কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ন্যু অমসুং রিন্যুএবল ইনর্জীগী কেন্দ্রগী মন্ত্রী শ্রী প্রলহাদ জোশীনা ঙসি ভারত মন্দাপমদা ইন্তর্নেস্নেল সুগর ওর্গনাইজেসন ((ISO) গী 64শুবা কাউন্সিল মীতিং হৌদোকখ্রে। মীফম অসি জুন 27, 2024দা লোইশিনগনি। লৈবাক 30 হেনবদগী এক্সপর্তশিংনা সুগর কেন, সুগর অমসুং এল্লাইদ সেক্তরশিংদা তুংগী ওইথোকপা য়াবশিং, শীংনবশিং অমসুং থৌরাংশিংগী মতাংদা খন্ন-নৈন্নবা মীফম অদুদা শরুক য়াখি। মমাংদা, ভারতনা 2012দা আই.এস.ও. ISO কাউন্সিল মীফমগী 41শুবা সেসনগী য়ুম্বু ওইখি।

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ন্যু অমসুং রিন্যুএবল ইনর্জীগী কেন্দ্রগী মন্ত্রী শ্রী প্রলহাদ জোশী অমসুং অতৈ দিগনিতরীশিংনা থাওমৈ চুখৎপা

মহাক্কী হৌদোকপগী ৱারোলদা কেন্দ্রগী মন্ত্রীনা হায়খি মদুদি চাউরাক্না লৌমী করোর 5 রোম্না চু থাবগী থবক পায়খৎলি অমসুং ইন্দস্ত্রী অসিনা হকথেংননা অমসুং নাকোইননা থবক পীবগী খুদোংচাবা কয়া ফংহল্লি। প্রধান মন্ত্রীগী লুচিং মখাদা ভারত সরকারনা লৌমীশিংগী য়াইফ-থৌরাং অমসুং কঞ্জ্যুমরশিংগী অমদি ইন্দস্ত্রীগী ইন্তরেস্ত ঙাক-শেনবদা খ্বাইদগী মরুওইবা মীৎয়েং থম্লি। মসিনা লৌউ-শিংউগী থবকশিং ফগৎহন্নবা পুন্না হোৎনমিন্নহনব ঙমগনি হায়না মহাক্না অকনবা ৱাফম থমখি।

শ্রী জোশীনা ISO কনফরেন্স পাঙথোকপদা চাউথোকচবা ফোংদোকখি অমসুং চিনি অমসুং বাইওফ্যুএল সেক্তরশিংদা তেক্নোলোজী অমসুং স্কিলশিং খুমাং চাউশিলহন্নবা ভারতনা হোৎনরিবা অদু পনখি। ভারতনা চিনিদা কলচরেল অমসুং শেন্মিৎলোনগী মপাল তাংলি হায়না পল্লদুনা মন্ত্রীনা হায়খি মদুদি ভারত অসি মালেমগী খ্বাইদগী চাউবা চিনিগী কঞ্জ্যুমর অমসুং বাইওফ্যুএল পুথোকপা মরুওইবা লৈবাক অমনি। পেত্রোলদা ইথানোলগী 12% হেন্না ব্লেন্দিং তৌরি অমসুং অথুবা মতমদা 20%ওইহন্নবা পান্দম থম্লি।

মন্ত্রীনা ক্লাইমেৎ চেঞ্জ থেংনবদা বাইওফ্যুএলগী থৌদাং অদু পনখি অমসুং ভারতকী ইথানোল ব্লেন্দদ ৱিদ পেত্রোল (EBP) প্রোগ্রাম্না চিনিগী ইন্দস্ত্রী অমসুং লৌমীশিংদা পীরিবা পোজিতিব ইম্পেক্তশিং অদু শন্দোক্না তাকখি। মন্ত্রীনা মীহুৎশিংবু সুগর সেক্তরদা লাক্কদৌরিবা থবকশিং অসিগীদমক কনফরেন্স অসিগী কান্নবা লৌনবা পুক্নিং থৌগৎখি অমসুং মসি মাই পাকপা ওইরসনু হায়না য়াইফ-মঙ্গোল পীখি।

