং চাউশিনবা অমসুং অহোঙবা কয়ানা পীরিবা শীংনবশিং থেংননবা হোৎনরি।

মেন্যুফেকচরিং সেক্তর অমসুং সর্ভিস কয়াদা মখল য়াম্বা, অনৌবা অমসুং কমপ্লেক্সিতী হেনগৎনবগীদমক, বি.আই.এস.না আর&দি প্রোজেক্তশিংবু স্তেন্দার্দাইজ প্রোসেসতা হাপচিন্নবগী তঙাইফদবদু পুখৎলক্লি। অসুম্না পুনশিনবা অসিদা রিসর্চ অমসুং দিবেলপমেন্তকী থবক পায়খৎপা ঙম্বা দোমেন এক্সপর্তকী পাক চাউরবা নেৎৱার্ক পায়খৎপা চঙই। হৌজিক লৈরিবা নেৎৱার্ক অসিবু হেন্না পাকথোক চাউথোক্নবগীদমক বি.আই.এস.না আই.আই.তি., অমসুং এন.আই.তি. য়াওনা তোঙান-তোঙানবা মশক নাইরবা তেক্নিকেল ইন্সতিত্যুসনশিংগা মখোয়গী ফেকলতী অমসুং রিসর্চ স্কোলারশিংগা লোইননা য়ানচেরোল (এম.ও.য়ু.) খুৎয়েক পীনরে।

হায়রিবা য়েনচেরোলশিং অসিগা লোইননা, বি.আই.এস.না হায়রিবা এজুকেসনেল ইন্সতিত্যুসনশিং অসিগী মনুংদা রিসর্চ ইকোসিস্তেম অমা শেমগৎতুনা স্তেন্দার্দ শেম্বদা তঙাইফদবা রিসর্চ অমসুং দিবেলপমেন্ত শেম্নবা পান্দম থম্লি। অসিগুম্বা স্ত্রেতেজিক ওইবা মপাং অসিনা আর&দিদা মপুং ওইবা খোঙথাং অমা থাংজিনবা ঙম্লগনি অমসুং খল্লবা সবজেক্ততা থাক লেপ্নবগীদমক গ্রুপ দিস্কসন পাঙথোক্কনি অমসুং পোত্থোক পুথোকপা অমসুং সর্ভিস পীনবা হৌজিক লৈরিবা থৌওং অমসুং থবকশিং ফীল্দ লেবেলদা নৈনগনি।

বি.আই.এস.কী আর&দি থৌরাংগী মরমদা হেন্না খঙনবা অমসুং অরৈ প্রোজেক্তশিং য়েংনবা বি.আই.এস.কী ৱেবসাইত www.bis.gov.in তা য়েংবীয়ু।

***