U Myntri Sorkar Pdeng ba dei khmih ia ka Tnat ka rep ka riang bad ka bha ka miat jong ki nongrep, u Shivraj Singh Chouhanmynta ka sngi u la pyllait saw tylli ki kot, Wings to Our Hopes- Volume 1 (ha ka ktienPhareng bad Hindi), RashtrapatiBhavan: Heritage Meets the Present bad kaKahaniRashtrapatiBhavan Kiryngkat bad u MyntriKhynnah jong ka Sorkar Pdeng ba dei khmih ia ka TnatInformation and Broadcasting (I&B) Dr. L. Muruganbad u Secretary, I&B, Sanjay Jaju.

Ha ka jingaijingkren ha ka jingialang, u Myntri Sorkar Pdeng Shivraj Singh Chouhan u la ong ba ki kot ba la pyllait mynta ka sngi kidei jong ka Rashtrapati Bhavan, ka dak jong ka Synshar paidbah jong ka India. Ka jinglum ia ki jingkren barim jong ka President Draupadi Murmu kadei ka tyllong jong ka synshar paidbah jong ngi bad ka imlang sahlang hi baroh kawei. Kane ka jinglum kadei ka jingpyni ia ka jingsngewlem jong ka President Murmu ia baroh ki briew jong ka ri kynthup ki longkmie, ki scheduled caste, scheduled tribe,  kiba duna ka ioh ka kot, ki nongrep, ki shipai bad ki samla. Ka dur bad ka kyrteng ba don ha ka jingsop jong kane ka kot ka pyni ia ka khana jong ka synshar paidbah jong ngi.

Ka khubor ba don ha kine ki kot kin ai mynsiem ia man u briew jong ka ri ban kot sha kliar ba thymmai. U Myntri u la ong ba u lap ia katto katne ki mat ba kongsan halor ki phang ba iadei bad ka rep ka riang bad ka jingkyntiew ia ki jaka nongkyndong. U Chouhan u la ong ba u ngeit skhem ba ka jingpule ia kane ka jinglum ia ki jingkren jong ka President kan pyniar ia ka jingpeit jong ngi halor ki jingeh ba iadei bad ka imlang sahlang bad ka ioh ka kot jong ka ri, ka lynti sha ki jingjop bad ki sienjam ba pyni ia ka jinglah kyrshan dalade.

U Myntri Khynnah jong ka Sorkar Pdeng, u Dr L. Murugan u la ai khublei ia ka Publications Division na ka bynta ka jingpynmih ia kine ki kot  bad iaroh ia ka kaba la pynmih ia ki kot halor ki phang bapher bapher na ka por sha ka por. Haba kren shaphang ki kot ba la pyllait, u la ong ba kine ki kot kilong ki tyllong jong ki jingmut jingpyrkhat jong ka President shaphang ki kam bapher bapher bad ba kin long kum ka tyllong ia ki pateng ban wan.

Hadien ka jingialang, ki kynrem ki lyndan ki la aiti ia ka kopi jong ka kot sha ka President.

Shaphang ki kot:

Ka kot, Wings to Our Hopes, ka don ia ki jingkren jong ka President DroupadiMurmu ha ki jingialang bapher bapher ha ka snem ba nyngkong jong ka jinglong President jong ka. Ha kane ka samoi – Naitung 2022- Naitung 2023 – ka President Murmu ka la pynpaw bad iasam ia ki jingsngew jong ka halor ki phang bapher bapherbad kane ka la wanrah ia ka jingieid jong ki briew jong ka ri ia ka lyngba ka jinglong shi dur shi sur jong ka, ka jingpyrkhat bad ka jingtriem ban ai jingkren. Nalor ka jingktah ia ki bynta bapherbapher jong ki kam jong ka ri, kine ki jingkren ki kdew ruh ia ka jinglong jong ka ha kaba iadei bad ki jingiakren bad ki briew jong ka ri bad ka jingai mynsiem ia ki.

