চলিত মুম্বাই আন্তঃৰাষ্ট্ৰীয় চলচ্চিত্ৰ মহোৎসৱত তিনিখন ভাৰতীয় চলচ্চিত্ৰকে ধৰি ১৪ খন চলচ্চিত্ৰই শ্ৰেষ্ঠ তথ্যচিত্ৰৰ বাবে গল্ডেন কন্স বঁটা লাভৰ বাবে প্ৰতিদ্বন্দিতা কৰিছে। আন্তৰ্জাতিক প্ৰতিযোগিতা শাখাত মুঠ ২৫ খন চলচ্চিত্ৰ বাছনি কৰা হয় য'ত তথ্যচিত্ৰকে ধৰি চুটি কল্পকাহিনী আৰু এনিমেছন চিত্ৰৰ বাবে পৃথক শ্ৰেণী অন্তৰ্ভুক্ত থাকে।

তথ্যচিত্ৰ শ্ৰেণীৰ শ্ৰেষ্ঠ আন্তঃৰাষ্ট্ৰীয় চলচ্চিত্ৰই ১০ লাখ টকাৰ নগদ পুৰস্কাৰৰ লগতে গল্ডেন কন্স বঁটা লাভ কৰিব, শ্ৰেষ্ঠ আন্তঃৰাষ্ট্ৰীয় চুটি কল্পকাহিনী চলচ্চিত্ৰ আৰু এনিমেছন চলচ্চিত্ৰক ৰূপৰ শংখ বঁটা আৰু প্ৰতিখনকে নগদ ৫ লাখ টকাৰ পুৰস্কাৰ প্ৰদান কৰা হ'ব।

ইয়াৰ উপৰিও আটাইতকৈ অভিনৱ/পৰীক্ষামূলক চলচ্চিত্ৰৰ বাবে বিশেষ জুৰী বঁটা - প্ৰমোদ পতি বঁটাও প্ৰদান কৰা হ’ব। লগতে, ৰাষ্ট্ৰীয় আৰু আন্তঃৰাষ্ট্ৰীয় প্ৰতিযোগিতাৰ উমৈহতীয়া শাখাত শ্রেষ্ঠ চিনেমাটোগ্ৰাফী, শ্ৰেষ্ঠ সম্পাদনা আৰু শ্ৰেষ্ঠ আৰুধ্বনি ডিজাইনৰ বাবে তিনিটা কাৰিকৰী বঁটা প্ৰদান কৰা হ'ব। আন্তৰ্জাতিক অ-প্ৰতিযোগিতা প্ৰিজম শিতানত পাঁচখন চলচ্চিত্ৰ প্ৰদৰ্শিত হৈছে।

আন্তৰ্জাতিক প্ৰতিযোগিতাৰ জুৰীত কেইকো বেং, বাৰ্থেলেমি ফৌগেয়া, অড্ৰিয়াছ ষ্টনিছ, ভাৰত বালা আৰু মানস চৌধুৰীৰ দৰে বিশ্বৰ বিশিষ্ট চলচ্চিত্ৰ ব্যক্তিত্ব অন্তৰ্ভুক্ত আছে। আন্তৰ্জাতিক প্ৰতিযোগিতা শাখাৰ তথ্যচিত্ৰবোৰে ব্যক্তিগত  সামাজিক সমস্যাবোৰত গভীৰভাৱে প্ৰৱেশ কৰাৰ লগতে বিভিন্ন ধৰণৰ বিষয়বস্তু সামৰি লয়। তাৰ ভিতৰত এটা অন্যতম গুৰুত্বপূৰ্ণ বিষয় হ'ল প্ৰতিকূল পৰিস্থিতিৰ মাজেৰে ব্যক্তিৰ স্থিতিস্থাপকতা আৰু ব্যক্তিগত যাত্ৰা। মেট ৱালডেকৰ দ্বাৰা পৰিচালিত আমেৰিকা যুক্তৰাষ্ট্ৰৰ তথ্যচিত্ৰ "লাভলী জেকচন"ত ৰিকি জেকছনৰ দুখজনক কিন্তু অনুপ্ৰেৰণাদায়ক কাহিনী ৰচনা কৰা হৈছে, যাক ভুলকৈ ৩৯ বছৰ ধৰি কাৰাগাৰত বন্দী কৰি ৰখা হয় আৰু তেওঁৰ জীৱন পুনৰুদ্ধাৰ কৰিবলৈ আৰু তেওঁৰ অনুজ আত্মাক পথ প্ৰদৰ্শন কৰিবলৈ উভতি আহে। একেদৰে, লেবাননৰ এখন আৰবী/ইংৰাজী তথ্যচিত্ৰ "হাইফেন"-এ নিচাৰ সৈতে যুঁজি থকা এগৰাকী মহিলাৰ প্ৰত্যাহ্বানমূলক যাত্ৰা অনুসৰণ কৰে আৰু ব্যক্তিগত বিকাশ, সামাজিক উৎপীড়ন, আৰু ব্যক্তি পৰিচয় আৰু স্বাধীনতাৰ হকে যুঁজৰ বিষয়বস্তু অন্বেষণ কৰে। "ধোৰপটন: নো ৱিণ্টাৰ হলিডেজ" নামৰ এখন নেপালী তথ্যচিত্ৰত দুজন বৃদ্ধ প্ৰতিদ্বন্দীৰ কাহিনী দেখুওৱা হৈছে যিয়ে তেওঁলোকৰ নিৰ্জন গাঁৱত একেলগে জীয়াই থাকিবলৈ তেওঁলোকৰ অতীতৰ সংঘাতবোৰ আঁতৰাই ৰাখে। এই কাহিনীয়ে জীৱনৰ শেষ সময়ছোৱাৰ পুনৰমিলন আৰু সহনশীলতাৰ বিষয়বস্তুৰ ওপৰত আলোকপাত কৰিছে।

