ਕੇਂਦਰੀ ਕੋਲਾ ਅਤੇ ਖਣਨ ਮੰਤਰੀ ਸ਼੍ਰੀ ਜੀ ਕਿਸ਼ਨ ਰੈੱਡੀ ਨੇ ਅੱਜ ਸ਼ਾਸਤਰੀ ਭਵਨ ਵਿੱਚ ਡੀਐੱਮਐੱਫ ਗੈਲਰੀ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਰਾਜ ਮੰਤਰੀ ਸ਼੍ਰੀ ਸਤੀਸ਼ ਚੰਦਰ ਦੂਬੇ ਵੀ ਮੌਜੂਦ ਸਨ। ਡੀਐੱਮਐੱਫ ਗੈਲਰੀ ਸ਼ਾਸਤਰੀ ਭਵਨ ਦੇ ਅਹਾਤੇ ਵਿੱਚ, ਜ਼ਿਲ੍ਹਾ ਮਿਨਰਲ ਫਾਊਂਡੇਸ਼ਨ/ਪ੍ਰਧਾਨ ਮੰਤਰੀ ਖਣਿਜ ਖੇਤਰ ਕਲਿਆਣ ਯੋਜਨਾ ਅਤੇ ਖਣਨ ਕੰਪਨੀਆਂ ਵਲੋਂ ਸਮਰਥਿਤ ਸਵੈ-ਸਹਾਇਤਾ ਸਮੂਹਾਂ (ਐੱਸਐੱਚਜੀ) ਦੇ ਉਤਪਾਦਾਂ ਨੂੰ ਸ਼ਾਸਤਰੀ ਭਵਨ ਦੇ ਅਹਾਤੇ ਵਿੱਚ ਪ੍ਰਦਰਸ਼ਿਤ ਕਰੇਗੀ।

ਮੰਤਰੀਆਂ ਨੇ ਐੱਸਐੱਚਜੀ ਨਾਲ ਗੱਲਬਾਤ ਕੀਤੀ ਅਤੇ ਓਡੀਸ਼ਾ ਦੇ ਡੀਐੱਮਐੱਫ ਕੇਓਂਝਾਰ ਅਤੇ ਕੋਰਾਪੁਟ ਦੇ ਐੱਸਐੱਚਜੀ ਵਲੋਂ ਤਿਆਰ ਕੀਤੇ ਉਨ੍ਹਾਂ ਦੇ ਉਤਪਾਦਾਂ ਦੀ ਸ਼ਲਾਘਾ ਕੀਤੀ ਅਤੇ ਦੇਸ਼ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਐੱਸਐੱਚਜੀ ਦੀ ਸਹਾਇਤਾ ਲਈ ਹਿੰਦੁਸਤਾਨ ਕਾਪਰ ਲਿਮਿਟਡ ਅਤੇ ਹਿੰਡਾਲਕੋ ਦੇ ਸ਼ਲਾਘਾਯੋਗ ਯਤਨਾਂ ਦੀ ਸ਼ਲਾਘਾ ਕੀਤੀ।

ਡੀਐੱਮਐੱਫ ਕੇਓਂਝਾਰ ਵਲੋਂ ਫੰਡ ਪ੍ਰਾਪਤ ਕ੍ਰਿਸ਼ਨਾ ਸੈਲਫ ਹੈਲਪ ਗਰੁੱਪ ਮੋਟੇ ਅਨਾਜ ਦੀਆਂ ਖਾਣ-ਪੀਣ ਦੀਆਂ ਵਸਤੂਆਂ, ਬੀਜ ਅਤੇ ਟਸਰ ਸਿਲਕ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰ ਰਿਹਾ ਹੈ ਅਤੇ ਡੀਐੱਮਐੱਫ ਕੋਰਾਪੁਟ ਵਲੋਂ ਫੰਡ ਪ੍ਰਾਪਤ ਮਹਿਮਾ ਸਵੈ ਸਹਾਇਤਾ ਸਮੂਹ ਇਸ ਹਫਤੇ ਲੈਮਨਗ੍ਰਾਸ, ਜਾਪਾਨੀ ਪੁਦੀਨੇ ਦੇ ਤੇਲ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰ ਰਿਹਾ ਹੈ। ਹਿੰਦੁਸਤਾਨ ਕਾਪਰ ਲਿਮਟਿਡ (ਐੱਚਸੀਐੱਲ) ਵਲੋਂ ਸਮਰਥਤ 25 ਐੱਸਐੱਚਜੀ ਚੱਕਰ ਦੇ ਅਧਾਰ 'ਤੇ ਡੀਐੱਮਐੱਫ ਗੈਲਰੀ ਵਿੱਚ ਆਪਣੇ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰਨਗੇ।

