কোল অমসুং মাইন্সকী কেন্দ্র মন্ত্রী শ্রী জি. কিশন রেদ্দীনা ঙসি শাস্ত্রী ভবনদা দি.এম.এফ. গেলরী হাংদোকখ্রে। রাজ্য মন্ত্রী শ্রী সতিশ চন্দ্র দুবেসু শরুক য়াখি। দি.এম.এফ. গেলরী অসিনা শাস্ত্রী ভবন মনুংদা মখোয়গী কোর্পোরেত সোসিয়েল রেস্পোন্সিবিলিতীগী মখাদা দিস্ত্রিক্ত মিনরেল ফাউন্দেসন/প্রধান মন্ত্রী খনিজ ক্ষেত্র কল্যান য়োজনা অমসুং মাইনিং কম্পেনীশিংনা সপোর্ত তৌবা এস.ঐচ.জি.শিংগী মখাদা শেম্বা সেল্ফ-হেল্প গ্রুপশিংগী পোত্থোকশিং উৎকনি।

মন্ত্রীনা এস.ঐচ.জি.শিংগা উনদুনা ৱারী শানখি অমদি ওরিশাদগী কিয়োনঝার অমসুং কোরাপুত দি.এম.এফ.গী এস.ঐচ.জি.শিংনা শেম শাবা মখোয়গী পোত্থোকশিংবু থাগৎপা ফোংদোকখি অমসুং লৈবাক্কী তোঙান তোঙানবা রাজ্যশিংদা এস.ঐচ.জি.শিংবু তেংবাংবগীদমক হিন্দুস্তান কোপর লিমিতেদ অমসুং হিন্দালকোগী থোইদোক হেন্দোকপা হোৎনখিবশিংবু থাগৎখি।

চয়োল অসিদা, দি.এম.এফ. কিয়োনঝারনা ফন্দ তৌবা কৃষ্ণ সেল্ফ হেল্প গ্রুপনা ম্লেত ফুদ আইতেমশিং, মপুশিং অমসুং তাসার সিল্ক পোত্থোকশিং উৎলি অমদি দি.এম.এফ. কোরাপুতনা ফন্দ তৌবা মহিমা সেল্ফ হেল্প গ্রুপনা লেমোনগ্রাস, জপানিজ মিন্ত ওইল প্রদক্তশিং উৎলি। হিন্দুস্তান কোপর লিমিতেদ (ঐচ.সি.এল.)না তেংবাংবা সেল্ফ হেল্প গ্রুপ ২৫না শিন্ন-শিন্নদুনা দি.এম.এফ. গেলরীদা মখোয়গী পোত্থোকশিং উৎকনি।

সস্তেনেবল মাইনিং চার্তর মেন্দেতকী মতুংইন্না, হিন্দালকোনা সেল্ফ হেল্প গ্রুপ কয়া অমা তেংবাং পীরি, মদুনা আর্তিসান ৩০০০ হেন্না কানবা ফংহল্লি মদুদা কোসলা – ছত্তিসগর কোসা ৱিভর নৌনা শেমগৎপা, কাশি গ্রাস ৱুবন আর্তকীদমক ইনিসিয়েতিব অমা ওইরিবা ত্রিনা, জির্হুল – নোবেল জেল সেনিতরী নেপকিন, ভমশালা – ৱা অমসুং কাশি গ্রাস ক্রাফ, কথৌতিয়া অমসুং বিবর্তনা – ৱীদতগী বাইও-কম্পোজিত আর্তিফেক্ত ফাওবা অতোপ্পা পোত্থোকশিং পুথোক্লি।

মাইন্স মন্ত্রালয়না ২০১৫দা মাইন্স অমসুং মিনরেলস (দিবেলপমেন্ত & রেগুলেসন) (এম.এম.দি.আর.) এক্ততা এমেন্দমেন্ত তৌদুনা মাইনিংনা শোকহল্লবা জিলা পুম্নমক্তা দিস্ত্রিক্ত মিনরেল ফাউন্দেসন (দি.এম.এফ.) লিংখৎপগী প্রোবিজন পীরি। দি.এম.এফ.গী পান্দমদি মাইনিংগা মরী লৈনবা ওপরেসনশিংনা শোকহল্লবা মীওইশিং অমসুং মফমশিংগী কাননবা অমসুং য়াইফনবগীদমক থবক তৌবনি। দি.এম.এফ.গী খুত্থাংদা, তোঙান তোঙানবা জিলাশিংনা সেল্ফ হেল্প গ্রুপশিং শেমগৎতুনা তোঙান তোঙানবা লোকেল প্রদক্তশিং পুথোক্লে।

****