ന്യൂ ഡൽഹി: ജൂലൈ 02, 2024

ദേശീയ അധ്യാപക അവാർഡുകൾ 2024-ന് അർഹരായ അധ്യാപകരിൽ നിന്ന് ഓൺലൈൻ സ്വയം നോമിനേഷനുകൾ 2024 ജൂൺ 27 മുതൽ വിദ്യാഭ്യാസ മന്ത്രാലയത്തിൻ്റെ പോർട്ടലിൽ - http://nationalawardstoteachers.education.gov.in - ക്ഷണിക്കുന്നു. ഓൺലൈൻ നോമിനേഷനുകൾ സ്വീകരിക്കുന്ന അവസാന തീയതി 2024 ജൂലൈ 15 ആണ്. ഈ വർഷം, മൂന്ന് ഘട്ടങ്ങളായുള്ള തിരഞ്ഞെടുപ്പ് പ്രക്രിയയിലൂടെ 50 അധ്യാപകരെ തിരഞ്ഞെടുക്കും, അതായത് ജില്ല, സംസ്ഥാന, ദേശീയ തലങ്ങളിൽ. 2024 സെപ്റ്റംബർ 5 ന് ന്യൂ ഡൽഹിയിലെ വിജ്ഞാന് ഭവനിൽ നടക്കുന്ന ചടങ്ങിൽ ഇന്ത്യൻ രാഷ്ട്രപതി അവാർഡ് സമ്മാനിക്കും.

യോഗ്യതാ വ്യവസ്ഥകൾ:

സംസ്ഥാന സർക്കാർ - കേന്ദ്രഭരണ പ്രദേശങ്ങളിലെ ഭരണകൂടങ്ങൾ, തദ്ദേശ സ്ഥാപനങ്ങൾ, സംസ്ഥാന/കേന്ദ്രഭരണ പ്രദേശ ബോർഡുമായി അഫിലിയേറ്റ് ചെയ്തിട്ടുള്ള സ്വകാര്യ സ്കൂളുകൾ എന്നിവ നടത്തുന്ന അംഗീകൃത പ്രൈമറി/മിഡിൽ/ഹയർ/ഹയർ സെക്കൻഡറി സ്കൂളുകളിൽ പ്രവർത്തിക്കുന്ന സ്കൂൾ അധ്യാപകരും സ്കൂൾ മേധാവികളും അവാർഡിന് അർഹരാണ്.

• കേന്ദ്ര ഗവ. സ്‌കൂളുകൾ, അതായത്, കേന്ദ്രീയ വിദ്യാലയങ്ങൾ (കെവി), ജവഹർ നവോദയ വിദ്യാലയങ്ങൾ (ജെഎൻവി), പ്രതിരോധ മന്ത്രാലയം നടത്തുന്ന സൈനിക് സ്‌കൂളുകൾ, അറ്റോമിക് എനർജി എജ്യുക്കേഷൻ സൊസൈറ്റി (എഇഇഎസ്) നടത്തുന്ന സ്‌കൂളുകൾ, ഗോത്രകാര്യ മന്ത്രാലയം നടത്തുന്ന ഏകലവ്യ മോഡൽ റസിഡൻഷ്യൽ സ്‌കൂളുകൾ (ഇഎംആർഎസ്); ഒപ്പം

• സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (CBSE), കൗൺസിൽ ഫോർ ഇന്ത്യൻ സ്‌കൂൾസ് സർട്ടിഫിക്കറ്റ് എക്‌സാമിനേഷൻ (CISCE) എന്നിവയുമായി അഫിലിയേറ്റ് ചെയ്‌തിരിക്കുന്ന സ്‌കൂളുകൾ.