ঐহাক্না লৈবাক অসিগী মীপুম খুদিংমক্কী মফমদা লৈবাক অসিবু চাউখৎপগী অনৌবা থাক অমদা পুগদবা মরুওইবা বজেত অসিগীদমক হরাও তয়াম্বা ফোংদোকচরি। শেলথুম মন্ত্রী নির্মলা সিতারমনজি অমসুং মহাক্কী অপুনবা কাংবুবু অদুক্কী মতীক হরাওবা ফোংদোকচরি।

মরুপশিং,

বজেত অসি খুন্নাই অসিগী কাংলুপ খুদিংমকপু শক্তি পীবা ঙমগদবা বজেত অমনি। মসি লৈবাক অসিগী খুঙ্গংশিং, লাইরবা অমসুং লৌমী খুদিংমকপু নুংঙাই য়াইফবগী লম্বীদা পুবীগদবা বজেত অমনি। হৌখিবা চহি ১০ অসিদা, মীওই করোর ২৫না লাইরবগী লীপুন্দগী লাপথোক্লক্লে। অসিগুম্বা নিও মিদল ক্লাস অমা শেম্লিবসিগী শক্তি কয়া অদুবু মখা চৎথনবগী বজেত অমনি। মসিগী বজেত অসি নহা কয়াদা মশীং থীঙমদ্রবা খুদোংচাবা কয়া পীগদবা বজেতনি। বজেত অসিনা এজুকেসন অমসুং স্কিলদা অনৌবা থাক অমা পীরগনি। মসি মিদল ক্লাসশিংদা পাঙ্গল পীগদবা বজেতনি। মসিদা ত্রাবেল খুন্নাই, দলিত, শোত্থরবা কাংলুপশিংবু শক্তি পীগদবা মপাঙ্গল লৈরবা স্কিম কয়া য়াওরি। বজেত অসিনা নুপীশিংবু শেন্মিৎলোন্দা শোইদনা শরুক য়াহনবদা মতেং পাংগনি। বজেত অসিনা অপীকপা লল্লোন ইতীক তৌজরিবশিং এম.এস.এম.ই. হায়বদি অপীকপা ইন্দস্ত্রীশিংদা চাউখৎচনবগী অনৌবা লম্বী অমা পীরগনি। বজেত অসিনা মেন্যুফেকচরিং অমসুং ইনফ্রাস্ত্রকচরদা মীৎয়েং থম্লি। মসিনা শেন্মিৎলোন চাউখৎনবা হোৎনবদা শক্তি পীগনি অমসুং খোংজেল অসিবু কায়দনা থম্নবা হোৎনগনি।

মরুপশিং,

ইমপ্লোইমেন্ত অমসুং শেল্ফ ইমপ্লোইমেন্ততা মমাংদা লৈখিদ্রিবা খুদোংচাবশিং শেম্বা হায়বসিনা ঐখোয়গী লৈঙাক্কী শক্তম অমা ওইরি। ঙসিগী বজেত অসিনা মসিবু হেন্না পাঙ্গল হাপ্লে। লৈবাক অসিনা অমসুং মালেম পুম্বনা পি.এল.আই. স্কিমগী মায় পাকপশিং উনখ্রে। হৌজিক্তি বজেত অসিদা, লৈঙাক অসিনা ইমপ্লোইমেন্ত লিঙ্কেদ ইন্সেন্তিব স্কিম লাউথোকখ্রে। মসিনা লৈবাক অসিদা অনৌবা থবক করোর কয়া শেম্লগনি। থৌশিল অসিগী মখাদা, ঐখোয়গী লৈঙাক অসিনা মপুন্সিগী অহানবা থবক ফংলবা নহাশিংগী অহানবা তোলোপ পীরগনি। মসি স্কিল দিবেলপমেন্ত অমসুং হায়র এজুকেসন্দা মতেং পাংনবা ওইবা য়াই নৎত্রগা নহা করোর ১গী ইন্তর্নশিপকী থৌরাং ওইবা য়াই, মসিনা খুঙ্গংশিংদগী ঐগী নহা ওইরিবা মরুপশিং অমসুং লাইরবা মীয়াম, ঐগী ইচানুপা অমসুং ইচানুপীশিংবু লৈবাক অসিগী মকোক থোংবা কম্পেনীশিংদা থবক তৌহনবা ঙমহল্লগনি, মখোয়গী মাঙদা অনৌবা ওইথোকপা য়াবা কয়াগী থোং লাউনা হাংলগনি। ঐখোয়না শহর খুদিংমক, খুঙ্গং খুদিংমক, ইমুং খুদিংমক্তা ওন্ত্রপ্রিন্যুর শেমগদবনি। মসিগীদমক, মুদ্রা লোনগী লিমিত অসি গরেন্তী য়াওদনা লুপা লাখ ১০দগী লাখ ২০দা হেনগৎখ্রে। মসিনা অপীকপা লল্লোন ইতীক তৌবশিং, মরুওইনা নুপীশিং, দলিত, বেকৱার্দ ত্রাইবেল ইমুংশিংদা মশানা মশাবু থবক পীজনবা শক্তি পীগনি।

