পুং অহুম হেনবা মীয়ামগী ওইবা “পব্লিক দর্বার” অমা পাংথোক্ত্রিঙৈগী মাংওইননা ঙসি মফম অসিদা মীয়ামগী ওইবা রেলী অমদা ৱা ঙাংলদুনা, কেন্দ্রগী মন্ত্রী, দা. জিতেন্দ্র সিংনা ভিলেজ দিফেন্স গার্দশিং (VDGশিং)  অমুক নৌহৌননা থম্নবগী মতাংদা থাজবা পীরকখি।

“সেক্যুরিতী এজেন্সীশিংনা হন্দক্তা থোকখিবা অকিবা থৌদোক অদুগী য়েংলগা দোদা জিলা অমসুং থংনবদা লৈরিবা মফমশিংদা সেক্যুরিতীগী ফিভম লাকশিন্নবা লাললোং কয়া শিংজিন্নরি, অদুবু অসিগুম্বা লাল্লোংশিং অসি মীয়াম মমাংদা খন্নদে”, হায়না ঙসি মফম অসিদা কেন্দ্র সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); MoS PMO, পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা হায়খি।

দা. জিতেন্দ্র সিংনা হায়খি মদুদি ভিলেজ দিফেন্স গার্দশিং (VDGশিং) অসি তেরোরিস্তশিংগা লান্থেংননবা মখোয়বু মপাঙ্গল কনখৎহন্নবগী পান্দমগা লোইননা মিলতেন্সী কনবা মফমশিংদা অমুক নৌহৌননা থম্লগনি। “সরকার অসিনা করিগুম্বা তঙাইফদ্রবদি মথৌতাবা মফম খুদিংমক্তা VDGশিংবু তেরোরিস্তশিংগী মাইকৈদগী থেংনরিবা শিংনবশিং অদুবু মায়োক্নবা ঙম্নবা তোঙান-তোঙানবা লাল্লোংগী শরুক অমা ওইনা থাদোক্কনি”, হায়না মহাক্না খঙহল্লকখি। মহাক্না শিংনবশিং অসিবু খ্বাইদগী হেন্না ফবা মওংদা মায়োক য়াবা ঙম্নবা VDGশিংদা SLR রাইফলশিং য়াওনা খুৎলাইশিং, পীবা য়াই হায়নশু মহাক্না হায়খি।

মন্ত্রী অসিনা য়াম্না থাজবগা লোইননা তেরোরিজমগী মায়োক্তা ময়াম পুন্না অমত্তা ওইনা মায়োক্ননবা ফুরুপ খুদিংমক্তা আপীল তৌখি। মহাক্না ১৯৯০গী মতমদা তেরোরিজম খ্বাইদগী হেন্না কল্লঙৈ মতমদশু দোদানা তেরোরিজমদা মাইথীখিবা লৈতে হায়নশু নিংশিংহনখি। “মফম অসিদা খুন্দা-লৈতারিবা মীশিংনা খুদোংথিবশিং অদুবু মখোয়গী অঙম্বা শক্তি পুথোক্তুনা মায়ক্নখিবা অদুনা মরম ওইরগা মখোয়না মাইপাক্না মফম অসিদা মী য়ুম হোংবদগী কলহৌই”, হায়না মন্ত্রীনা পনখি।

দোদাগী ইনফ্রাস্ত্রকচর দেবেলপমেন্তকী মতাংদা ৱা ঙাংলদুনা, হৌখিবা চহি তরা অসিদা সরকারনা অথাপ্পা মফমশিংদা কনেক্তিবিতী ফগৎহন্নবা, চত্থোক-চৎশিন তৌবদা মতম চংবা হন্থহন্নবা অমসুং পেসেঞ্জরশিংদা নুংঙাইবা হেনগৎহন্নবা হাইৱেশিংগী নেতৱার্ক অমা শেমখ্রে হায়না দা. জিতেন্দ্র সিংনা হায়খি।

