প্ৰধানমন্ত্ৰীৰ কাৰ্যালয়

আমেৰিকা যুক্তৰাষ্ট্ৰৰ কংগ্ৰেছৰ এটা প্ৰতিনিধি দলে প্ৰধানমন্ত্ৰী নৰেন্দ্ৰ মোদীক সাক্ষাৎ কৰে

মাৰ্কিন প্ৰতিনিধি দলটোৱে ভাৰতত নিৰ্বাচন আৰু গণতান্ত্ৰিক প্ৰক্ৰিয়াৰ পৰিমাপ, নিৰপেক্ষতা আৰু স্বচ্ছতাক প্ৰশংসা কৰে

প্ৰধানমন্ত্ৰীয়ে ভাৰত-আমেৰিকা যুক্তৰাষ্ট্ৰৰ সম্পৰ্ক আগবঢ়োৱাৰ ক্ষেত্ৰত আমেৰিকা যুক্তৰাষ্ট্ৰৰ কংগ্ৰেছৰ ধাৰাবাহিক আৰু দ্বিদলীয় সমৰ্থনৰ তাৎপৰ্য উল্লেখ কৰে

প্ৰধানমন্ত্ৰীয়ে যোৱা বছৰ তেওঁৰ ঐতিহাসিক আমেৰিকা ভ্ৰমণৰ কথা স্মৰণ কৰে, য'ত তেওঁ দ্বিতীয়বাৰৰ বাবে কংগ্ৰেছক সম্বোধন কৰিছিল

Posted On: 20 JUN 2024 5:10PM by PIB Guwahati

‘সদনৰ বৈদেশিক পৰিক্ৰমা সমিতি’ৰ অধ্যক্ষ মাইকেল মেকক'লৰ নেতৃত্বত অহা আমেৰিকা যুক্তৰাষ্ট্ৰৰ কংগ্ৰেছৰ সাতজনীয়া এটা প্ৰতিনিধি দলে আজি প্ৰধানমন্ত্ৰী শ্ৰী নৰেন্দ্ৰ মোদীক সাক্ষাৎ কৰে।

 

প্ৰতিনিধি দলটোৰ আন সদস্যসকলৰ ভিতৰত আছিল নেন্সি পেলোচি, গ্ৰেগৰী মিক্স, মাৰিয়ানেট মিলাৰ-মিক্স, নিকোল মেলিওটাকিছ, আমেৰিছ বাবুলাল "এমি বেৰা" আৰু জিম মেকগভাৰ্ণ।

প্ৰতিনিধি দলৰ সদস্যসকলে প্ৰধানমন্ত্ৰীক একেৰাহে তৃতীয়বাৰৰ বাবে নিৰ্বাচিত হোৱা বাবে অভিনন্দন জনায়।

তেওঁলোকে ভাৰতত শেহতীয়াকৈ সমাপ্ত হোৱা বিশ্বৰ সৰ্ববৃহৎ গণতান্ত্ৰিক নিৰ্বাচনী অনুশীলনৰ পৰিমাপ, নিৰপেক্ষতা আৰু স্বচ্ছতাৰ বাবে গভীৰ প্ৰশংসা প্ৰকাশ কৰে।

প্ৰতিনিধি দলটোৱে ভাৰত-আমেৰিকা যুক্তৰাষ্ট্ৰৰ সম্পৰ্কক আটাইতকৈ ফলপ্ৰসূ বুলি অভিহিত কৰে আৰু বাণিজ্য, নতুন আৰু উদীয়মান প্ৰযুক্তি, প্ৰতিৰক্ষা, দুয়োখন দেশৰ জনসাধাৰণৰ মাজৰ পাৰস্পৰিক আদান-প্ৰদানকে ধৰি সকলো ক্ষেত্ৰতে ব্যাপক কৌশলগত গোলকীয় অংশীদাৰিত্ব অধিক গভীৰ কৰাৰ বাবে তেওঁলোকৰ শক্তিশালী সমৰ্থন ব্যক্ত কৰে।

প্ৰধানমন্ত্ৰীয়ে ভাৰত-আমেৰিকা যুক্তৰাষ্ট্ৰৰ সম্পৰ্ক আগবঢ়োৱাত আমেৰিকা যুক্তৰাষ্ট্ৰৰ কংগ্ৰেছৰ ধাৰাবাহিক আৰু দ্বিপক্ষীয় সমৰ্থনৰ দ্বাৰা পালন কৰা গুৰুত্বপূৰ্ণ ভূমিকা সন্দৰ্ভত আলোকপাত কৰে, যিবোৰ অংশীদাৰী গণতান্ত্ৰিক মূল্যবোধ, আইনৰ শাসনৰ প্ৰতি সন্মান আৰু জনসাধাৰণৰ মাজত শক্তিশালী সম্পৰ্কৰ ওপৰত আধাৰিত। তেওঁ বিশ্ব কল্যাণৰ বাবে দ্বিপাক্ষিক সম্পৰ্ক অধিক শক্তিশালী কৰাৰ প্ৰতিশ্ৰুতিবদ্ধতাও দোহাৰে।

প্ৰধানমন্ত্ৰীয়ে যোৱাবছৰ জুনমাহত তেওঁৰ আমেৰিকা ভ্ৰমণৰ কথা স্মৰণ কৰে য'ত তেওঁ ঐতিহাসিক দ্বিতীয়বাৰৰ বাবে আমেৰিকা যুক্তৰাষ্ট্ৰৰ কংগ্ৰেছৰ যুটীয়া অধিৱেশনত ভাষণ দিয়াৰ সুযোগ পাইছিল।

 

***

DS/ST/KB



(Release ID: 2027238) Visitor Counter : 40


Read this release in: English , Urdu , Marathi , Hindi , Hindi_MP , Bengali , Manipuri , Punjabi , Gujarati , Odia , Tamil , Telugu , Kannada , Malayalam