রিপব্লিক দে, ২০২৫ কী থৌরমদা লাউথোক্কদবা পদ্ম মনা-২০২৫কী নোমিনেসন/রিকমেন্দেসন অসি মে ১, ২০২৪দগী হৌখি। পদ্ম মনা-২০২৫কী নোমিনেসনগী অরোইবা মতম অসি সেপ্তেম্বর ১৫, ২০২৪ ফাওবা ওইরে। পদ্ম মনাশিংগী নোমিনেসন/রিকমেন্দেসন অসি রাস্ত্রিয়া পুরস্কার পর্তেল (https://awards.gov.in) দা ওনলাইন ওইনা লৌশিল্লি।

পদ্ম মনাশিং, মমিং ওইনা পদ্ম বিভুশন, পদ্ম ভুশন অমসুং পদ্ম শ্রী অসি লৈবাক অসিগী খ্বাইদগী ৱাংবা মীচমদা পীবা মনাশিংনি। ১৯৫৪দগী লিংখৎলক্তুনা, হায়রিবা মনাশিং অসি চহি খুদিংগী রিপব্লিক দেগী নুমিত্তা লাউথোক্লি। মনা অসিনা 'অখন্নবা থবকশিং'বু শকখঙবীনবা হোৎনরি অমসুং অদুগা মসি অখন্নবা অমসুং আর্স, লিতরেচর অমসুং এজুকেসন, স্পোর্তস, মেদিসিন, সোসিএল ৱার্ক, সাইন্স অমসুং ইঞ্জিনীয়রিং, পব্লিক এফিয়র্স, সিভিল সর্ভিস, ত্রেদ অমসুং ইন্দস্ত্রী অসিনচিংবশিংগুম্বা হীরমশিং/দিসিপ্লিন খুদিংমক্কী সর্ভিসতা তোপ তোপ্পা মায় পাকপা পুরকপশিংদা পীরি। জাত-বিজাত, শিনফম, থাক নৎত্রগা নুপী নুপা খায়দনা মীপুম খুদিংমক্না মনা অসি ফংবা য়াই। দোক্তর অমসুং সাইন্তিস্তশিং নত্তনা পি.এস.য়ূ.দা থবক তৌবা লৈঙাক্কী সর্ভেন্তশিংদি পদ্ম মনা ফংবা য়াদে।

লৈঙাক অসিনা পদ্ম মনাশিংবু "মীয়ামগী পদ্ম" হায়না ওন্থোক্নবা ফিরেপ লেপ্পী। মরম অসিনা, মীপুম খুদিংমক্না মশানা নোমিনেত তৌজবা য়াওনা নোমিনেসন/রিকমেন্দেসন তৌবীনবা হায়জরি। নুপীশিংগী লক্তগী, খুন্নাইগী শোথরবা কাংলুপতগী, এস.সি. অমসুং এস.তি.শিং, নাম্ম শোইরবা মীওইশিং, অমসুং খুন্নাইগীদমক কত্থোক্লবা মীওইশিংগী মরক্তগী মখোয়গী মায় পাকপশিংবু শকখঙবীবা তশেংনা য়ারবা মীওইশিংবু খন্দোক্নবা অৱাংবা থাক্তা হোৎনগনি।

নোমিনেসন/রিকমেন্দেসনশিং অসিদা মথক্কী পোর্তেল অসিদা য়াওরিবা অপীবা ফোর্মেত অসিদা মরী লৈনবা অকুপ্পা মরোল খুদিংমক নীংথিনা ইরবা সাইতেসন (ৱাহৈ ৮০০) অমা, মহাক্কী মরী লৈনবা ফীল্দ/দিসিপ্লিন অদুদা রিকমেন্দ তৌরিবা মীওই অদুগী মায়পাকপা/সর্ভিস অদুবু নীংথিনা পুখৎতুনা ইবা য়াওনা থাজিনবীগদবনি।

হীরম অসিগী মতাংদা অকুপ্পা মরোওশিং 'এৱার্দ অমসুং মেদাল' হায়বা গৃহ মন্ত্রালয়গী ৱেবসাইত (https://mha.gov.in) অমসুং পদ্ম এৱার্দস পোর্তেল (https://padmaawards.gov.in ) অসিদা য়াওরিবসিগী মখাদা ফংগনি। হায়রিবা মনাশিং অসিগা মরী লৈনবা স্তেত্যুত অমসুং কাংলোনশিং অসিনা https://padmaawards.gov.in/AboutAwards.aspx লিঙ্ক অসিগী ৱেবসাইত অসিদা ফংবীগনি।

***