ਟਿਕਾਊ ਖਣਨ ਚਾਰਟਰ ਦੇ ਅਨੁਸਾਰ, ਹਿੰਡਾਲਕੋ ਕਈ ਸਵੈ-ਸਹਾਇਤਾ ਸਮੂਹਾਂ ਦਾ ਸਮਰਥਨ ਕਰ ਰਿਹਾ ਹੈ, ਜਿਸ ਵਿੱਚ 3000 ਤੋਂ ਵੱਧ ਕਾਰੀਗਰ ਸਿੱਧੇ ਤੌਰ 'ਤੇ ਲਾਭ ਪ੍ਰਾਪਤ ਕਰ ਰਹੇ ਹਨ, ਜਿੱਥੇ ਕੋਸਾਲਾ - ਛੱਤੀਸਗੜ੍ਹ ਕੋਸਾ ਬੁਣਕਰੀ ਨੂੰ ਮੁੜ ਸੁਰਜੀਤ ਕਰਨਾ, ਤ੍ਰਿਨਾ ਕਾਸ਼ੀ ਘਾਹ ਦੀ ਬੁਣਾਈ ਕਲਾ ਲਈ ਇੱਕ ਪਹਿਲਕਦਮੀ, ਜਿਰਹੁਲ - ਨਾਵਲ ਜੈੱਲ, ਸੈਨੇਟਰੀ ਨੈਪਕਿਨ ਅਤੇ ਵਾਮਸ਼ਾਲਾ - ਬਾਂਸ ਅਤੇ ਕਾਸ਼ੀ ਘਾਹ ਬੁਣਾਈ ਕਲਾ, ਕਥੌਟੀਆ ਅਤੇ ਵਿਵਰਤਨਾ - ਲੈਂਟਾਨਾ ਘਾਹ ਤੋਂ ਲੈ ਕੇ ਬਾਇਓ-ਕੰਪੋਜ਼ਿਟ ਕਲਾਕ੍ਰਿਤੀਆਂ ਸਮੇਤ ਹੋਰ ਉਤਪਾਦਾਂ ਦਾ ਉਤਪਾਦਨ ਕੀਤਾ ਜਾਂਦਾ ਹੈ।

ਖਾਣਾਂ ਅਤੇ ਖਣਿਜਾਂ (ਵਿਕਾਸ ਅਤੇ ਰੈਗੂਲੇਸ਼ਨ) (ਐੱਮਐੱਮਡੀਆਰ) ਐਕਟ, 2015 ਵਿੱਚ ਸੋਧ ਰਾਹੀਂ ਖਾਣਾਂ ਦੇ ਮੰਤਰਾਲੇ ਨੇ ਖਣਨ ਤੋਂ ਪ੍ਰਭਾਵਿਤ ਸਾਰੇ ਜ਼ਿਲ੍ਹਿਆਂ ਵਿੱਚ ਜ਼ਿਲ੍ਹਾ ਖਣਿਜ ਫਾਊਂਡੇਸ਼ਨ (ਡੀਐੱਮਐੱਫ) ਦੀ ਸਥਾਪਨਾ ਦਾ ਉਪਬੰਧ ਕੀਤਾ ਹੈ। ਡੀਐੱਮਐੱਫ ਦਾ ਉਦੇਸ਼ ਖਣਨ ਸੰਬੰਧੀ ਕਾਰਜਾਂ ਤੋਂ ਪ੍ਰਭਾਵਿਤ ਵਿਅਕਤੀਆਂ ਅਤੇ ਖੇਤਰਾਂ ਦੇ ਹਿੱਤ ਅਤੇ ਲਾਭ ਲਈ ਕੰਮ ਕਰਨਾ ਹੈ। ਡੀਐੱਮਐੱਫ ਦੁਆਰਾ, ਵੱਖ-ਵੱਖ ਜ਼ਿਲ੍ਹਿਆਂ ਨੇ ਵੱਖ-ਵੱਖ ਸਥਾਨਕ ਉਤਪਾਦਾਂ ਦਾ ਉਤਪਾਦਨ ਕਰਨ ਵਾਲੇ ਸਵੈ-ਸਹਾਇਤਾ ਸਮੂਹਾਂ ਦੀ ਸਥਾਪਨਾ ਕੀਤੀ ਹੈ।

**********

ਬੀਨਾ ਯਾਦਵ/ਸ਼ੁਹੈਬ ਟੀ