“ননহে ফরিস্তে” হায়না মিংথোনবা ভারতকী তোঙান-তোঙানবা রেলৱে জোন শীনবা থুংনা মতেং দরকার ওইরবা অঙাংশিং কনবা অমসুং ঙাকপী-শেনবীবদা কৎথোক্লবা মিসন অমা হৌখিবা চহি ৭ হেন্না রেলৱে প্রোতেক্সন ফোর্সনা পায়খৎতুনা লাক্লি। হৌখিবা চহি ৭ (২০১৮-২০২৪) মনুংদা, স্তেসনশিং অমসুং ত্রেনশিংদগী, মখোয় খুদোংথিবা তাগদবদগী ঙাকথোক্নবা রেলৱে প্রোতেক্সন ফোর্সনা অঙাং ৮৪,১১৯ কনবা ঙম্লে।

“ননহে ফরিস্তে” অসি শুপ্নগী ওপরেসন অমগী হেন্দোক্না; মসি অরুবা ফিবমশিং মায়োক্নরিবা অঙাং লিশিং কয়াগী পুন্সিগী লম্বী অমনি। ২০১৮ দগী ২০২৪ ফাওবগী মনুংদা ফংখিবা দেতাশিংদা অকিবা লৈতনা কৎথোকপা, চুশিন্নবা ঙম্বা অমসুং অৱাবা খাংবা ঙম্বগী ৱারি অমা উৎলি। অঙাং অমমম কনবা অসি খুন্নাইগী খ্বাইদগী তোল্লবশিং ঙাক-শেন্নবা রেলৱে প্রোতেক্সন ফোর্সনা কৎথোকপগী খুদম অমনি।

২০১৮ দা “ওপরেসন ননহে ফরিস্তে” হৌখি। চহি অসিদা রেলৱে প্রোতেক্সন ফোর্সনা নুপামচাশিং অমসুং নুপীমচাশিং য়াওনা পুন্না অঙাং ১৭,১১২ কনখি। অঙাং ১৭,১১২ অসিগী মনুংদা, অঙাং ১৩,১৮৭ চেল্লকপা অঙাংশিংনি অঙাং ২১০৫ না মাংখিবদগী ফংবা অঙাংনি, অঙাং ১০৯১ না হুন্দোকলম্বা অঙাংনি, ৪০০না কনা লৈজদ্রবশিংনি, ৮৭না ফাদুনা পুরকপনি, ৭৮ না পুক্নিং-ৱাখলগী অনাবা লৈবশিংনি অমসুং ১৩১ না লম্বীদা লৈবা অঙাংশিংনি। ২০১৮ দা অসিগুম্বা থবক অমা পায়খৎপগী মরুওইবা অদু খঙদুনা অকনবা য়ুম্ফম অমা থোনবা হৌখি।

২০১৯ দা রেলৱে প্রোতেক্সন ফোর্সনা মখা তানা হোৎনবগী ফল ওইনা অঙাং ১৫,৯৩২ কনবা ঙমখি। মখোয়গী মনুংদা অঙাং ১২,৭০৮ না ময়ুমদগী চেল্লকপা, অঙাং ১৪৫৪ না মাংখিবা, অঙাং ১০৩৬ না হুন্দোকলম্বা, অঙাং ৩৫০না মমা-মপা লৈজদ্রবা, অঙাং ৫৬ না ফাদুনা পুরকপা, অঙাং ১২৩ না পুক্নিং-ৱাখলগী অনাবা লৈরবা অমসুং অঙাং ১৭১ না লম্বীদা লৈবা অঙাংশিংনি। হেনগৎলক্লিবা অঙাং মশিং অসিনা ময়ুমদগী চেল্লকপা অঙাংশিংগী ৱাফম অমসুং ঙাক-শেনবগী তঙাইফদবগী ৱাফম অদু উৎলে।

২০২০ দা কোবিদ-১৯ লাইচৎনা মহৌশাগী পুন্সিদা অকায়বা পীখি অমসুং ওপরেসনশিং পাংথোকপদা অপনবা থোকখি। হায়রিবা খুদোংচাদবা কয়া অসিগী মরক্ত, রেলৱে প্রোতেক্সন ফোর্সনা অঙাং ৫,০১১ কনখি।

