নেসনেল তিচর্স এৱার্দ ২০২৪গী মশা মরোমদোম চে থাজিনবগী অরোইবা মতম জুলাই ১৮,২০২৪ ফাওবা শাংদোক্লে। ওজাশিংনা মখোয়গী সেল্ফ-নোমিনেসনগী মপুংফারবা এপ্লিকেসন জুলাই ২১,২০২৪ ফাওবা পীশিনবা য়াগনি। ইজুকেসন মিনিস্ত্রিগী পোর্তেল http://nationalawardstoteachers.education.gov.in. দা জুন ২৭,২০২৪ দগী নোমিনেসনশিং কৌবা হৌখিবনি।

চহি অসিগী ওইনা, জিলা, রাজ্য অমসুং জাতিগী থাক্তা পাংথোকপা তাঙ্কক অহুমদা খন্নবগী থবকশিং পাংথোক্তুনা ওজা ৫০ খনগনি। মনা অসি সেপ্তেম্বর ৫,২০২৪ দা  নিউ দিল্লিগী বিগ্যান ভাবন্দা পাংথোকপা থৌরম অমদা  ভারতকী রাস্ত্রপতিনা পীগনি।

কন্না হোৎনদুনা, অরোন-অথুপ লৈতবা মওংদা অমসুং ওনলাইন্দা খনবগী থবক পাংথোক্তুনা খনবা লৈবাক অসিগী খ্বাইদগী ফবা ওজাশিংদা ইজুকেসন মিনিস্ত্রিগী স্কুল ইজুকেসন অমসুং লিতেরেসি দিপার্তমেন্তনা শীন্দুনা চহি খুদিংগী সেপ্তেম্বর ৫ দা পাংথোকপা ওজাগী নুমিৎ থৌরমদা নেসনেল এৱার্দশিং পীগনি। স্কুল ইজুকেসন মগুন হেনগৎহনবা অমসুং মখোয়গী মহৈরোয়শিংগী পুন্সিগী মগুন হেনগৎহন্নবা কৎথোকপগা লোয়ননা থবক তৌরিবা লৈবাক অসিগী খ্বাইদগী ফবা ওজা খর ইকায়খুম্নবা উৎনবা নেসনেল তিচর্স এৱার্দ অসি পীবনি।  

শরুক য়ানবগী ফিবমশিং :

রাজ্য সরকার/য়ু.তি এদমিনিস্ত্রেসন, লোকেল বোদিশিং, রাজ্য/য়ু.তিশিংগী মখা লৈবা মশক খঙলবা প্রাইমারি/মিদল/হায়/হায়র সেকেন্দরি স্কুলশিং অমসুং বোর্দশিংদা এফিলিয়েত তৌরবা লনাই স্কুলশিংগী ওজাশিং অমসুং হেদশিং মনা অসি ফংবা য়াই।

• দিফেন্স মিনিস্ত্রিগী সাইনিক স্কুলশিং, এতোমিক ইনর্জি ইজুকেসন সোসাইতিগী স্কুলশিং অমসুং ত্রাইবেল এফেয়ার্স মিনিস্ত্রিগী মখাদা লৈবা এক্লাব্য মোদেল রেসিদেন্সিএল স্কুলশিং, কেন্দ্র সরকারগী স্কুলশিং হায়বদি কেন্দ্র বিদ্যলয়াশিং, জৱাহর নবোদ্যা বিদ্যলয়শিং, অমসুং
• সি.বি.এস.ই অমসুং সি.আই.এস.সি.ইদা এফিলিয়েত তৌবা স্কুলশিং।

******