কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা 'এক পের মা কে নাম' কেম্পেনগী মখাদা নোংমদা উ চারা লাখ ১১ থানবগী পান্দমদা মধ্য প্রদেশকী ইন্দোরদা লৈবা বি.এস.এফ. কেম্পসতা উ চারাশিং থাদুনা উ থাবগী দ্রাইব হৌদোকখ্রে। মধ্য প্রদেশকী মুখ্য মন্ত্রী শ্রী মোহন য়াদব, অমসুং কেন্দ্রগী মন্ত্রী শ্রীমতি সাবিত্রি থাকুর য়াওনা  তোঙান-তোঙানবা ইকাইখুম্নবদা মতীক চারবা মীওইশিংনা থৌরম অদুদা শরুক য়াখি। 'এক পের মা কে নাম' কেম্পেনগী মখাদা ইন্দোরনা নোংমদা উ চারা লাখ ১১ থাবগী ৱামেলগী রেকোর্দ অমা থমখ্রে অমসুং উ পাম্বী লাখ ৫১ থাবগী পান্দম ফংখি।

অঙনবা অয়ুক্তা, শ্রী অমিত শাহনা ইন্দোরগী পিত্রেশ্বর হনুমান লাইশঙদা খুরমজনবা চৎখি। পিত্রেশ্বর হনুমান লাইশঙ অসিদা ভারত্তা খ্বাইদগী ৱাংবা হনুমানগী ফমদুনা লৈবা মীতম লৈ।

মহাক্কী ৱারোলদা শ্রী অমিত শানা হায়খি মদুদি মসি ঐখোয়গী ইমাশিং অমসুং মালেম ইমাগীদমক উ পাম্বী থানবা অমসুং 'এক পের মা কে না' কেম্পেন্দা শরুক য়াবীনবা  মীয়ামদা পুক্নিং চিংশিল্লিবা প্রধান মন্ত্রী শ্রী নরেন্দ্র মোদীগী ৱাখল্লোন্নি মহাক্না হায়খি মদুদি মোদীজিনা কেম্পেন অসি হৌদোকপা মতমদা কেম্পেন অসি মীয়ামগী ঈহৌ অমা ওইরক্কনি হায়বা কনা অমত্তনা খল্লুদে। মহাক্না হায়খি মদুদি ঙসিদি মীয়াম্না মখোয়গী ইমা অমসুং মালেম ইমাবু 'এক পের মা কে নাম' কেম্পেনগা মরী লৈননা উ পাম্বী থাদুনা ইকাখুম্নবা উৎলি। শ্রী শাহনা হায়খি মদুদি লু নানবা, অফবা লৈঙাক, অহাওবা মথেল কোওপরেসনগীদমক খঙনরিবা অমসুং শরুক য়াবগীদমক খঙনরিবা ইন্দোর অসি মসিগী তুংদগীদি 'এক পের মা কে নাম' কেম্পেনগী মখাদা পুৱারী ওইহৌরগদবা উ থাবগী দ্রাইব অসিগীদমকসু খঙনরগনি। মহাক্না হায়খি মদুদি স্মার্ত সিতী, মেত্রো সিতী, লু নানবা লসিতী, মোদর্ন এজুকেসনগী হব অমা ওইবগীদমক খঙনরিবা ইন্দোর অসি গ্রীন সিতীগীদমকসু খঙনরগনি।

