ইকাই খুম্নরবা ভারতকী প্রধান মন্ত্রী, শ্রী নরেন্দ্র মোদীগী অমৃত কাল মনুংদা সাইন্তিফিক অমসুং তেক্নোলোজীগী ওইবা খুমাং চাউশিন্নবগীদমক ভিজন ওফ ইন্দিয়া @2047গী পরিং মখাদা নেস্নেল সেন্তর ফোর গুদ গভর্নান্স (NCGG) অমসুং ইন্দিয়ন নেস্নেল সাইন্স একাদেমী (INSA)না NCGG – INSA ‘লীদরশিপ প্রোগ্রাম ইন সাইন্স এন্দ তেক্নোলোজী (LEADS)’গী 3শুবা বেৎচ মায়পাক্না লোইশিনখ্রে। থৌরম অসি জুলাই 8 দগী 14, 2024 ফাওবা নই দিল্লীগী INSAদা পাঙথোকখি, মসিদা IIT, NIT, IIIT, IISER, NIPER, DST, CSIR, আর্থ সাইন্সেস মন্ত্রালয়, সেন্ত্রেল য়ুনিভর্সিতী, DRDO, ISRO, অসিগুম্বা মশক নাইরবা ইন্সতিত্যুসনশিংদগী সাইন্তিস্ত 37না শরুক য়াবা উবা ফংখি। থৌরম অসিগী পান্দমদি সাইন্তিফিক ইন্সতিত্যুসনশিং অমসুং লেবোরেতরীশিংদা লীদরশিপ অমসুং গুদ গভর্নান্সকীদমক শরুক য়ারিবা সাইন্তিস্তশিংগী কেপাসিতী হেনগৎহনবা, মখোয়দা নেস্নেল প্রাইওরিতীশিং অমদি গোলশিং নীংথিনা ফংবা ঙম্নবা ইন্সতিত্যুসনশিং মেনেজ তৌনবা খ্বাইদগী নৌবা লৌশিং অমদি স্কিলশিং ফংহনবনি।

LEADS প্রোগ্রামগী লোইশিনবগী সেসন অসিদা শ্রী শ্রীনিবাস, সেক্রেতরী, দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেস অমসুং দাইরেক্তর জেনরেল, নেস্নেল সেন্তর ফোর গুদ গভর্নান্স (NCGG)না থৌরম অদুদা ৱা ঙাংখি। থৌরম অসিদা ৱা ঙাংলদুনা শ্রী ভি. শ্রীনিবাস, IAS না হায়খি মদুদি প্রোগ্রাম অসিগী পান্দমদি লৈবাক শিনবা থুংনা তোঙান তোঙানবা সাইন্তিফিক ইন্সতিত্যুসন কয়াগী মকোক ওইরিবা নহা ওইরিবা লুচিংবশিংবু ইন্সতিত্যুস্নেল দিবেলপমেন্ততা মশক থোক্না মতেং পাংবা ঙম্নবা শেমগৎপনি। মহাক্না প্রোফেসর অশুতোশ শর্ম, INSAগী প্রসিদেন্তনা শেমগৎখিবা কম্প্রিহেন্সিব করিউলম অদুগীদমক থাগৎপা ফোংদোকখি। প্রোফেসর অশুতোশ শর্ম, INSAগী প্রসিদেন্তঅমসুং মহাক্কী তীমনা লিতিগেসন, প্রোক্যুরমেন্ত, গ্রীভান্সেস, ফাইনান্সিএল রুলশিং, কম্ম্যুনিকেসন স্কিলশিং অমসুং পোলিসীগী হিরমশিং য়াওনা হিরম কয়া অমা কভর তৌখি।