২০২১ মনুংদা, রেলৱে প্রোতেক্সন ফোর্সনা মখোয়গী মী কনবগী ওপরেসনশিং অমুক পাংথোক্তুনা চহি অসিদা অঙাং ১১,৯০৭ কনখি। চহি অসিদা থেংনবা অমসুং ঙাকপী-শেনবীবা অঙাং মশিং হেনগৎলকখি, অঙাং ৯৬০১ না ময়ুমদগী চেল্লকপা, অঙাং ৯৬১ না মাংখিবা, অঙাং ৬৪৮ না হুন্দোকলম্বা, অঙাং ৩৭০না মমা-মপা লৈজদ্রবা, অঙাং ৭৮ না ফাদুনা পুরকপা, অঙাং ৮২ না পুক্নিং-ৱাখলগী অনাবা লৈরবা অমসুং অঙাং ১২৩ না লম্বীদা লৈবা অঙাংশিংনি।

২০২২ দা রেলৱে প্রোতেক্সন ফোর্সনা অঙাং ১৭,৭৫৬ কনখি। চহি অসিদা ময়ুমদগী চেল্লকপা অমসুং মাংখিবা অঙাং ফংবা মশিং হেনগৎলকখি অমসুং দরকার ওইবা চেকশিন-থৌরাং অমসুং ঙাকপী-শেনবীবা ফংহনখি। অপুনবা অঙাংশিংগী মনুংদা অঙাং ১৪,৬০৩ না ময়ুমদগী চেল্লকপা, অঙাং ১১৫৬ না মাংখিবা, অঙাং ১০৩৫ না হুন্দোকলম্বা, অঙাং ৩৮৪ না মমা-মপা লৈজদ্রবা, অঙাং ১৬১ না ফাদুনা পুরকপা, অঙাং ৮৬ না পুক্নিং-ৱাখলগী অনাবা লৈরবা অমসুং অঙাং ২১২ না লম্বীদা লৈবা অঙাংশিংনি।

২০২৩ দা রেলৱে প্রোতেক্সন ফোর্সনা অঙাং ১১,৭৯৪ কনখি। হায়রিবা অঙাংশিং অসিগী মনুংদা অঙাং ৮৯১৬ না ময়ুমদগী চেল্লকপা, অঙাং ৯৮৬ না মাংখিবা, অঙাং ১০৫৫ না হুন্দোকলম্বা, অঙাং ২৩৬ না মমা-মপা লৈজদ্রবা, অঙাং ১৫৬ না ফাদুনা পুরকপা, অঙাং ১১২ না পুক্নিং-ৱাখলগী অনাবা লৈরবা অমসুং অঙাং ২৩৭ না লম্বীদা লৈবা অঙাংশিংনি।

২০২৪গী অহানবা থা ৫দা রেলৱে প্রোতেক্সন ফোর্সনা অঙাং ৪৬০৭ কনখি। হায়রিবা অঙাংশিং অসিগী মনুংদা অঙাং ৩৪৩০ না ময়ুমদগী চেল্লকপনি। মশিং অসিনা য়ুমদগী চেল্লকপা অঙাংশিংগী ৱাফমশিংগী মমি তারে অমসুং মখোয়গী অৱাবশিং কোক্নবা রেলৱে প্রোতেক্সন ফোর্সনা থবকশিং পায়খৎলে।

মখোয়না পায়খৎলিবা থবকশিংগী খুৎথাংদা, রেলৱে প্রোতেক্সন ফোর্সনা অঙাংশিং কনবা খক নত্তনা য়ুমদগী চেল্লকপা অমসুং মাংখিবা অঙাংশিংগী অৱাবশিংগী মরমদা খঙহনবা হেনগৎহল্লে অমসুং তোঙান-তোঙানবা মরী লৈনবশিংনা মখা তানা থবক লৌখৎপা অমসুং মতেং পাংবা হেনগৎলক্লে। ভারতকী পাক-চাউরবা রেলৱে নেতৱার্ক শীনবা থুংনা অঙাংশিং অশোই-অঙাম থোক্তনবা ফিবম অমা শেমগৎনবা অমসুং অনৌবা শিংনবশিং চুশিন্নবা ঙম্নবা ওপরেসন মখা তানা চৎথগনি।

ত্রেক চাইল্দ পোর্তেলদা অৱাবা তারবা অঙাংশিংগী কুপ্পা মরোলশিং ফংহল্লে। রেলৱে স্তেসন ১৩৫ দা ভারত রেলৱেনা চাইল্দ হেল্পদেক্সশিং হাংদোক্লে। রেলৱে প্রোতেক্সন ফোর্সনা অঙাং অমা কনবা মতমদা, অঙাংশিং অদু মমা-মপাশিংদা শীন্নখিনবা দিস্ত্রিক্ত চাইল্দ ৱেলফিয়ার কম্মিতিদা শীন্নখি।

***