அனைவருக்கும் மாலை வணக்கம்!

இது ஒரு சிறப்பான நாள். உங்களைப் போன்ற இளம் தொழில் வல்லுநர்களை சந்திக்கும் போது, நான் எப்போதும் உத்வேகம், உற்சாகம் பெறுகிறேன், ஏனென்றால் 2047-ஆம் ஆண்டில் வளர்ந்த இந்தியா என்ற தொலைநோக்குப் பார்வை நிறைவேறுவது உங்கள் கைகளில்தான் உள்ளது.

இந்த நிகழ்ச்சியில் உரையாற்றுவதில் நான் மிகுந்த மகிழ்ச்சியடைகிறேன். மனிதகுலத்தில் ஆறில் ஒரு பங்கு கொண்ட ஒரு நாட்டில் சேவையின் ஒரு பகுதியாக இருக்கும்  உங்களுக்கும், உங்கள்  குடும்பத்தினர் மற்றும் நண்பர்களுக்கும் இது ஒரு முக்கியமான தருணம். தற்போது, நீங்கள் மாற்றத்தின் முன்னோடியாக இருக்கக்கூடிய ஆளுகையின் ஒரு முக்கிய அம்சமாக இருக்கிறீர்கள். இந்த மாற்றம், அண்மைக்கால அடித்தள சாதனைகளின் அடிப்படையில், நமது பாரதத்தை வேகமாக வளர்ந்து வரும் பெரிய உலகப் பொருளாதாரங்களில் ஒன்றாக ஆக்குகிறது.

1989-இல் நான் நாடாளுமன்றத்திற்குத் தேர்ந்தெடுக்கப்பட்டபோது இந்தியப் பொருளாதாரத்தின் அளவு பாரிஸ் மற்றும் லண்டனின் பொருளாதாரங்களை விட சிறியதாக இருந்தது. ஆனால் இன்று நாம் ஏற்கனவே 5-வது பெரிய பொருளாதாரமாக உள்ளோம். அடுத்த 2 அல்லது 3 ஆண்டுகளில் உலகின் மூன்றாவது பெரிய பொருளாதாரமாக உருவெடுக்கும் பாதையில் உள்ளோம்.

கடின உழைப்பு மற்றும் கல்வியில் சிறந்து விளங்குவதன் உச்சக்கட்டமாக நீங்கள் இங்கு வந்திருப்பது, பொதுச் சேவையின் உன்னத லட்சியங்களுக்கான உங்கள் அர்ப்பணிப்புக்கு ஒரு சான்றாகும்.

நீங்கள் ஒருபோதும் குறுக்கு வழிகளை நாட மாட்டீர்கள், சட்டங்களை மீறுவதற்கு ஒருபோதும் தூண்டப்பட மாட்டீர்கள் என்று உறுதி மேற்கொள்ளுங்கள். உண்மையில், பெரும்பாலான மக்களுக்கு நீங்கள் மாற்றத்தைக் கொண்டு வரக்கூடிய அடையாளமாகத் திகழ்வீர்கள். மக்கள் தங்கள் குழந்தைகளை உங்களைப் போலவே வளர்ப்பார்கள்.

பாதுகாப்பு மற்றும் நிர்வாகத்தின் சூழல் வேகமாக மாறி வருகிறது. தொழில்நுட்ப முன்னேற்றங்கள், புவிசார் அரசியல் மாற்றங்கள் மற்றும் சிக்கலான நிர்வாக செயல்பாடுகள் ஆகியவை வேகமாக வளர்ந்து வரும் தொழில்நுட்பங்களைத் தொடர்ந்து மாற்றியமைத்து புதுமைகளை உருவாக்க வேண்டியுள்ளது.

தொழில்நுட்பத்தை எவ்வாறு பயன்படுத்தலாம் என்பது குறித்து ஒரு பிரதிபலிப்பு இருந்தது. உங்கள் துறையில் நீங்கள் தொழில்நுட்பத்தைப் பயன்படுத்த வேண்டும். செயற்கை நுண்ணறிவு, இணையவழி செயல்பாடுகள், இயந்திர கற்றல், பிளாக்செயின் இவை அனைத்தையும் நீங்கள் சமாளிக்க வேண்டும். உங்கள் கற்றல் ஒருபோதும் நிற்காது. நீங்கள் கற்றுக்கொள்வதை நிறுத்தும் தருணத்தில், பொது சேவையில் உங்கள் அர்ப்பணிப்பு சரிந்து, கீழ்நோக்கி சரிந்துவிடும், எனவே உலகளாவிய அளவுகோலில் உங்களை புதுப்பித்துக் கொள்ளுங்கள்

உங்களது அர்ப்பணிப்பான முயற்சிகள், நமது தேசத்தையும் அதன் நலன்களையும் பாதுகாக்கத் தேவையான உள்கட்டமைப்பை நமது பாதுகாப்புப் படைகள் கொண்டிருப்பதை உறுதி செய்கிறது.

"வளர்ந்த பாரதம்@2047" தொலைநோக்குக்கு ஏற்ப வலுவான, வளமான இந்தியாவை நாம் தொடர்ந்து உருவாக்குவோம்.

நன்றி. ஜெய் ஹிந்த்!

***

(Release ID:2031591)
PKV/BR/KR