ভারত সরকারগী ফুদ এন্দ পব্লিক দিস্ত্রিব্যুসন দিপার্তমেন্তকী সেক্রেতরী অমসুং ISOগী চেয়রমেন শ্রী সঞ্জীব চোপ্রানা লাক্কদৌরিবা মতমশিংদা ISOগী হেন্না চাউবা থৌদাং লৌনবা ৱাফম থমখি। মহাক্না মালেমগী সুগর অমসুং ইথানোল ইন্দস্ত্রীদা তঙাইফদনা তংদু লৈতাদবা দ্রোত-রেজিস্তেন্ত সুগরকেন, ঈশিং য়োকশিনবা অমসুং বাইওফ্যুএল প্রমোৎ তৌবা য়াওনা সস্তেনেবল প্রাক্তিসকী খুত্থাংদা ক্লাইমেৎ চেঞ্জ থেংনবগী তঙাইফদবা অদুদা অকনবা ৱাফম থমখি। মখা তানা, ISOগী মেম্বর লৈবাকশিংগী মরক্তা মখোয়গী লৌমীশিং, অপীকপা প্লেয়রশিংগীদমক মোদর্ন তেক্নোলোজী শীজিন্নবদা মতেং পীনবগী তঙাই ফদবা অদুসু পনখি। ভারত অমসুং ব্রাজিল অনিমক্না খ্বাইদগী চাউবা চিনি পুথোকপা লৈবাক অনি ওইবনা, চিনিগী পোত্থোক হেনগৎহনবা অমসুং সুক্রোস কন্তেন্ত লৈবা, লোকেল কন্দিসনগী মতুং ইন্না হেন্না ফবা মখলশিং পুথোকপা ঙম্নবগীদমক চিনিগী পোত্থোক পুথোকপদা রিসর্চ অমসুং দিবেলপমেন্ত তৌবদা পুন্না হোৎনমিন্নগনি। মহাক্না ইথানোল পুথোকপা অমসুং পুশিল্লকপদা ভারতনা পায়খৎলিবা থবকশিং অদুসু পনখি। মহাক্না লৈবাক অসিনা তুংকোইনা চৎনবা ঙম্নবগীদমক হোৎনরিবা অদুসু ফোংদোকখি অমসুং হোৎনরিবশিং অসিদা মালেমগী ওইনা মতেং পাংনবা পুক্নিং থৌগৎখি। শ্রী চোপ্রানা ভারতকী প্রধান মন্ত্রীগী থৌরাং অমা ওইরিবা গ্লোবেল বাইওফুয়েল এলাইন্সকী মাই পাকপগী মতাংদা পনখি।

ISOগী ED. শ্রী জোস ওরিবেনা ISOগী ৱাফমশিং চেয়র লৌদুনা মায় পাক্না য়েংশিনখিবগীদমক অমসুং থৌরম অসি অসিগুম্না চাউনা পাঙথোকপগীদমক ভারতপু থাগৎপা ফোংদোকখি। ভারত সরকার অমসুং ভারতকী চিনি অমসুং বাইওফ্যুএল ইন্দস্ত্রীগী মরক্তা লৈরিবা সিনর্জীবু মহাক্না থাগৎখি। মসিনা সেক্তর অসিদা ভারতনা খুমাং চাউশিল্লকপদা অচৌবা থৌদাং লৌরি।

থৌরম অদুদা, 'সুগর এন্দ বাইও-এনর্জী - ইমর্জিং ভিস্তাস' হায়বা মীফম অমা ঙসি পাংথোকখি। ৱার্কশোপ অসিনা ইন্দস্ত্রীগী লুচিংবশিং অমসুং সরকারগী ওফিসিএলশিংগী ৱাখল্লোনশিং একচেঞ্জ তৌনবা অমসুং সুগর অমসুং বাইও-এনর্জী সেক্তরশিংদা তুংগী ওইথোকপা য়াবশিং থিজিনবগীদমক অফবা প্লেৎফোর্ম অমা ওইখি।

'সুগর এন্দ বাইও-এনর্জী - ইমর্জিং ভিস্তাস' হায়বা ৱার্কশোপ অসিদা পীরিবা কান্নরবা সেসন কয়ামরুম য়াওখি:

