કેન્દ્રીય આરોગ્ય અને પરિવાર કલ્યાણ મંત્રી શ્રી જેપી નડ્ડા 28મી જૂન 2024ના રોજ નવી દિલ્હીના વિજ્ઞાન ભવન ખાતે આયુષ્માન ભારત ગુણવત્ત સ્વાસ્થ્ય કાર્યક્રમમાં આરોગ્ય અને પરિવાર કલ્યાણ રાજ્ય મંત્રી શ્રી જાધવ પ્રતાપરાવ ગણપતરાવ અને શ્રીમતી અનુપ્રિયા સિંહ પટેલની  હાજરીમાં ત્રણ પહેલોનું અનાવરણ કરશે.

કેન્દ્રીય સ્વાસ્થ્ય મંત્રી આયુષ્માન આરોગ્ય મંદિર (એએએમ) પેટા-કેન્દ્રો માટે વર્ચ્યુઅલ એનક્યુએએસ આકારણીનો શુભારંભ કરશે. આ સમય અને ખર્ચ-બચત પગલાં તરીકે જાહેર આરોગ્ય સુવિધાઓ માટે ગુણવત્તાની ખાતરીના માળખામાં નોંધપાત્ર નવીનતાનું પ્રતિનિધિત્વ કરશે. આ પ્રણાલી મારફતે વર્ચ્યુઅલ રીતે મૂલ્યાંકન કરાયેલા આરોગ્ય એએએમ-એસસીને એનક્યુએએસ (નેશનલ ક્વોલિટી એશ્યોરન્સ સ્ટાન્ડર્ડ્સ) સર્ટિફિકેટ એનાયત કરવામાં આવશે.

ઇન્ડિયન પબ્લિક હેલ્થ સ્ટાન્ડર્ડ્સ (IPHS) માર્ગદર્શિકા, જે 2007માં રજૂ કરવામાં આવી હતી અને 2022માં તાજેતરના અપડેટ સાથે સમયાંતરે અપડેટ કરવામાં આવી હતી, જેમાં પ્રાથમિકથી માધ્યમિક સ્તરની આરોગ્ય સંભાળ સુવિધાઓ સુધીની જાહેર આરોગ્ય સુવિધાઓ માટે ગુણવત્તાના માપદંડો નક્કી કરવામાં આવ્યા હતા. આ માપદંડો દેશભરમાં સાતત્યપૂર્ણ, સુલભ અને જવાબદાર હેલ્થકેર સેવાઓ સુનિશ્ચિત કરે છે. બધી જાહેર આરોગ્ય સંસ્થાઓને મૂલ્યાંકન કરવા અને ઓળખાયેલા અંતરને દૂર કરવા તરફ પ્રયત્નશીલ રહેવા માટે પ્રોત્સાહિત કરવામાં આવે છે.

આ પ્રક્રિયાને ઝડપી બનાવવા અને આ આરોગ્ય સંસ્થાઓને ટેકો આપવા માટે, આરોગ્ય મંત્રાલયે એક ડેશબોર્ડ વિકસિત કર્યું છે જે રાષ્ટ્રીય, રાજ્ય અને જિલ્લા આરોગ્ય સંસ્થાઓ અને આરોગ્ય સુવિધાઓને આઇપીએચએસ ધોરણોના સંદર્ભમાં પાલન પર ઝડપથી દેખરેખ રાખવામાં અને તે મુજબ પગલાં લેવામાં મદદ કરશે. કેન્દ્રીય આરોગ્ય પ્રધાન આવતીકાલે આ કાર્યક્રમ દરમિયાન આઈપીએચએસ ડેશબોર્ડનું લોકાર્પણ કરશે.

આ કાર્યક્રમ દરમિયાન જિલ્લા હોસ્પિટલોમાં સ્થિત ઇન્ટિગ્રેટેડ પબ્લિક હેલ્થ લેબોરેટરીઝ (આઇપીએચએલ) માટે નેશનલ ક્વોલિટી એશ્યોરન્સ સ્ટાન્ડર્ડ્સ (એનક્યુએએસ) જાહેર કરવામાં આવશે. આ માપદંડો આઇપીએચએલમાં વ્યવસ્થાપન અને પરીક્ષણ પ્રણાલીની ગુણવત્તા અને ક્ષમતામાં સુધારો કરશે, જે પરીક્ષણ પરિણામોની વિશ્વસનીયતા પર હકારાત્મક અસર કરશે અને પ્રયોગશાળાના આઉટપુટ અંગે ચિકિત્સકો, દર્દીઓ અને લોકોનો વિશ્વાસ પ્રાપ્ત કરવામાં મદદ કરશે. કાયાકલ્પ માટે સુધારેલી માર્ગદર્શિકા પણ આવતીકાલે જાહેર કરવામાં આવશે.

ફૂડ સેફ્ટી એન્ડ કમ્પ્લાયન્સ સિસ્ટમ (ફોસ્કોસ) મારફતે તાત્કાલિક લાઇસન્સ અને રજિસ્ટ્રેશન ઇશ્યૂ કરવા માટે એક અભૂતપૂર્વ નવી કામગીરી પણ શરૂ કરવામાં આવશે. ફોસ્કોસ એક અત્યાધુનિક, અખિલ ભારતીય આઇટી પ્લેટફોર્મ છે, જેને ખાદ્ય સુરક્ષાની તમામ નિયમનકારી જરૂરિયાતોને પહોંચી વળવા માટે ડિઝાઇન કરવામાં આવ્યું છે. આ નવીન સિસ્ટમ લાઇસન્સિંગ અને રજિસ્ટ્રેશન પ્રક્રિયાઓને સરળ બનાવે છે, જે વપરાશકર્તાને ઉન્નત અનુભવ પ્રદાન કરે છે.

કેન્દ્ર અને રાજ્ય સરકારોના વરિષ્ઠ અધિકારીઓ, હેલ્થકેર પ્રોવાઇડર્સ અને આંતરરાષ્ટ્રીય સ્વાસ્થ્ય સંસ્થાઓ સહિત મુખ્ય હિતધારકો પણ આ કાર્યક્રમમાં ભાગ લેશે.

આ ઇવેન્ટને અહીં લાઇવ જોઇ શકાશેઃ https://youtube.com/live/CBrN_eFOqtQ?feature=share

AP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com