Ka kot, kaba la shon da ka Publications Division, ka don 75 tylli ki jingkren ba la sam ha ki XI bynta kiba long - Addressing the Nation, Education- The Key to Empowerment, Guiding Public Servants on Kartavya Path, Our Forces Our Pride, Spirit of the Constitution and Law, Rewarding Excellence, Global Outreach, Celebrating Diversity and Rich Culture, Innovation and Technology for sustainable Development, Preserving Past, Securing Future, and Encouraging Women-led Development.

Ka "RashtrapatiBhavan: Heritage Meets the Present" kadei ka jingkhmih jylliew ia ka Rashtrapati Bhavan, naduh ka histori jong ka, ka pateng, bad ka jingitynnad ka rukom shna. Kane ka kot ka ailad ia ki nongpule ba kin sngewthuh ia ka jingkhraw jong ka Rashtrapati Bhavan naduh ba la sdang ia ka haduh ka jinglong jingman mynta kum ka jaka sah jong ka President jong ka ri. Kane ka kot kadei kaba pyndon burom ia kawei na ki jingtei ba khraw tam jong ka India, ka Rashtrapati Bhavan kaba ieng kum ka dak jong ka jingriewspah jong ki rukom tei jingtei jong ka ri bad ka jinglong jingman jong ka mynta.

La pynphuh pynieng ia man ki kyndong kynshrot jong ka Rashtrapati Bhavan lyngba ki jingbatai bniah bad ki dur. Ka kot ka ai ia ki nongpuleia ka jingbatai bniah shaphang ki kamra bapher bapher bad ki hall hapoh ka Bhavan, bad kine ki kamra ki don la ki jong ki jong ki kam bad ka histori.  Ki bynta ba kongsan kilong:

• Ashoka Hall: Ka ballroom kaba don ki dur bad ki sharak ba itynnad.

• Durbar Hall: Ka jaka ialumlang ha kaba la pynlong ia ki prokram ba heh jong ka ri.

• AmritUdyan: Ka kper kaba pyni ia ka jingpyniasoh ia ki rukom saindur Mughal bad ki rukom saindur ki nong Bilat.

• Library: Ka tyllong jong ka jingnang jingstad bad ki kot kiba iadei bad ka histori.

• Ki Drawing Room bad ki Conference Hall: Ka jaka ban pynlong ia ki prokram bad ki jingialang.

• President’s Study: Ka jaka treikam jong ka President.

Kane ka kot ka batai ruh shaphang ki riewkhraw kiba la sah ha ka Rashtrapati Bhavan. Ka batai shaphang ka jingiaid lynti jong man ki President jong ka India naduh u Dr. Rajendra Prasad, u President ba nyngkong haduh ka President ba mynta, Droupadi Murmu. La batai shaphang ki kam jong ki na ka bynta ka synshar paidbah jong ka India bad ka jingtei ia ka ri, ki jingjia ba kongsan ha ki samoi treikam jong ki bad kane ka ai ia ka jingbatai shaphang ka histori jong ka Rashtrapati Bhavan.

Ka kot ‘Kahani Rashtrapati Bhavan Ki’ ka don ia ki jingbatai shaphang ka President bad ka Rashtrapati Bhavan na ka bynta ki khynnah. La phiah ia kane ha ki lai tylli ki dkhot– ‘Our President’, ‘Main Attractions of RashtrapatiBhavan’ bad ‘RashtrapatiBhavan Museum Complex’ – bad kane ka kot ka ai jingbatai shaphang jan shispahsnem ka histori jong ka Rashtrapati Bhavan ha ki ktien ba suk ban sngewthuh. Kane ka kot ka dei kaba la saindur ha ka rukom kaba itynnad ha kaba la suhlang ruh ia ki dur bapher bapher jong ka Rashtrapati Bhavan.

*****