میں تمام اہل وطن کو اس اہم بجٹ کے لیے مبارکباد پیش کرتا ہوں جو ملک کو ترقی کی نئی بلندیوں پر لے جائے گا۔ وزیر خزانہ نرملا سیتا رمن جی اور ان کی پوری ٹیم بہت بہت مبارکباد کے مستحق ہیں۔

ساتھیو،

یہ بجٹ سماج کے ہر طبقے کو تقویت دینے والا بجٹ ہے۔ یہ ایک ایسا بجٹ ہے جو ملک کے دیہاتوں، غریبوں اور کسانوں کو خوشحالی کی راہ پر لے جائے گا۔ پچھلے 10 سالوں میں 25 کروڑ لوگ غربت سے باہر آئے ہیں۔ یہ بجٹ نئے متوسط ​​طبقے کو بااختیار بنانے کے تسلسل کے لیے بنایا گیا بجٹ ہے۔ یہ ایک ایسا بجٹ ہے جو نوجوانوں کو بے شمار نئے مواقع فراہم کرے گا۔ یہ بجٹ تعلیم اور ہنر کو ایک نیا معیار دے گا۔ یہ ایک ایسا بجٹ ہے جو متوسط ​​طبقے کو نئی طاقت دے گا۔ یہ قبائلی سماج، دلتوں اور پسماندہ لوگوں کو بااختیار بنانے کے لیے مضبوط منصوبے لے کر آیا ہے۔ اس بجٹ سے خواتین کی معاشی شراکت کو یقینی بنانے میں مدد ملے گی۔ یہ بجٹ چھوٹے تاجروں،ایم ایس ایم ایز، یعنی چھوٹے پیمانے کی صنعتوں کی ترقی کے لیے ایک نیا راستہ فراہم کرے گا۔ بجٹ میں مینوفیکچرنگ اور انفراسٹرکچر پر زور دیا گیا ہے۔ اس سے معاشی ترقی کو نئی تحریک ملے گی اور رفتار بھی برقرار رہے گی۔

ساتھیو،

روزگار اور خود روزگار کے بے مثال مواقع پیدا کرنا ہماری حکومت کی پہچان رہی ہے۔ آج کا بجٹ اس کو مزید تقویت دیتا ہے۔ ملک اور دنیا نے پی ایل آئی اسکیم کی کامیابی دیکھی ہے۔ اب اس بجٹ میں حکومت نے ایمپلائمنٹ لنکڈ انسینٹیو اسکیم کا اعلان کیا ہے۔ اس سے ملک میں کروڑوں نئی ​​ملازمتیں پیدا ہوں گی۔ اس اسکیم کے تحت ہماری حکومت زندگی میں پہلی نوکری حاصل کرنے والے نوجوانوں کی پہلی تنخواہ دے گی۔ اسکل ڈیولپمنٹ اور اعلیٰ تعلیم کے لیے مدد ہو یا 1 کروڑ نوجوانوں کے لیے انٹرن شپ اسکیم، اس کے ذریعے میرے دیہی اور غریب نوجوان دوست، میرے بیٹے اور بیٹیاں ملک کی اعلیٰ کمپنیوں میں کام کریں گے اور ان کے لیے امکانات کے نئے دروازے کھلیں گے۔ ہمیں ہر شہر، ہر گاؤں، ہر گھر میں کاروباری پیدا کرنا ہے۔ اس مقصد کے لیے بغیر گارنٹی کے مدرا قرض کی حد 10 لاکھ روپے سے بڑھا کر 20 لاکھ روپے کر دی گئی ہے۔ اس سے چھوٹے تاجروں بالخصوص خواتین، دلت، پسماندہ اور قبائلی خاندانوں میں خود روزگار کو طاقت ملے گی۔

ساتھیو،

ہم مل کر ہندوستان کو عالمی مینوفیکچرنگ کا ہب  بنائیں گے۔ ملک کا ایم ایس ایم ای شعبہ متوسط ​​طبقے سے جڑا ہوا ہے، ایک طرح سے ایم ایس ایم ای شعبے کی ملکیت متوسط ​​طبقے کی ہے۔ اور غریبوں کو بھی اس شعبے سے زیادہ سے زیادہ روزگار ملتا ہے۔ چھوٹی صنعتوں کے لیے بڑی طاقت اس سمت میں ہمارا اہم قدم ہے۔ اس بجٹ میں ایم ایس ایم ایز کے لیے قرض کی آسانی کو بڑھانے کے لیے ایک نئی اسکیم کا اعلان کیا گیا ہے۔ بجٹ میں مینوفیکچرنگ اور ایکسپورٹ ایکو سسٹم کو ہر ضلع تک لے جانے کا اہم اعلان کیا گیا ہے۔ ای کامرس ایکسپورٹ ہب اور کھانے کے معیار کی جانچ کے لیے 100 یونٹس، ایسے اقدامات ون ڈسٹرکٹ ون پروڈکٹ مہم کو تقویت دیں گے۔