কেন্দ্রগী গৃহ মন্ত্রীনা হায়খি মদুদি মসি এদমিনিস্ত্রেসন অমখক্তনা পায়খৎপা য়াবা লৈঙাক্কী থৌরম অমখক্তা ওইবা নত্তে। মহাক্না হায়খি মদুদি রাজ্য সরকারনা ইন্দোরদা লৈবা মীপুম খুদিংমকপু কেম্পেন অসিগা মরী লৈনহল্লি। মহাক্না মমিং লৈরবা মীওইশিংবু কাস্ত অমসুং খুনাইগা মরী লৈনহন্দুনা উমং অমা শেম্বগী ৱাখল পুথোরক্লিবা ইন্দোরগী নহা ওইরিবা মেয়র অসিবু থাগৎখি। শ্রী শাহনা হায়খি মদুদি খোংনাং, নীম, খোংনাং বোতকুম্বা কুইনা হিংবা পাম্বীশিংগা লোইননা হিদাক্কী মগুন চেনবা পুংথোন, মধুকামিনি, করোন্দা, বেলপত্র অমসুং হৈক্রুগুম্বা পাম্বীশিংসু থাখি। মহাক্না হায়খি মদুদি উমং মাপন শেমগৎকদবা কমপ্লেক্স অসিদা মখোয়বু ঈশিং পীনবা পুখ্রীশিংসু শেমখ্রে।

অমিত শাহনা লৈবা অসিদা লৈরিবা সেন্ত্রেল আর্ম্দ পুলিস ফোর্সেস (সি.এ.পি.এফ.) খুদিংমকপু শিংথারদুনা হায়খি মদুদি ঐখোয়না মে ২০২৪ ফাওবদা সি.এ.পি.এফ. খুদিংমক্না পাম্বী করোর ৫ থাগনি হায়না পান্দম অমা থমখি। মহাক্না হায়খি মদুদি হৌজিক ফাওবদা, সি.এ.পি.এফ.না উ চারা করোর ৫.২ থাখ্রে অমসুং করোর ১ চহি অসিগী লোইরকপদা থাগনি অথাবা মতমগী মাংজৌননা উ পাম্বী করোর ৫ থাবগী পান্দম ফংখিবগীদমক শিংথাখি। উ পাম্বীগী মরুওইবগী মতাংদা ঙাংলদুনা শ্রী শাহনা হায়খি মদুদি মসি মতস্যা পুরান্দা স্তেপ ৱেল অমগা গুহা ১০গা মান্নৈ, পুখ্রী অমগা স্তেৱেল ১০গা মান্নৈ, মচা নুপা অমগা পুখ্রী ১০গা মান্নৈ অমসুং উ অমগা মচানুপা ১০গা মান্নৈ হায়না ইদুনা থম্বীরম্মি। মহাক্না হায়খি, উশিং অসিনা চাউদ্রিবা ফাওবদি অদোমগী অঙাংশিংবু শোইদ ঙামদনবা শেন্নবগুম উ পাম্বীবুসু শেন্নবীয়ু, মখোয়না হয়েং চাউরগা, নখোয়বু নখোয়গী ইমাগুম্না শেনবীরক্কনি।

কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা হায়খি মদুদি ঐখোয়না ঐখোয়গী তুংগী মীরোনগীদমক মাংজিল থানা খনগদবনি হায়না প্রধান মন্ত্রী শ্রী নরেন্দ্র মোদী হায়রি। মহাক্না হায়খি মদুদি হৌজিক মালেম অসিনা চাউখৎপগী মওং অসিনা ঙসিদি ভারত্তদা নত্তনা মালেম পুম্বদা অকোইববু ঙাক শেন্দুনা থমদবা য়াদবগী ফিভম অমদা লাক্লে। মহাক্না হায়খি প্রধান মন্ত্রী মোদীনা হৌদোক্লিবা 'এক পের মা কে নাম' কেম্পেন অসিনা অইং অশাগী শমশ্যা অসিদগী কন্নবা খ্বাইদগী মতীক চাবা পাউখুম্নি। শ্রী শাহনা হায়খি মদুদি মধ্য প্রদেশতা মাগী অপুনবা লম্বগী ৩১% উমংনা কুপ্লি অমসুং মসিনা ভারত পুম্বগী ওক্সিজেন পীরি। মহাক্না হায়খি মদুদি মধ্য প্রদেশতা লৈবাক অসিগী অপুনবা উমংগী শরুক্কী ১২% লৈ, অমসুং মসিনা তুরিজমদসু চাউনা কান্নবা পীরি। মহাক্না  হায়খি মধ্য প্রদেশতা কৈগী রিজার্ব ৬ লৈ, নেসনেল পার্ক ১১, সেঙ্কচুৱারী ২৪ লৈ, অমসুং প্রধান মন্ত্রী মোদীনা হৌজিক্তি কুনো তাইগর রিজার্বতা চীতাহ পুরক্তুনা ঐখোয়গী অকোইবদা কান্নবা পীরগনি। শ্রী শাহনা হায়খি মদুদি প্রধান মন্ত্রী মোদীনা তোঙান-তোঙানবা থৌরাং কয়া জি২০দা লৌখি, মসিদা মালেম অমা, ইমুং অমা, তুংলমচৎ অমা অমসুং গ্লোবেল বাইওফ্যুল এলাইএন্স য়াওরি, মসিনা মরম ওইদুনা য়ুনাইতেদ নেসন্সনা মোদীজিবু চেম্পীয়ন ওব দি আর্থকী মনা পীদুনা ইকাইখুম্নবা উৎখ্রে।

শ্রী অমিত শাহনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা জাতিগী থাক্তা অকোইববু কন্নবগী থৌরাং কয়া অমা লৌখৎখ্রে। মহাক্না হায়খি পেত্রোল অমসুং দিজলদা ইথানোল চাদা ২০ হাপ্পগী থবকসু অয়াবা পীখ্রে অমসুং ২০২৫ ফাওবদদি ভারত পুম্বদা পেত্রোল অমসুং দিজলদা ইথানোল চাদা ২০ য়াওরগনি। মসিগা লোইননা, বাইওমাসপু বাইওফ্যুলদা ওন্থোক্নবা রিফাইনরী ১২ লিংখৎখ্রে, গ্রীন হায়দ্রোজেন মিসনগী মখাদা লুপা করোর লিশিং ২০গী থৌরাং অমসু শেম্লে। মসিগা লোইননা, শ্রী নরেন্দ্র মোদীনা মাংজিল থানা য়েংবদা লোইননা অকোইববু কন্নবগীওদমক গোবর্ধন স্কিম অমসুং নেসনেল এদাপতেসন ফন্দ ফোর ক্লাইমেত চেঞ্জ হৌদোকখ্রে।

কেন্দ্রগী গৃহ মন্ত্রীনা হায়খি মদুদি শ্রী নরেন্দ্র মোদীনা অহুমশুবা তার্মগী প্রধান মন্ত্রী ওইরে। মহাক্কী লুচিং মখাদা, লৈবাক অসিনা হেন্না তংদু লৈতাবা, চাউখৎপা, মতমগা চুন্নবা ওইরগনি অমসুন মালেমদা হীরম খুদিংমক্তা মকোক থোংগনি। মহাক্ন হায়খি মদুদি মসিগীদমক অচৌবা হোৎনজমলদি মধ্য প্রদেশনা ফংগদবনি। শ্রী শাহনা হায়খি মদুদি মধ্য প্রদেশতা লৈরিবা শ্রী মোহন য়াদবজিগী লৈঙাক অসিনা রাজ্য অসিদা চাউখৎ থৌরাংগী থৌরাং কয়া হৌদোকখ্রে। মহাক্না হায়খি মুখ্য মন্ত্রী শ্রী মোহন য়াদবজিনা হন্দক্তা লুপা করোর লাখ ৩গা লিশিং ৬৫গী বজেত অমা লান্থোকখ্রে, মসি মধ্য প্রদেশকী ওইনা হৌজিক ফাওবদা খ্বাইদগী চাউবা বজেত ওইরি। মহাক্না হায়খি, মধ্য প্রদেশনকী বজেত অসিনা চাউখৎপা অমসুং লৌমীশিংগী য়াইফ থৌরাংদা খল অমা পুরকপা ঙমগনি।

***