নেসনেল তিচর্স মনা ২০২৪গীদমক জুন ২৭, ২০২৪দগী এজুকেসন মন্ত্রালয়গী পোর্তেল http://nationalawardstoteachers.education.gov.in দা ইলিজিবল ওইরবা ওজাশিংদগী ওনলাইন সেল্ফ নোমিনেসনগীদমক চেবাও থারে। ওনলাইন নোমিনেসন লৌশিনবগী অরোইবা মতম জুলাই ১৫, ২০২৪ ফাওবা ওইগনি। হন্দক্কী চহিগী তাংকক অহুমদা খন্নবগী থৌওংদা হায়বদি জিলা, রাজ্য অমসুং জাতিগী থাক্তা ওজা ৫০ খনগনি। মনা অসি ভারতকী রাস্ত্রপতিনা সেপ্তেম্বর ৫, ২০২৪ দা বিগ্যান ভাবন, নৈ দিল্লীদা পাঙথোকপা থৌরম অমদা লান্থোক্কনি।

দিপার্ত্মেন্ত ওব স্কুল এজুকেসন অমসুং লিতরেসী, এজুকেসন মন্ত্রালয়না জাতিগী থাক্তা ওজাশিংগী নুমিৎ হায়বদি চহি খুদিংগী সেপ্তেম্বর ৫ দা নীংথিনা য়েংলবা, মনুং মপান ফাওনা উবা, অমসুং ওলাইন সেলেক্সন প্রোসেস তৌদুনা লৈবাক অসিগী খ্বাইদগী ফরবা ওজাদা জাতিগী মনা লান্থোক্নবা পাঙথোক্লি। নেসনেল তিচর্স মনা অসিগী পান্দমদি লৈবাক অসিগী খ্বাইদগী ফরবা ওজাশিংগী অখন্নবা থৌদাংশিংবু শক খঙবীবা অমসুং মখোয়না হোৎনজবনা স্কুল এজুকেসনগী মগুন হাপকৎপদা নত্তনা মহৈরোইশিংগী পুন্সিবু হেন্না লংহন্নবা হোৎনরিবা ওজাশিংবু ইকাইখুম্নবা উৎপনি।

ইলিজিবিলিতী কন্দিসনশিং:

রাজ্য সরকার/য়ু.তি. এদমিনিস্ত্রেসন, লোকেল বোদী, অমসুং রাজ্য/য়ু.তি. বোর্দতা এফিলিএত তৌবা প্রাইবেত স্কুলশিং, শকখঙলবা প্রাইমারী/মিদল/হায়/হায়র সেকেন্দরী স্কুলশিংদা ওজা ওইরিবা স্কুল তিচর অমসুং স্কুলগী হেদশিংনা মনা অসিগীদমক ইলিজিবল ওইগনি।

• কেন্দ্র সরকারগী স্কুল, হায়বদি কেন্দ্রিয় বিদ্যালয় (কে.ভি.), জৱাহর নবোদয়া বিদ্যালয় (জে.এন.ভি.), দিফেন্স মন্ত্রালয়না চলাইবা সাইনিক স্কুল, এতোমিক এনর্জী এজুকেসন সোসাইতী (এ.ই.ই.এস) অমসুং ত্রাইবেল এফিয়র্স মন্ত্রালয়না চলাইবা এক্লবিয়া মোদেল রেসিদেন্সিএল স্কুল (ই.এম.আর.এস.); অমসুং
• সেন্ত্রেল বোর্দ ওব সেকেন্দরী এজুকেসন (সি.বি.এস.ই) অমসুং কাউন্সিল ফোর ইন্দিয়ন স্কুল সর্তিফিকেত একজামিনেসন (সি.আই.এস.সি.ই.)দা এফিলিএত তৌবা স্কুলশিং।

********