INSA-NCGG LEADS জুলাই 2024 প্রোগ্রামদা নুপা 23 অমসুং নুপী 14 য়াওনা সাইন্তিস্ত 37না শরুক য়াখি। মরুওইনা, অহুমশুবা বেৎচ অসিনা নুপীশিংনা 38% শরুক য়াখি, মসিনা অহানবা অমসুং অনিশুবা বেৎচকী মথংশিৎনা 14% অমসুং 25% গা চাংদম্নবদা মশক থোক্না হেনগৎখি, মসিনা লুচিংবগী থৌদাংশিংদা জেন্দর দাইভর্সিতী কয়া লৈহন্নবা প্রোগ্রাম অসিগী থৌদাং অদু উৎলি। প্রোগ্রাম অসিদা ভারতকী রাজ্য 14 অমসুং শহর 17দগী শরুক য়ারি। পনবা য়াবা রাজ্যশিংগী মরক্তা দিল্লী NCR (8), মহারাস্ত্রা (4), উত্তর প্রদেশ (4) অমসুং অতৈসু য়াওরি। থৌরম অসিদা শরুক য়াখিবা মরুওইবা শহরশিংদি দিল্লী (8), পুনে (3), কোলকাতা (4), অমসুং হায়দ্রাবাদ (4) নি। শরুক য়ারিবশিং অসি IIT  13, NIT 1, IIIT 1, IISER 3  অমসুং DST (7) অমসুং CSIR (5)গুম্বা সরকারগী ওর্গনাইজেসনশিংগী মীহুৎশিংনা থৌরম অদুগী মনুংদা ৱাখল্লোন অমসুং এক্সপরিয়েন্সকী মরাং কাইরবা একচেঞ্জ তৌহনখি।

নুমিৎ তরেৎকী মপুং ফানা রেসিদেন্সিএল  ওইবা প্রোগ্রাম অসিনা এদমিনিস্ত্রেসন, ফাইনান্সিএল মেনেজমেন্ত অমসুং কমপ্লাইন্স, লিদরশিপ স্কিল্স, কম্ম্যুনিকেসন অমসুং মেদিয়া, অমসুং পোলিসী য়াওনা হীরম কয়া অমা কভর তৌখি। মসিনা ইনতেন্সিব ওইবা লর্নিং এক্সপরিয়েন্স অমা ফংহনখি। মসিনা শরুক য়ারিবশিংবু সাইন্স অমসুং তেক্নোলোজীগী লমদা ইফেক্তিব ওইনা লুচিংনবা মথৌ তাবা স্কিলশিং অমসুং ইনসাইৎশিং পীনখি। মসিনা প্রোগ্রেসিব অমসুং ইন্নোবেতিব ইন্দিয়া অমগী মিৎয়েংদা মতেং পাংখি। হৌজিক ফাওবদা, INSA অমসুং NCGG না লৈবাক শিনবা থুংনা লৈরিবা সাইন্তিফিক ইন্সতিত্যুসনশিংদগী সাইন্তিস্ত 125গা লোয়ননা সাইন্স অমসুং তেক্নোলোজীদা লুচিংবা দিবেলপমেন্ত প্রোগ্রাম (LEADS) গী বেৎচ অহুম পুন্না মায় পাক্না পাংথোকখ্রে।

লোইশিনবগী সেসন অদুদা INSAগী প্রসিদেন্ত, কোর্স কোওর্দিনেতর, প্রোফেসর অশুতোশ শর্মনা ময়াই তাংবল লৌখিবা অসিদা INSAগী একজিক্যুতিব দাইরেক্তর, কো-কোওর্দিনেতর, দা. ব্রাজেশ পান্দে, INSAগী দিপুতী একজিক্যুতিব দাইরেক্তর, শ্রী সুনিল জোকার্কর, NCGGগী চীফ এদমিনিস্ত্রেতিব ওফিসর অমসুং কনসলতেন্ত, কো-ওর্দিনেতর, শ্রীমতি প্রিস্কা পোলী মেথ্যু, NCGGগী এসিস্তেন্ত প্রোফেসর, দা. গাজালা হসন; অতৈ INSA অমসুং NCGGগী দেদিকেতেদ ত্রেনিং তীমশিংনা শরুক য়াখি।

****