আন এটা গুৰুত্বপূৰ্ণ বিষয় হৈছে সম্প্ৰদায়সমূহে সন্মুখীন হোৱা আৰ্থ-সামাজিক আৰু সাংস্কৃতিক প্ৰত্যাহ্বানৰ অন্বেষণ। "এগেইনষ্ট দ্য টাইড", সার্বনিক কৌৰৰ ভাৰতীয় তথ্যচিত্ৰখনে দুজন মাছমৰীয়া ভাতৃৰ বিপৰীত জীৱন উপস্থাপন কৰিছে, যি পৰম্পৰা আৰু আধুনিকতাৰ মাজত বহল সামাজিক সংঘাতৰ এক উপমা হিচাপে কাম কৰে। নিষ্ঠা জৈনৰ ভাৰতীয় তথ্যচিত্ৰ "দ্য গোল্ডেন থ্ৰেড"-য়ে কলকাতাৰ শ্ৰম-নিবিড় মৰাপাট উদ্যোগৰ ওপৰত আলোকপাত কৰিছে, যিয়ে ঔদ্যোগিক শ্ৰমিকৰ বাস্তৱিক সত্যক প্ৰকাশ কৰিছে। ডুলচ ফাৰ্ণাণ্ডেজৰ দ্বাৰা পৰিচালিত "কণ্টোচ ডো এস্কুয়েচিমেণ্টো"-য়ে আটলাণ্টিক অতিক্ৰম কৰা দাসত্ব ব্যৱসায়ত পৰ্তুগালৰ ভূমিকা উন্মোচন কৰে, যিয়ে ঐতিহাসিক অন্যায়বোৰ সন্মুখলৈ আনে।

পাৰ্চী তথ্যচিত্ৰ "মাজাৰাই চেল আখৰ"ত বিশ্বজোৰা ঘটনাৰ ব্যক্তিগত প্ৰভাৱ দেখুওৱা হৈছে, যিয়ে মহামাৰীৰ সময়ত ডিজিটেল যুগৰ সৈতে খাপ খোৱা প্ৰাথমিক বিদ্যালয়ৰ শিক্ষক এজনৰ সংগ্ৰামক চিহ্নিত কৰিছে। এই বিভিন্ন বৰ্ণনাৰ জৰিয়তে, তথ্যচিত্ৰসমূহে সামূহিকভাৱে ব্যক্তিগত সংগ্ৰাম আৰু বৃহত্তৰ সামাজিক-ৰাজনৈতিক প্ৰেক্ষাপটৰ আন্তঃসংযোগক অংকিত কৰে, যি মানৱ স্থিতিস্থাপকতা, স্মৃতি আৰু ন্যায় আৰু পৰিচয়ৰ অন্বেষণৰ বিষয়ে গভীৰ অন্তৰ্দৃষ্টি প্ৰদান কৰে। ভিগনেশ কুমুলাইৰ 'কাৰপাৰা' হৈছে এম আই এফ এফৰ আন্তৰ্জাতিক প্ৰতিযোগিতা শাখাৰ তৃতীয়খন তথ্যচিত্ৰ।

আন্তৰ্জাতিক প্ৰতিযোগিতা এনিমেচন আৰু চুটি কল্পকাহিনী শাখাত বৈভৱ কুমাৰেশৰ দ্বাৰা পৰিচালিত ভাৰতীয় চলচ্চিত্ৰ 'ৰিটাৰ্ণ অফ দ্য জাংগল', শচীন ধীৰাজ মুদিগোণ্ডাৰ দ্বাৰা পৰিচালিত 'মেন ইন ব্লু', জয়া সুৰিয়াৰ দ্বাৰা পৰিচালিত 'দ্য ডুড এণ্ড দ্য হোৱাইট ৰোজ' আৰু বিবেক ৰায়ৰ দ্বাৰা পৰিচালিত 'শান্তি' প্ৰদৰ্শিত হৈছে। এই বছৰ, এম আই.এফ এফ -ৰ আন্তৰ্জাতিক প্ৰতিযোগিতা শাখাত ইটালী, পোলেণ্ড, চীন, আমেৰিকা যুক্তৰাজ্য, পৰ্তুগাল, নেডাৰলেণ্ড, ইজৰাইল, জাপান, লেবানন, নেপাল, ইৰাণ, চেক গণৰাজ্য, ইউকে, ছাৰ্বিয়া, এষ্টোনিয়া, ৰাছিয়া আৰু গৌটেমালাৰ চলচ্চিত্ৰ প্ৰদৰ্শন কৰা হৈছে।

আন্তৰ্জাতিক প্ৰতিযোগিতা শাখাত তথ্যচিত্ৰ, চুটি কল্পকাহিনী আৰু এনিমেচন চলচ্চিত্ৰৰ অধিক বিৱৰণৰ বাবে, তলত দিয়া লিংকটো চাওঁক:

https://miff.in/wp-content/uploads/2024/06/FINAL-COMPILATION-V12.pdf

PIB Team MIFF | Nikita/ Bibin/ Darshana | 34 |DS