মরুপশিং,

অপুনবা ওইনা ঐখোয়না ভারতপু মালেমগী মেন্যুফেকচরিং হব অমা ওইনা শেমগনি। লৈবাক অসিগী এম.এস.এম.ই. সেক্তর অসি মিদল ক্লাসকী ইমুংশিংগা শম্নৈ, নৎত্রগা এম.এস.এম.ই. সেক্তরগী মপুশিং অসি মিদল ক্লাসনা ওই। অমসুং সেক্তর অসিনা লাইরবশিংদা খ্বাইদগী য়াম্না থবক পীরি। অচৌবদগীনা মচা ফাওবদা লৈরিবা ইন্দস্ত্রীশিং অসিনা মায়কৈ অসিদা পুনবগী অচৌবা খোঙথাং অমনি। বজেত অসিদা, এম.এস.এম.ই.শিংগী ক্রেদিত লায়বা হেনগৎনবা অনৌবা থৌশিল অমা লাউথোক্লে। মেন্যুফেকচরিং অমসুং এক্সপোর্ত ইকোসিস্তেম অসি জিল্লা খুদিংমক্তা পুশিন্নবগীদমক বজেত অসিদা য়াম্না মরুওইবা অমা লাউথোক্লি। ই-কম্মর্স এক্সপোর্ত হব অমসুং ফুদ ক্বালিতী তেস্তিংগী য়ুনিত ১০০গুম্বা খোঙথাংশিং অসিনা জিলা অমা পোত্থোক অমগী কেম্পেন্দা শক্তি হাপকনি।

মরুপশিং,

বজেত অসিনা ঐখোয়গী স্তার্ত অপ, ইন্নোভেসন ইকোসিস্তেমদা অনৌবা খুদোংচাবা কয়া অমা পুরকখ্রে। মদু স্পেস একনোমি ফগৎনবা লুপা করো ১০০০গী ফন্দ অমা ওইসনু নৎত্রগা এঞ্জেল তেক্স লৌথোক্নবগী ৱারেপ ওইসনু, অসিগুম্বা অচৌবা খোংথাং কয়া অমা বজেত অসিদা লৌখৎলি।

মরুপশিং,

কেপেক্স রেকোর্দ ৱাংবনা শেন্মিৎলোনগী মায়কৈ চুম্লগনি। অনৌবা ইন্দস্ত্রিএল নোদ ১২, অনৌবা সেতলাইত তাউন্স শেমগৎপা অমসুং অচৌবা শহর ১৪গী ত্রাঞ্জিত প্লান শেমগৎপনা লৈবাক অসিগী অনৌবা শেন্মিৎলোনগী হব ওইরগনি অমসুং অনৌবা থবক কয়া অমা পীরগনি।

মরুপশিং,

ঙসিদি দিফেন্স এক্সপোর্তসু থাক য়াম্না ৱাংলে। বজেত অসিদা, দিফেন্স সেক্তরবু মশানা মরোমদোম লেপচনবা প্রোভিজন কয়া অমা শেম্লে। ঙসিদি ভারতপু পাম্নবগী চাং অসি মালেম পুম্বদা হেনগৎলে। অনৌবা ওইথোকপা য়াবা কয়া অমা ভারত্তা তুরিজমগী লমদা শেমগৎলে। তুরিজম সেক্তর অসিনা লাইরবশিং অমসুং মিদল ক্লাসকীদমক খুদোংচাবা কয়া অমা পীরি। বজেত অসিদা, তুরিজমগী সেক্তরদা অখন্নবা মীৎয়েং থম্লি।

