প্রধানমন্ত্রীগী লোইশঙ
য়ু.এস কংগ্রেসকী মীহুৎ কাংবু অমা প্রধান মন্ত্রী নরেন্দ্র মোদী উনখ্রে
য়ু.এস মীহুৎ কাংবু অদুনা ভারত্তা পাংথোক্লিবা মীখলশিং অমসুং গনতন্ত্রগী থবকশিংগী পাক-চাউবা অমসুং অরোন-অথুপ লৈতবা অদু থাগৎপা ফোঙদোকখি
ভারত-য়ু.এস মরীশিং খুমাং চাউশিন্নবা য়ু.এস কংগ্রেসকী দল অনিমক্না শৌগৎপা অদু প্রধান মন্ত্রীনা পনখি
হৌখিবা চহিদা মহাক্না য়ু.এসতা অনিরকশুবা ওইনা কংগ্রেসতা ৱা ঙাংখিবা মহাক্কী পুৱারি ওইরবা খোঙচৎ অদু প্রধান মন্ত্রীনা নিংশিংখি
प्रविष्टि तिथि:
20 JUN 2024 5:10PM by PIB Imphal
ঙসি হাউস ফোরেন এফেয়ার্স কম্মিতিগী চিয়ার্মেন, রেবরেন্ত মাইকেল মেক্কাউলনা লুচিংবা মীওই তরেৎনা শাবা য়ু.এস কংগ্রেসকী মীহুৎ কাংবু অমা প্রধান মন্ত্রী শ্রী নরেন্দ্র মোদী উনখ্রে।
মীহুৎ কাংবু অদুগী অতোপ্পা মেম্বরশিংগী মনুংদা রেপ নান্সি পেলোসি, রেপ গ্রোগোরি মিকস, রেপ মরিয়ান্নেতে মিল্লর-মিকস, রেপ নিকোল মাল্লিওতাকিস, রেপ অমেরিস বাবুলাল “অমি বেরা” অমসুং রেপ জিম মেকগভর্ন য়াওরি।
মহাক্কী মীখলদা পুৱারি ওইনা অহুমলকশুবা তার্ম মাইপাকপগীদমক মীহুৎ কাংবু অদুগী মেম্বরশিংনা প্রধান মন্ত্রী থাগৎপা ফোঙদোকখি।
হন্দক ভারত্তা পাংথোকখিবা মালেমদা খ্বাইদগী চাউবা গনতন্ত্রগী মীখলগী থবকশিং অদুগী পাক-চাউবা অমসুং অরোন-অথুপ লৈতবা অদু মখোয়না থাগৎপা ফোঙদোকখি।
মীহুৎ কাংবু অদুনা হায়খি ভারত-য়ু.এস মরী অসি লিশাং শীৎনা লৈরক্লবা অমনি অমসুং ললোন-ইতিক, অনৌবা তেক্নোলোজি, ঙাক-শেন, মীগা মীগা লৈনবা মরী য়াওনা হিরম কয়াদা মখা তানা কমপ্রেহেন্সিপ স্ত্রাতেজিক গ্লোবেল পার্তনরশিপ মখোয়না শৌগৎলিবা অদু মখোয়না ফোঙদোকখি।
ভারত-য়ু.এস মরীশিং খুমাং চাউশিন্নবা য়ু.এস কংগ্রেসকী দল অনিমক্না শৌগৎপা অদু প্রধান মন্ত্রীনা থাগৎপা ফোঙদোকখি অমসুং মরী অসি গনতন্ত্রগী গুনশিং, নিয়মগী মতুংইন্না লৈবাক ঙাকপদা ইকায়খুম্নবা অমসুং অকনবা মীগা মীগা লৈনবা মরীশিংদা য়ুম্ফম ওইবনি। মালেমগী য়াইফনবা লৈবাক অনিগী মরীশিং মখা তানা মপাঙ্গল কনখৎহন্নবা মহাক্না অমুক হন্না থাজবা পীখি।
হৌখিবা জুন থাদা মহাক্না পুৱারি ওইনা অনিরকশুবা ওইনা য়ু.এস কংগ্রেসকী অপুনবা মীফম অমদা ৱা ঙাংবগী খুদোংচাবা অমা ফংখিবা মহাক্কী য়ু.এস খোঙচৎ অদু প্রধান মন্ত্রীনা নিংশিংখি।
*****
(रिलीज़ आईडी: 2027188)
आगंतुक पटल : 119
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Hindi_MP
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam