প্রধানমন্ত্রীগী লোইশঙ
প্রধান মন্ত্রীনা উন্নাউ লম্বীগী এক্সিদেন্ততা থম্মোয় শোক্না নুংঙাইতবা ফোঙদোকখ্রে, এক্স-গ্রেসিয়া লাউথোকখ্রে
Posted On:
10 JUL 2024 10:45AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি উন্নাউদা থোকখিবা লম্বীগী লাইবক থিবা থৌদোক্তা থম্মোয় শোক্না নুংঙাইতবা ফোঙদোকখ্রে। স্তেত লৈঙাক্কী মীৎয়েঙ মখাদা লোকেল এদমিনিস্ত্রেসন্না অঙম্বা থাক্তা অৱা-অনা তারবশিংগী মতেঙ পাঙলি হায়না মহাক্না থাজবা পীখি।
প্রধান মন্ত্রীগী ওফিসন্না (পি.এম.ও.) X তা থাগৎলকখি:
“উত্তর প্রদেশকী উন্নাউদা থোকখিবা লম্বীগী লাইবক থিবা থৌদোক্না থম্মোয় শোক্না নুংঙাইহনদ্রে। থৌদোকসিদা নক্ন-চান্নবা ইমুং মনুংগী মীওইশিং লৈখিদবা য়াওবশিংগী অৱাবদা ঐহাক্না শরুক য়াজরি। অৱাবা পুংফমসিদা তাইবঙ মপুনা মখোয়দা পাঙ্গল পীনবিবা ওইরসনু। মসিগা লোয়ননা অশোক অপন নংলবশিংসু থুনা ফগৎলকপা ওইরসনু হায়না থৌনিজরি। স্তেত লৈঙাক্কী মীৎয়েঙ মফমদা মফমদুগী এদমিনিস্ত্রেসসন্না অৱা-অনা তারবশিংগী মতেঙ অঙম্বা থাক্তা পাংলি: PM @narendramodi"
শ্রী মোদীনা উন্নাউগী লাইবক থিবা থৌদোক্তা লৈখিদ্রবশিংগী ইমুং মনুংদা পি.এম.এন.আর.এফ.তগী লুপা লাখ ২গী এক্স-গ্রেসিয়া অমদি অশোকপশিংগী মফমদা লুপা ৫০,০০০গী শেলগী তেঙবাং পীনবা ৱাফমসু লাউথোকখ্রে।
প্রধান মন্ত্রীগী ওফিসন্না (পি.এম.ও.) X তা থাগৎলকখি:
“প্রধান মন্ত্রীনা উন্নাউগী লাইবক থিবা থৌদোক্তা লৈখিদ্রবশিংগী ইমুং মনুংদা পি.এম.এন.আর.এফ.তগী লুপা লাখ ২গী এক্স-গ্রেসিয়া পীরগনি হায়না লাউথোকখ্রে। অশোকপশিংগী মফমদা লুপা ৫০,০০০গী শেলগী তেঙবাং পীগনি।”
***
(Release ID: 2032119)
Visitor Counter : 16
Read this release in:
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam