প্রধান মন্ত্রীগী লাখপতি দিদি করোর ৩ শেমগৎনবা পান্দমগী মখাদা পায়খৎলকপা থবকশিং খুমাংচাউশিনবা ওইনা, রুরেল দিবলপমেন্ত মিনিস্ত্রিগী মখাদা লৈবা দিনদয়াল অন্তয়োদয়া য়োজনা-নেসনেল রুরেল লাইফলিহুদস মিসন(দি.এ.ৱাই-এন.আর.এল.এম) না শীন্দুনা সর্বিস সেক্তর ইন্তরপ্রাইজশিংদা নুপীশিংগী সেল্ফ হেল্প গ্রুপশিং শরুক য়াহন্দুনা ‘লাখপতি দিদিশিং শেমগৎনবা’ জাতিগী মরী লৈনবশিং খন্ন-নৈনবগী ৱার্কশোপ অমা ঙসি পাংথোকখ্রে।

ৱার্কশোপ অদু হৌদোক্লদুনা, রুরেল লাইফলিহুদসকী এদিসনেল সেক্রেতরি, শ্রী চারঞ্জিৎ সিংহনা হায়খি অসিগুম্বা মরুওইবা হিরম অমদা ৱার্কশোপ অমা পাংথোকপা অসিনা পুৱারি ওইরবা নুমিৎ অমা ওইহল্লে। মিসন অসিনা লাখপতি দিদিশিং শেমগৎনবা পান্দম থম্লি অমসুং সর্বিস সেক্তর ইন্তরপ্রাইজ মশক খঙদোক্তুনা অমসুং খুদোংচাবশিং পুনশিন্দুনা মসিনা লাখপতি শেমগৎনবা থবকশিং মপাঙ্গল কনখৎহল্লি। ঙসি সর্বিস সেক্তরনা জি.দি.পিগী চাদা ৫০ রোম মতেং পাংলি অমসুং থবক চাদা ৩১ ফংহল্লি অমসুং সেল্ফ হেল্প গ্রুপশিংগী শেন-থুমগী ফিবম ফগৎনবা অমসুং মখোয় লাখপতি দিদিশিং ওইবা ঙম্নবা করম্বা মখলগী সব-স্কিমশিং হৌদোকপা য়াগনি হায়না খন্নবা অসি য়াম্না মরুওই।

রুরেল লাইফলিহুদসকী জোইন্ত সেক্রেতরি, শ্বাতি শর্মানা হায়খি প্রধান মন্ত্রীনা ওগস্ত ১৫,২০২৩ দা লাখপতি দিদিশিং শেমগৎনবা লাউথোকখ্রবা মতুংদা প্রধান মন্ত্রীনা মার্চ ১১,২০২৪দা লাখপতি দিদিশিংগা ৱারি শানখি অমসুং মসি থবক ওইনা পাংথোক্নবা নেসনেল রুরেল লাইফলিহুদস মিসন অমসুং মসিগী স্তেৎ রুরেল লাইফলিহুদস মিসনশিংনা পুক্নিং থৌগৎখি। দরকারগী মতুংইন্না শেন-থুমগী থবকশিং পাংথোকপগী মতম অদু লাক্লে অমসুং দি.এ.ৱাই-এন.আর.এল.এমনা মসিগা মরীলৈনবশিংগা লোয়ননা দিদিশিং লমজিংগনি অমসুং খুৎশম্ননা চৎমিন্নগনি।

থৌরম অদুদা রুরেল লাইফলিহুদসকী জোইন্ত সেক্রেতরি, স্মৃতি সারন্না হায়খি লাখপতি দিদিগী প্রধান মন্ত্রীগী মঙলান থবক ওইনা পাংথোক্নবা পুনশিনবা অসি য়াম্না মরুওই অমসুং লাখপতিদ দিদিশিং ওইনা সেল্ফ হেল্প গ্রুপ দিদিশিংগী শেন-থুমগী অওনবা পুরক্নবা মিনিস্ত্রি অমসুং মসিগী লুপশিনা পীবা য়াবা খুদোংচাবশিং পীগনি।

সর্বিস সেক্তর ইন্তরপ্রাইজশিংদা নুপীশিংগী সেল্ফ হেল্প গ্রুপশিংনা থেংনরিবা খুদোংচাবশিং, ওইথোকপা য়াবশিং অমসুং শিংনবশিং মশক খঙদোক্নবা ৱার্কশোপ অসি পাংথোকপনি। মসিনা সর্বিস সেক্তর ইন্তরপ্রাইজশিংদা নুপীশিংগী সেল্ফ হেল্প গ্রুপশিং পুশিন্নবা খ্বাইদগী ফবা থবকশিং অমসুং মাইপাক্লবা নমুনাশিং মশক খঙদোকপা ঙমগনি অমসুং তোঙান-তোঙানবা মরী লৈনবশিংগা থবক তৌমিন্নবদা মতেং পাংগনি। শরুক য়াখিবশিংগী মনুংদা মিনিস্ত্রি ১১গী মীহুৎশিং, স্তেৎ রুরেল লাইফলিহুদস মিসন ১০ অমসুং অতোপ্পা মরী লৈনবশিং, সেক্তর স্কিল কাউন্সিল, নেসনেল রিছোর্স ওর্গনাইজেসন অমসুং তেক্নিকেল সপোর্ত এজেন্সিশিংগী মীহুৎশিং শরুক য়াখি।

রুরেল লাইফলিহুদসকী দিরেক্তর রাজেশ্বারি এস.এমনা শরুক য়াখিবশিং তরাম্না ওকখি অমসুং পান্দমশিং ফোঙদোকখি। লোইশিল্লকপগী ৱারোলদা,রুরেল লাইফলিহুদসকী কন্সলতেন্ত আর.এস রেখিনা ৱার্কশোপ অসিদা খন্নখিবা ৱাফমশিং পাউদমখি অমসুং ৱার্কশোপ অসিদগী ফংখিবা লৌশিং থবক ওইনা পাংথোক্নবা থমখি।

*****