1. সস্তেনেবিলিতী থ্রু দাইভর্সিফিকেসন: সেসন অসিনা সুগর কেনফার্মিং অমসুং সুগর সেক্তরবু হেন্না সস্তেনেবল ওইবা থবকশিং অমসুং মসিগী মাইকৈ অসিদা ইথানোল ব্লেন্দিং প্রোগ্রামনা লৌরিবা মরুওইবা থৌদাং অদুদা মীৎয়েং থমখি। মসিগী মথক্তা, হেন্না মপাঙ্গল কনখৎপা গ্লোবেল বাইওফ্যুএল এল্লাইন্সনা ফোসিল ফ্যুএলবু গ্রীন ফ্যুএলশিংনা মহুৎ শিনবদা মতেং পাংগনি।
2. সুগর সেক্তরগী মেকানাইজেসন অমসুং মোদর্নাইজেসন: সস্তেনেবিলিতীগী থিম অসি মাংলোমদা পুখৎতুনা, চিনিগী লৌউ-শিংউ অসি সেসন অসিগী মনুংদা খন্ন-নৈনবগী মরুওইবা শরুক অমা ওইখি। ফার্ম মেকানাইজেসন, ভারত্তা লৈবগুম্না অপীকপা লমগী ফার্মশিংগীদমক মেছিনরীশিংগী কস্তমাইজেসন অমসুং তেক্নোলোজী শীজিন্নবগা লোয়ননা লৌমীশিংদা এক্সতেন্সন সর্বিসশিং অসিনা চু থাবা অসি ইকনোমিকেল অমসুং পোত্থোক পুথোকপা হেনগৎহল্লগনি।
3. সুগর সেক্তরগী দিজিতাইজেসন: সেসন অসিনা ভারত সরকারগী এগ্রি স্তেক অসিনচিংবা তোঙান তোঙানবা ইনিসিএতিবশিং ফোংদোকখি, মসিনা লৌউ-শিংউগী স্তেতিস্তিক্স অমসুং দেতা মেনেজমেন্তদা অহোংবা পুরক্লি। মসিনা হেন্না চুনবা পোলিসী শেম্বা অমসুং মতম চানা সরকারগী ইন্তরভেন্সনগীদমক তঙাইফদবা অদু থমখি। লৌউ-শিংউগী থবকশিংদা AI/ML অমসুং রিমোৎ সেন্সিং তেক্নোলোজীশিং শীজিন্নবা অসি মহৈ-মরোংশিংগী ক্বালিতী অমসুং পোত্থোক পুথোকপদা য়াম্না মরু ওইগনি।
4. গ্লোবেল দিমান্দ অমসুং চিনিগী সপ্লাই: মিস্তর ISOগী ইকনোমিস্ত শ্রী পিতর দি ক্লার্ক অমসুং দোক্তর ক্লৌদিয়ু কোবরিগনা মালেমগী সুগর সেক্তরগী মতাংদা মখোয়গী এনালাইসিস অদু শিয়র তৌখি। মালেমগী চিনি অমসুং ইথানোল সেক্তরদা অথুবা মতমদা দিমান্দ অমসুং সপ্লাইগী ফিভমদা ময়েক শেংনা তাকপীদুনা, পেনেল দিস্কসন্না মালেমগী কৈথেলদা চিনিগী ললোন-ইতিক্কী মওং অমসুং চিনিগী মমলদা থাজবা থম্লিবা অদু উৎখি।
5. গ্রীন হাইদ্রোজেন: ISOগী কন্সল্তেন্ত, শ্রী লিন্দসাই জোল্লীনা হাইদ্রোজেন্না ইনর্জীগী হৌরকফম অমা ওইনা লৈরিবগী পোতেন্সিএল অমসুং হীরম অসিদা সুগর সেক্তরগী থৌদাংগী মতাংদা মহাক্কী ৱাখল্লোন ফোংদোকখি। মহাক্না ওতোমোবাইল সেক্তর অমসুং ইলেক্ত্রিসিতী সেক্তরগী মরুওইবা মৈগী সোর্স অমা ওইনা গ্রীন হাইদ্রোজেন চাউখৎলকপদা অপেনবা ফোংদোকখি।

কনফরেন্স অসিনা দেলিগেৎশিংনা সেক্তর এক্সপর্তশিংগা ৱারী শানবগী, মালেমগী ওইবা ত্রেন্দশিং খঙনবা অমসুং সুগর অমসুং ইথানোলগী মরী লৈনবা হীরম কয়াদা খন্ন-নৈনবা অচৌবা খুদোংচাবা অমা পীখি। সেসনশিং অসিনা লৌশিংগী ওইবা খন্ন-নৈনবগী খুদোংচাবা পীখি অমসুং ৱাখল্লোনশিংবু মগুন লৈনা একচেঞ্জ তৌনবগী খুদোংচাবা ফংহনখি, মসিনা খন্ন-নৈনবশিংবু কান্নরবা ফলশিংগী মায়কৈদা লমজিংখি। কনফরেন্স অসিনা ভারতনা চিনিগী ইন্দস্ত্রীদা মালেমগী ওইবা কোলাবোরেসন অমসুং ইন্নোবেসন পুক্নিং থৌগৎনবা, সেক্তর অসিদা তুংকোইনা চৎনগদবা অমসুং এদভান্স ওইরবা থবকশিংগী লম্বী য়াৎনবা অচেৎপা ৱাফম থমখি।

****