صحت اور خاندانی بہبود کے مرکزی وزیر جناب جے پی نڈا 28 جون  ، 2024 ء کو نئی دلّی کے وگیان بھون میں منعقدہ آیوشمان بھارت کے خصوصی صحت پروگرام  ( آیوشمان گُن وَتّ سواستھ پروگرام  ) میں صحت اور خاندانی بہبود کے وزراء مملکت جناب جادھو پرتاپ راؤ گنپت راؤ اور محترمہ انوپریا سنگھ پٹیل کی موجودگی میں تین اقدامات کی نقاب کشائی کریں گے۔

صحت  کے مرکزی وزیر آیوشمان آروگیہ مندروں (اے اے ایم) کے ذیلی مراکز کے لیے ایک ورچوئل  این کیو اے ایس  جائزہ کا آغاز کریں گے۔ یہ وقت اور لاگت کی بچت کے اقدام کے طور پر عوامی صحت کی سہولیات کے معیار کی یقین دہانی کے فریم ورک میں ایک اہم جدت کی نمائندگی کرے گا۔ اس نظام کے ذریعے، عملی طور پر تشخیص شدہ صحت  اے اے ایم – ایس سی  کو  این کیو اے ایس  (نیشنل کوالٹی ایشورنس اسٹینڈرڈز) سرٹیفکیٹ سے نوازا جائے گا۔

انڈین پبلک ہیلتھ اسٹینڈرڈز ( آئی پی ایچ ایس ) رہنما خطوط، جو 2007 ء میں متعارف کرائے گئے تھے اور 2022 ء میں تازہ ترین اپ ڈیٹ کے ساتھ وقتاً فوقتاً اپ ڈیٹ ہوتے ہیں، پرائمری سے لے کر ثانوی سطح کی صحت کی دیکھ بھال کی سہولیات کے لیے صحت عامہ کی سہولیات کے معیار کے معیارات مرتب کرتے ہیں۔ یہ معیارات  ، ملک بھر میں مستقل، قابل رسائی اور جوابدہ صحت کی دیکھ بھال کی خدمات کو یقینی بناتے ہیں۔ صحت عامہ کے تمام اداروں کی حوصلہ افزائی کی جاتی ہے تاکہ وہ تشخیصات انجام دیں اور شناخت شدہ خلا کو پورا کرنے کی کوشش کریں۔

اس عمل کو تیز کرنے اور ان صحت کے اداروں کی مدد کے لیے، وزارت صحت نے ایک ڈیش بورڈ تیار کیا ہے  ، جو قومی، ریاستی اور ضلعی صحت کے اداروں اور صحت کی سہولیات کو آئی پی ایچ ایس کے معیارات کے حوالے سے تعمیل کی فوری نگرانی کرنے اور اس کے مطابق کارروائی کرنے میں مدد  فراہم کرے گا۔ مرکزی وزیر صحت کل تقریب کے دوران  ، آئی پی ایچ ایس ڈیش بورڈ کا آغاز کریں گے۔

ضلع اسپتالوں میں واقع انٹیگریٹڈ پبلک ہیلتھ لیبارٹریز (آئی پی ایچ ایل) کے لیے نیشنل کوالٹی ایشورنس اسٹینڈرڈز ( این کیو اے ایس )   بھی  اس تقریب کے دوران جاری کیے جائیں گے۔ معیارات  آئی پی ایچ ایل  میں انتظام اور جانچ کے نظام کے معیار اور اہلیت کو بہتر بنائیں گے  ، جو ٹیسٹ کے  بھروسہ مند نتائج پر مثبت اثر ڈالیں گے اور لیب کے نتائج کے حوالے سے معالجین، مریضوں اور عوام کا اعتماد حاصل کرنے میں مدد  فراہم کریں گے۔  کایاکلپ کے لیے نظر ثانی شدہ رہنما خطوط بھی کل جاری کیے جائیں گے۔

فوڈ سیفٹی اینڈ کمپلائنس سسٹم ( ایف او ایس سی او ایس ) کے ذریعے فوری طور پر لائسنس اور رجسٹریشن کے اجراء کے لیے ایک اہم نئی فعالیت بھی شروع کی جائے گی۔ ایف او ایس سی او ایس ایک جدید ترین، پین – انڈیا آئی ٹی  پلیٹ فارم ہے  ، جسے فوڈ سیفٹی ریگولیٹری ضروریات کو پورا کرنے کے لیے ڈیزائن کیا گیا ہے۔ یہ جدید نظام لائسنسنگ اور رجسٹریشن کے عمل کو آسان بناتا ہے، جو صارف کو بہتر تجربہ فراہم کرتا ہے۔

مرکزی اور ریاستی حکومتوں کے سینئر عہدیدار، صحت کی دیکھ بھال فراہم کرنے والے اور بین الاقوامی صحت کی تنظیموں سمیت کلیدی  متعلقہ فریقین  بھی اس تقریب میں شرکت کریں گے۔

ایونٹ کو براہ راست یہاں دیکھا جا سکتا ہے: https://youtube.com/live/CBrN_eFOqtQ?feature=share

.......................

 ش ح – ج ق    - ع ا

U.No. 7886