ساتھیو،

یہ بجٹ ہمارے اسٹارٹ اپس اور اختراعی ماحولیاتی نظام کے لیے بہت سے نئے مواقع لے کر آیا ہے۔ خلائی معیشت کو فروغ دینے کے لیے 1000 کروڑ روپے کا فنڈہویا  اینجل ٹیکس ہٹانے کا فیصلہ ہو، اس بجٹ میں ایسے کئی اقدامات کیے گئے ہیں۔

دوستو،

ریکارڈ ہائی کیپیکس معیشت کی ایک محرک طاقت بن جائے گی۔ 12 نئے صنعتی نوڈس کی ترقی، ملک میں نئے سیٹلائٹ ٹاؤنز اور 14 بڑے شہروں کے لیے ٹرانزٹ پلانز،اس سے ملک میں نئے اقتصادی مرکز بنیں گے اور بڑی تعداد میں نئی ​​ملازمتیں پیدا ہوں گی۔

ساتھیو،

آج دفاعی برآمدات ریکارڈ سطح پر ہیں۔ دفاعی شعبے کو خود کفیل بنانے کے لیے اس بجٹ میں بہت سی شقیں رکھی گئی ہیں۔ آج پوری دنیا میں ہندوستان کی طرف کشش بڑھ گئی ہے۔ اور ہندوستان میں سیاحت کے میدان میں نئے امکانات پیدا ہوئے ہیں۔ سیاحت کا شعبہ غریب اور متوسط ​​طبقے کے لیے بہت سے مواقع لاتا ہے۔ اس بجٹ میں سیاحت کے شعبے پر بھی خصوصی توجہ دی گئی ہے۔

ساتھیو،

پچھلے 10 سالوں میں، این ڈی اے حکومت نے اس بات کو یقینی بنایا ہے کہ غریب اور متوسط ​​طبقے کو ٹیکس میں راحت مسلسل ملتی رہے۔ اس بجٹ میں بھی انکم ٹیکس میں کمی اور معیاری کٹوتی  میں اضافے کا فیصلہ کیا گیا ہے۔ ٹی ڈی ایس کے قوانین کو بھی آسان بنایا گیا ہے۔ یہ اقدامات ہر ٹیکس دہندہ کے لیے اضافی بچت لانے جا رہے ہیں۔

ساتھیو،

ملک کی ترقی کے لیے ہندوستان کے مشرقی علاقے کی مکمل ترقی پوروودیا کے وژن کے ذریعے ہماری مہم کو نئی رفتار اور نئی توانائی ملے گی۔ ہم شاہراہوں، پانی کے منصوبوں اور بجلی کے منصوبوں جیسے بہت سے اہم بنیادی ڈھانچے کی تعمیر کرکے مشرقی ہندوستان میں ترقی کو ایک نئی رفتار دیں گے۔

ساتھیو،

اس بجٹ کا ایک بہت بڑا فوکس ملک کے کسان ہیں۔ اناج ذخیرہ کرنے کے لیے دنیا کی سب سے بڑی اسکیم کے بعد اب ہم سبزیوں کی پیداوار کے کلسٹرز بنانے جا رہے ہیں۔ اس سے ایک طرف چھوٹے کسانوں کو پھلوں، سبزیوں اور دیگر پیداوار کے لیے نئی منڈیاں ملیں گی اور ان کو بہتر قیمتیں ملیں گی تو  دوسری طرف ہمارے متوسط ​​طبقے کے لیے پھلوں اور سبزیوں کی دستیابی بڑھے گی اور خاندان کے لیے غذائیت بھی یقینی بنے گی۔ وقت کی ضرورت ہے کہ ہندوستان زرعی شعبے میں خود کفیل ہو۔ اس لیے دلہن اور تلہن کی پیداوار بڑھانے کے لیے کسانوں کی مدد کا اعلان کیا گیا ہے۔

ساتھیو،

آج کے بجٹ میں ملک سے غربت کے خاتمے اور غریبوں کو بااختیار بنانے کی سمت میں بڑے اعلانات کیے گئے ہیں۔ غریبوں کے لیے 3 کروڑ نئے گھر بنانے کا فیصلہ کیا گیا ہے۔ قبائلی ترقی گرام ابھیان 5 کروڑ قبائلی خاندانوں کو سیچوریشن ایپروچ کے ساتھ بنیادی سہولیات سے جوڑے گا۔ اس کے علاوہ گرام سڑک یوجنا 25 ہزار نئے دیہی علاقوں کو آل ویدر روڈز سے جوڑے گی۔ اس کے فوائد ملک کی تمام ریاستوں کے دور دراز دیہاتوں تک پہنچیں گے۔

ساتھیو،

آج کا بجٹ نئے مواقع اور نئی توانائی لے کر آیا ہے۔ یہ بہت سے نئے روزگار اور خود روزگار کے مواقع لے کر آیا ہے۔ یہ بہتر ترقی اور روشن مستقبل لے کر آیا ہے۔ آج کا بجٹ ہندوستان کو دنیا کی تیسری سب سے بڑی اقتصادی طاقت بنانے کے پورے عمل میں ایک محرک  کا کام کرے گا اور ایک ترقی یافتہ ہندوستان کی مضبوط بنیاد رکھے گا۔

تمام اہل وطن کو بہت  ساری  نیک خواہشات۔

-----------------------

ش ح۔ اک۔ ع ن

U NO: 8606