گلوبل انڈیا اے آئی سربراہی اجلاس  2024 3 اور 4 جولائی 2024 کو منعقد ہونے والا ہے کیونکہ وزارت الیکٹرانکس اور انفارمیشن ٹیکنالوجی(ایم ای آئی ٹی وائی) اس سربراہی اجلاس میں بین الاقوامی مندوبین، مصنوعی ذہانت کے ماہرین اور پالیسی سازوں کے ایک با وقار اجتماع کی میزبانی کرنے کے لیے پوری طرح تیار ہے۔ یہ سربراہی اجلاس ہندوستان کے لیے ایک اہم لمحہ کی نشاندہی کرتا ہے کیونکہ یہ عالمی سطح پر ذمہ دارانہ مصنوعی ذہانت (اے آئی) کی ترقی کو فروغ دینے کے اپنے عزم کو واضح کرتا ہے۔

گلوبل انڈیا اے آئی سمٹ کا افتتاح الیکٹرانکس اور انفارمیشن ٹیکنالوجی، ریلوے اور اطلاعات و نشریات کے مرکزی وزیر جناب اشونی ویشنو کریں گے اور الیکٹرانکس اور آئی ٹی، کامرس اور صنعت کے وزیر مملکت جناب جتن پرساد بھی افتتاحی اجلاس میں  خطاب کریں گے۔

ذمہ دار مصنوعی ذہانت کی ترقی کا عزم

مصنوعی ذہانت پر عالمی شراکت داری (جی پی اے آئی) میں ہندوستان کے قائدانہ کردار کے پس منظر میں منعقد ہونے والے اس سمٹ کا مقصد اے آئی کی طرف سے پیش کردہ کثیر جہتی چیلنجوں اور مواقع سے نمٹنے کے لیے نئے معیارات قائم کرنا ہے۔ کمپیوٹ کی صلاحیت، فاؤنڈیشنل ماڈلز، ڈیٹا سیٹس، ایپلیکیشن ڈویلپمنٹ، فیوچرا سکلز، اسٹارٹ اپ فنانسنگ، اور سیف اینڈ قابل اعتماد مصنوعی ذہانت پر موضوعاتی توجہ کے ساتھ، یہ ایونٹ جامع غور و فکر کا وعدہ کرتا ہے جو پورے اے آئی اسپیکٹرم پر محیط ہے۔

پہلا دن: اسٹیج  سیٹ کرنا

سربراہی اجلاس  کا پہلا دن اے آئی ایپلیکیشن اور حکمرانی کے اہم پہلووں کے بارے میں گہرے غور و خوض کے لئے ڈیزائن کردہ مختلف اجلاسوں پر مشتمل ہوگا۔  قابل ذکر اجلاسوں  میں "انڈیا اے آئی: لارج لینگویج  ماڈلز" شامل ہیں جس میں یہ دریافت کیا جائے گا  کہ کس طرح جدید اے آئی  ماڈلز اخلاقی معیارات کو برقرار رکھتے ہوئے ہندوستان کے لسانی تنوع کا سفر کر سکتے ہیں۔ اس کے ساتھ ساتھ، گلوبل ہیلتھ اور اے آئی پر محیط جی پی اے آئی ان خطوں  میں جہاں خدمات پوری طرح دستیاب نہیں ہیں ،  صحت کی دیکھ بھال کے لیے اے آئی سے فائدہ اٹھانے کے بارے میں بصیرتیں اکٹھا کرے گا  اور ہندوستان کو صحت کی جامع دیکھ بھال کی اختراع کے لیے ایک محرک کے طور پر رکھے گا۔

"ریل ورلڈ اے آئی سلوشنز" اور " اے آئی  کے لیے ہندوستان کے بنیادی ڈھانچے کی تیاری" اے آئی کے عملی نفاذ اور تمام شعبوں میں اے آئی  سے چلنے والے اقدامات کی حمایت کرنے کے لیے درکار بنیادی انفراسٹرکچر پر روشنی ڈالیں گے۔جبکہ‘‘مصنوعی ذہانت کے دور میں حفاظت، اعتماد اور حکمرانی کو یقینی بنانے ’’سے متعلق بحث و مباحثہ ہندوستان کے اخلاقی مصنوعی ذہانت کے تعیناتی  کے تئین عزم کو اجاگر کرے گا اور   عالمی تعاون اور ریگولیٹری فریم ورک پر زور دےگا۔

دوسرا دن: مستقبل کو بااختیار بنانا

دوسرا دن ٹیلنٹ کو پروان چڑھانے اور اے آئی اختراعات کو بڑھانے پر مرکوز ہوگا۔ "اے آئی  ایجوکیشن اور اسکلنگ کے ذریعے ٹیلنٹ کو بااختیار بنانے" کا مقصد تعلیمی حکمت عملیوں اور کیریئر کے راستوں کو نمایاں کرتے ہوئے اے آئی  مہارتوں کے فرق کو پر کرنا ہے۔ اس کے ساتھ ہی، "اے آئی فار گلوبل گڈ: گلوبل ساؤتھ کو بااختیار بنانا" جامع اے آئی ترقی پر مکالمے کی سہولت فراہم کرے گا، جو کہ مساوی عالمی اے آئی تک رسائی کے لیے ہندوستان کی وکالت کی بازگشت ہو گا۔

"بیج سے پیمانے تک—بھارت کے اسٹارٹ اپ ایکو سسٹم کو بااختیار بنانا" ایسے اقدامات کو اجاگر کرے گا جو اے آئی انٹرپرینیورشپ کو فروغ دیتے ہیں، جو ہندوستان کے اسٹارٹ اپ ایکو سسٹم کو عالمی سطح پر آگے بڑھانے کے لیے اہم ہیں۔ "ڈیٹا ایکو سسٹم " اور "اے آئی کومپی ٹینسی  برائے پبلک سیکٹر" پر ہونے والی بات چیت سے پبلک ایڈمنسٹریشن میں مضبوط ڈیٹا گورننس اور اے آئی کی تیاری کا پتہ چلے گا، جو کہ موثر پالیسی کی تشکیل اور نفاذ کے لیے ضروری ہیں۔

گلوبل انڈیا اے آئی سمٹ 2024 کے تفصیلی ایجنڈے تک یہاں رسائی حاصل کی جا سکتی ہے۔

ذمہ دار اے آئی کے لیے کورس کی خاکہ سازی کرنا

گلوبل انڈیا اے آئی سمٹ 2024 عالمی اسٹیک ہولڈرز کے لیے تعاون، اختراعات اور اے آئی کے مستقبل کو تشکیل دینے کے لیے ایک اہم پلیٹ فارم کے طور پر کام کرتا ہے۔ ہندوستان اخلاقی معیارات اور شمولیت کی حفاظت کرتے ہوئے ذمہ دار اے آئی ترقی کو ترجیح دیتے ہوئے اے آئی کی انقلابی  صلاحیت کو بروئے کار لانے کے اپنے عزم کا اعادہ کرتا ہے۔ جیسے ہی یہ سمٹ سامنے آتا ہے، یہ عالمی اے آئی منظر نامے میں ہندوستان کی قیادت کو تقویت دینے کے لیے تیار ہے، جس سے ایک ایسے مستقبل کی راہ ہموار ہو گی جہاں اے آئی کے فوائد سب کے لیے قابل رسائی ہوں اور دنیا بھر میں سماجی و اقتصادی ترقی میں نمایاں حصہ ڈالیں۔

****

ش ح۔ا ک ۔ رب

U:8002