মরুপশিং,

হৌখিবা চহি ১০ সইদা, এন.দি.এ. লৈঙাক্না লাইরবা অমসুং মিদল ক্লাসকী ইমুংশিংবু তেক্স লাপথোকহল্লি। বজেত অসিদসু ইঙ্কম তেক্স হন্থনবা অমসুং স্তেন্দার্দ দিদক্সন হেনগৎনবা ৱারেপশিং লৌরে। তি.দি.এস.কী কাংলোন্সু লায়থোকহল্লে। খোংথাংশিং অসিনা তেক্সপেয়র খুদিংমক্তা অহেনবা সেভিং পীরে।

মরুপশিং,

লৈবাক অসিনা চাউখৎনবগীদমক, নোংপোক থংবা ভারতকী মপুং ওইনা চাউখৎনবগীদমক, ঐখোয়গী কেম্পেন অসিদা অনৌবা খোঙজেল অমা লাক্লগনি, পুর্বোদয়াগী মঙলানগী খুত্থাংদা অনৌবা এনর্জী অমা পীরগনি। ঐখোয়না হায়ৱে, ঈশিংগী প্রোজেক্ত অমসুং পাৱর প্রোজেক্ত কয়া নোংপোক থংবা ভারত্তা শেমগৎতুনা শক্তি পীরি।

মরুপশিং,

বজেত অসিগী অচৌবা মীৎয়েংফম অমা হায়রবদি লৈবাক অসিগী লৌমীশিংনি। মালেমগী খ্বাইদগী চাউবা ফুদ স্তোরেজগী স্কিমগী মতুংদা, হৌজিক্তি ঐখোয়না ভেজিতেবল প্রদক্সন ক্লস্তরশিং শেমগদৌরি। অতোপ্পা অমদনা, মসিনা অপীকপা উহৈ, মনা মশীং থাবা লৌঈশিংদা অনৌবা কৈথেল পীদুনা হেন্না ফবা মমল ফংগনি… অতোপ্পা অমদনা উহৈ অমসুং মনা মশীং ফংবগী চাং হেনগৎলগনি অমসুং ইমুংগী ন্যুত্রিসনসু ফংহল্লগনি। লৌউশিংউগী সেক্তরদা মরোমদোম লেপচবা ঙম্বা হায়বসিনা ভারতকী হৌজিক হৌজিক্কী ওইবা তঙাইফদবনি। মরম অসিনা, লৌমীশিংদা হৱাই চেঙৱাই অমসুং থাউ থোকপা মরূ পুথোকপা হেনগৎনবা লাউথোকখ্রে।

মরুপশিং,

লৈবাক অসিদা লাইরবা মুত্থৎনবা, লাইরবশিংবু শক্তি পীনবা, মরুওইবা কয়া ঙসিগী বজেত অসিদা লাউথোকখ্রে। লাইরবশিংগীদমক অনৌবা য়ুম করোর ৩ শানবা ৱারেপ লৌখ্রে। জঞ্জাতি উন্নত গ্রাম অভিয়ান্নসু ত্রাইবেল ইমুং করোর ৫দা তঙাইফবা পোৎলমশিং খোংজেল য়াঙনা ফংহল্লি। মসিগী মথক্তা, গ্রাম সরক য়োজনানা কুম পুম্নমক্কী ওইবা অনৌবা খুঙ্গংগী মফম লিশিং ২৫ শম্নহল্লে। লৈবা অসিগী রাজ্য খুদিংমক্কী অরাপ্পদা লৈবা মফমশিংনা মসিগী কান্নবা ফংলগনি।

মরুপশিং,

ঙসিগী বজেত অসিনা অনৌবা খুদোংচাবা অমসুং অনৌবা এনর্জী পুরক্লি। মসিনা অনৌবা থবক অমসুং মশানা থবক পীজনবগী খুদোংচাবশিং পুরক্লি। মসিনা হেন্না ফবা চাউখৎপা অমসুং অরংবা তুংলমচৎ অমা পুরক্লগনি। ঙসিগী বজেত অসিনা ভারতপু মালেমদা অহুমশুবা খ্বাইদগী চাউবা শেন্মিৎলোনগী শক্তি পীরগনি, অমসুং চাউখৎলবা ভারত অমগী অচেৎপা য়ুম্বী অমা লিংলগনি।

লৈবাক মীয়াম পুম্বদা য়াইফ পাউজেল পীজরি।

***