“লাল্লোংগী ওইনা য়াম্না মরু ওইবা লাখনপুর-বাসোহলি-বানি-ভাদরৱাহ-দোদা নেস্নেল হাইৱেনা শেম্বা লোইশিনবা মতমদা লম্বি অসিদা লৈরিবা অরাপ্পা অদু কিলোমিতর ১০০ হেন্না তেনশিল্লগনি”, হায়না মহাক্না হায়খি, অমসুং মসিনা লমদম অসিগী নহাশিংদা থবক্কী খুদোংচাবশু পীরগনি অমসুং মফম অসিদা তুরিজমশু ফগৎহল্লগনি হায়না মহাক্না মখা তাখি। মসিগা চপ মান্ননা নোংজু-নুংশা খাইদনা লেপ্তনা য়াম্না কন্না শারিবা খেলানি তনেলনা দোদা অমসুং কিসত্বার জিলাগী মীশিংনা স্রিনাগর অমসুং জম্মুচৎপদা চংবা মতমশুং হন্থহল্লগনি হায়না দা. সিংনা হায়খি।

কেন্দ্রগী মন্ত্রী হায়খি মদুদি সরকারনা জম্মু অমসুং কাশ্মিরগী মফম খুদিংমক্তা চপ মান্ননা চাউখৎ-থৌরাং পুরক্নবা অৱাবা কৌবা লৈতনা লৈপ্তনা হোৎনরি। “মোদী সরকারনা হান্নগী পাল্লম্বা সরকারগী অশোইবা অদুবু চুমথোকখি অমসুং J&Kদা লৈরিবা লোইশিল্লমদবা অমসুং থেংথদুনা লৈরম্লবা ইনফ্রাস্ত্রকচর প্রোজেক্তশিং অদুবু লোইশিনখি”, হায়না মহাক্না পনখি। সরকারনা বেনিফিসরীশিং অদুগী জাত-বিজাত, থাজবা নত্রগা ধর্মগী খেৎনবা অমত্তা থমদনা  LPG কনেক্সনশিং পীখি অমসুং PM AWAS কী মখাদা য়ুমশিং শাখি, মরমদি সবকা সাথ, সবকা বিকাস হায়বা খোল্লাও অসিগী মখাদা থবক ওইনা পাংথোকপনি হায়নশু মন্ত্রী অসিনা হায়খি।

দা. জিতেন্দ্র সিংনা সরকারগী ৱেলফিয়র স্কীমশিংগী মতাংদা খঙহনবগী তঙাইফদবগী মতাংদা মরু ওইনা পনখি। “তোঙান-তোঙানবা ৱেলফিয়র স্কীমশিং কয়া অমগী মতাংদা নহাশিং অমসুং মখোয়গী অহল-লমনশিংদা খঙহন্নবা ঢার্কশোপশিং শিংনগদবনি”, হায়না মহাক্না লমদম অদুগী এদমিনিসত্রেশনদা তকশিনখি।

মতুং তারকপদা, কেন্দ্র মন্ত্রী অদুনা পুং অহুম চুপ্না চত্থবা “পব্লিক দর্বার” অমা পাংথোকখি, মদুদা দিপ্যুতী কমিস্নর, হার্বিন্দর সিংনা লুচিংবা জিলাগী অদুগী এদমিনিস্ত্রেশনশু মীয়ামগী অৱাবশিং অদুবু খুদক্তা মফম অদুদা য়েংশিন্নবা শরুক য়াখি।

পব্লিক দর্বার অদুগী মনুংদা, মীয়ামগী ওইবা ৱাফম কয়া অমা থাংগৎলকখি, মফম অদুগী মীশিং অদুনা মখোয়গী দিমান্দশিং থাংগৎলকখি অমসুং মখোয়গী অৱাবশিং অদুবু য়েংশিন্নবা হায়রকখি।

মীয়ামগী দিমান্দশিং অদু তারবা মতুংদা, দা. জিতেন্দ্র সিংনা এদমিনিসত্রেশনদা মীয়ামগী অৱাববু য়াম্না য়াংনা অথুবদা অমসুং মতম চানা কোকহন্নবা হায়খি। মহাক্না পব্লিক সর্বিস খুদিংমক অকক্নবা মতমগী মনুংদা পাংথোকপা ঙম্নবা অঙম্বা পাম্বৈশিং শিজিন্ননবা হায়খি।

******